البروق اللي تلاعج من شمال و قبله= علّها ينزل مطرها ثم يسقي الديره
لين ينبت من مطرها سهلها و العبله= و يجلي قلوب البشر و يبدد التغبيره
و ينبت الحوذان و البقرا و ينبت ربله= و الثمام بوادي "الحفنه" يغورب طيره
اشهد ان كبدي من اللي حاصلن مندبله= كل ما يحصل غريب و كايدٍ تبريره
العرب صارت بوقت العولمه منهبله= ناس لا ترعى قرابه أو تراعي جيره
كل واحد صابته نشوه لصوت الطبله= و الرويبض قام يتململ و يقرع زيره
يوم عنتر ساتره ربه و راتب عبله= ما شكر ربه على ستره! ، و ابلش غيره
ما خذ العبره من اهل الفتنه اللي قبله= اصبحوا في مردم التاريخ في تقريره
ما معه في غيّه الا الإمّعه و الأبْله= و آخرتها ينتكس عنتر و يمهن صيره
وبالنهايه يالله ابنوّن صدوقن وبله= يسيِّل الوادي و تملا جمّة الما بيره

المشاركة الأصلية كتبت بواسطة الكحيلة (المشاركة 1024944) العرب صارت بوقت العولمه منهبله= ناس لا ترعى قرابه أو تراعي جيرة الله يهدي الجميع صح السانك شاعرنا القدير الصييفي

المشاركة الأصلية كتبت بواسطة العطيب (المشاركة 1024972) صح لسانك وبيض الله وجهك شاعرنا القدير

المشاركة الأصلية كتبت بواسطة سعد المحمدي (المشاركة 1025087) الشاعر الصييفي صح لسانك وعتلا شانك

المشاركة الأصلية كتبت بواسطة رابح الجحدلي (المشاركة 1025196) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة بدر الحداري (المشاركة 1025198) صح الله ألسانك أخوي الصييفي على قصيدتك الرائع ........

المشاركة الأصلية كتبت بواسطة القناصه (المشاركة 1025724) قصيده تحكي واقع رائعه جداااا صح لسانك بلاييين يالصيفي ودي لك

المشاركة الأصلية كتبت بواسطة الجرح (المشاركة 1027911) لاهنت وصح السانك تقبل التقدير والاحترام وفقك الله