ابوعيد وابومحمد=
ياهل المعاني نبى الامثال = تمشي على حرف نرقابه
حتى نخيم معه فالعال = في حضرة اهله وكتابه
ابوعمر و ابوعلي =
ابشر وحنا معك فالحال =والقيل ما نتوِّه رْكابه
هات الجزيلة وهاك جزال =والحر في راس مرقابه
ابوعيد وابومحمد=
تسلم وجات الحمول ثقال = معّها العقل كثرت انشابه
اهوال جابت معاها اهوال = اللي لها ناس طلا به
ابوعمر و ابوعلي=
ما ارضى على مثلكم مثقال=مثقال ذره ما نرضابه
الحاصل اللي شغلي بال=ما ارتاح لين اعرف اسبابه
ابوعيد وابومحمد=
حيرة بها الفكر حط وشال = من علم في مجلس البابه
قسيسهم صدق الاقوال = ودستوره الكل يدرابه
ابوعمر و ابوعلي=
جيتوا على الجرح يا رجال=عصابة تقاوم عصابة
والشعب ما بينهم لا زال=مجروح من يجبر مصابه
ابوعيد وابومحمد=
رحتو 0 ومفتاحها مازال = هذيك الابواب في غيابه
بين الجهل والعقول جدال = بأسباب جاهل لهم جابه
حرب وحسن =
من بعد عتم المثايل زال=الان هيا اسمع الجابة
الريح عمره ما هز جبال=درب الشقا لا تشقابه

المشاركة الأصلية كتبت بواسطة رابح الجحدلي (المشاركة 968405) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة شقردي حرب (المشاركة 968411) صحت السنتكم بيض الله وجيهكم على المحاوره الرايعه والله يعطيكم العافية ودي وتقديري

المشاركة الأصلية كتبت بواسطة سعودية (المشاركة 968413) صحت السنتكم شعارنا ابدعتم بالبدع والرد عساكم على القوه احترااامي للجميع

المشاركة الأصلية كتبت بواسطة العطيب (المشاركة 968438) صحت السنتكم بيض الله وجيهكم على المحاوره الرايعه والله يعطيكم العافية

المشاركة الأصلية كتبت بواسطة محمد عبدالله البدراني (المشاركة 968440) صحت السنتكم وبيض الله وجيهكم تحيتي وتقديري

المشاركة الأصلية كتبت بواسطة فواز الزويهري (المشاركة 968474) ليلة كانت من أجمل الليالي وإن شاء الله تكرر في القريب العاجل وصح ألسنتكم وبيض الله وجيهكم استمتعنا بهذا اللحن مباشرة وها نحن نستمتع به الآن لكم خالص التقدير