بأسم الوطن وأهل الوطن والقبيله= عند النخيل وعند منهو سكنها
افراحنا زادت بيوم(ن)وليله =جية ملكنا ننتظرها بزمنها
أهلا هلا واعداد رش المخيله =وعد الطيور اللي تغني لحنها
اهلا هلا مانعتبرها قليله =في حق أبومتعب مانبخس ثمنها
المملكه بنتن تفل الجديله =وجاها أبومتعب باليدين وحضنها
نفرح بقربه مانتمنى رحيله =وارواحنا تفداه تلبس كفنها
عدو عينك منغبن عزتيله =النفس تلعن حضها ثم لعنها
اشفاك ربي والعدو وش حصيله =غير القهر والنفس زايد غبنها
واللي يريد الشغب جاته فشيله= والشعب متكاتف سوا ثم دفنها
ياراعي الفتنه خزا مع رذيله=اخزاك ربي يوم تامر وتنهى
وشفت السفيه اللي شوير الحليله= نعرف سواد القلب فيها ضغنها
مكشوف بالخطه ونكشف سبيله= مع شلة(ن)هطقا وبان امعدنها
حنالها مثل السيوف الصقيله= حنالها لازودوا في فتنها
حنالها ونشب راس الفتيله =حنالها وانقصها ونخبنها
من ضدنا نلعن جدف سلسبيله=الفيه الضاله نزود غبنها
عدونا راسه يصير بنثيله =وتدهن سيوره والبلا من دهنها
مليكنا للشعب عز وفضيله =اوامره للشعب داخل وطنها
مكارمه حتى اليدين الجزيله =ماتستطيع لمثل هذا بوزنها
ترجع وتصبح كاليدين البخيله =ولاعاد يكشف رمزها من علنها
مليكنا راع السلوم الأصيله =يقطع قلوب الشر وايضا طعنها
وحنا قبيلة حرب واسعد قبيله =بجية ملكنا ننتظرها بزمنها

المشاركة الأصلية كتبت بواسطة الكحيلة (المشاركة 995733) صح السانك وسلم بيانك على الابداع

المشاركة الأصلية كتبت بواسطة محمد حمد اليوبي (المشاركة 995737) كفو يالذيب صح لسانك ووفقك الله و على القوه ان شاء الله عز الله جزله وقليله فيها كلمة جزله يسلم راسك يالذيب العقيد

المشاركة الأصلية كتبت بواسطة السهم الحربي (المشاركة 995774) صح السانك واعتلا شانك يابدر الهويملي قصيده جزله ورائعه بيض الله وجهك عليها وابو متعب يستحق دمت بخير

المشاركة الأصلية كتبت بواسطة رابح الجحدلي (المشاركة 995801) ¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة سعد المحمدي (المشاركة 995870) الشاعر بدر الهويملي صح لسانك وبيض الله وجهك وأهل النخيل ربعنا عوف ويستاهلون منك القصيده الجزله وخادم البيتين يستاهل كل خير وحب وولا راعي الايادي السخيه تحياتي وتقديري

المشاركة الأصلية كتبت بواسطة محمد عبدالله البدراني (المشاركة 995899) صح السانك وعلا شانك قلت واجزلت يابدر الهويملي والوطن يستحق وونعم بك وباهل النخيل وبعيال ابن موقد وربعهم بيضان الوجيه تحيتي وتقديري

المشاركة الأصلية كتبت بواسطة وليف الشوق (المشاركة 997471) صح السانك مليوووون وبيض الله وجهك على هذا الابداع الرائع

المشاركة الأصلية كتبت بواسطة كعام العايل (المشاركة 1001984) حنالها مثل السيـوف الصقيلـه حنالهـا لازودوا فـي فتنـهـا حنالهـا ونشـب راس الفتيلـه حنالهـا وانقصهـا ونخبنـهـا أعجبتني كثيرا (نقصها وانخبنهاااا) تشرفت بسماع القصيدة عند عرضها على الفضائية وتشرفت بقراءتها هنا صح لسانك .. بدر الهويملي ونحن بانتظار أجملك القادم فلا تتأخر