سرور=
محلى الليالي مع الأجواد =في يوم فيه الرجال تجود
سلام مثل الحيا لا انقاد=همال وبله فدار الجود
فواز الزويهري=
من بعد جينا على الميعاد=في ديرة اهل الوفا والفود
ترحيب مثل العطر يزداد=والحرف جيبه بدون قيود
سرور=
حروف الامثال جات جداد=يا نسل الاحرار نسل جدود
بعد الرخا في دياري ساد=ما تعترض فالدروب سدود
فواز الزويهري=
سيرت فيها كما القواد=جيش المثايل بدون جنود
هيا ابتدي وابدع الأنشاد= والدار هذي ديار سعود
سرور=
عليل قلب الشقي ما هاد=راعيه فاغبر زمن ملهود
انا اعرف انك كفو فالماد=يا زويهري تسد بالماجود
فواز الزويهري=
لا باس يا مشتكي الأضداد=محال نرضى عليكم زود
وان كان يبغى العليل ضماد=يكشف لنا الحال حتى يهود
سرور=
الله لا يشمت بك الحساد=وذيك الليالي عسى ما تعود
ما سد فالعارض الإعداد=ظل المنايا بها ممدود
فواز الزويهري=
الأمر هذا عليه اشهاد=ولا تظن كل الليالي مهود
حنا رسلنا لك الأسناد=وابذل مع اللي وصل مجهود
سرور=
بادو وعلم لهم ما باد=للقوم صالح نصح ثم هود
وهذيك سنة ثمود وعاد =وليا متى والعباد رقود
فواز الزويهري=
الخيمة اللي بليا اوتاد=ماتقوم لو حطو العامود
تفكروا واردو الميراد=والصافية مالها منقود

المشاركة الأصلية كتبت بواسطة الكحيلة (المشاركة 973361) مشاء الله محاورة فا القمة صح الله السنتكم على الابداع

المشاركة الأصلية كتبت بواسطة ابن عباس اليوبي (المشاركة 973362) مشاء الله في روعة القمه صحت ا لسانتكم على الابدااااااااااااااااااع الرااااااااااااااااااااااائع لايستغرب عليكم الابداع يعطيكم العافية ع الطرح المميز .. دمت بخير .. وتقبل مروري00

المشاركة الأصلية كتبت بواسطة سعودية (المشاركة 973372) لحن في قمة الروعه ابداع وتمكن من شعار مبدعين صحت السنتكم ابدعتم بدع ورد عساكم على القوه ودااام هالتميز

المشاركة الأصلية كتبت بواسطة حرب (المشاركة 973373) ياسلام ياسلام محاوره جميله في ليله جميله تحيتي لكم

المشاركة الأصلية كتبت بواسطة رابح الجحدلي (المشاركة 973380) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة وليف الشوق (المشاركة 973449) صحت السنتكم وبيض الله وجيهكم ودام ابداعكم