سقى الله مرباعٍ حوى زهرة الجود=وحيَّا المقام اللي على الطيب منشاه
ودام الرجال اللي لها سبق ممدود=من كاس مترع بالوفاء لين منهاه
يا ضيف يا أهل الدار ياكل موجود=يامن لفا للدار من كل مجهاه
سلام من ربٍ رحيمٍ ومعبود=سلام لأهل المجد مليون مثناه
أعداد ما هبة من العارض النود=وأعداد نونٍ سايق الخير يبراه
أقبل حثيث وسبَّحت فوقه رعود= وقادت ثعوله بالحيا وانهمل ماه
وأحيا الديار اللي لها سلم محمود=عز الديار وفخرها عز من جاه
دار المؤسس دارنا ديرة سعود=وفيصل وخالد والفهد طاب مثواه
ديرة أبو متعب له المدح .. من زود=حبٍ سكن في القلب لله في الله
أنا أحمد الله عاد والمسلم يعود=بإيمان صادق والمرض زاد قواه
هذا عريب الجد والعلم مشهود=الجد وائل حيث تبغاه تلقاه
يبخل سحاب الغيث ويقل بالفود=ويمطر سحاب الخير من كف يمناه
جزل العطايا أيمنه مالها حدود=بذل أيمنه وصل البعيد وتعداه
حاز المناقب والمآثر من العود=حرٍ أبيٍ ما أخلف الملك مبداه
وأن كان صغته شعر فالشعر مقصود=من رأس شاعر صاغ وزنه ومعناه
صاغ الحروف وبخره با ازرق العود=ورشه بعطر من النفل لين أرواه
وقال الصحيح ولا على الصدق منقود=والصدق ياأهل الصدق للعبد منجاة

المشاركة الأصلية كتبت بواسطة غازي الزغيبي (المشاركة 953622) صح لسانك وبيض الله وجهك قصيده جميله ويشرفني يأول من صافحها

المشاركة الأصلية كتبت بواسطة مهجرس الحرف (المشاركة 953624) صح السانك وبيض الله وجهك

المشاركة الأصلية كتبت بواسطة فهد ابن غانم (المشاركة 953628) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة الكحيلة (المشاركة 953643) صح السانك وسلم بيانك مدرسة الشعر شاعرنا الكبير محمد سعد اليوبي اجزلت با الوصف والحرف ويستاهل ابو متعب والحمد لله على سلامته

المشاركة الأصلية كتبت بواسطة الجرح (المشاركة 953659) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة محمد عبدالله البدراني (المشاركة 953661) صح السانك وعلا شانك قصيده رائعه ياليوبي تحيتي وتقديري

المشاركة الأصلية كتبت بواسطة راعــ(البل)ــي (المشاركة 953835) ومن قال سالم و غانم صح الله لسانك قصيدة رائعه بحق تحياتي

المشاركة الأصلية كتبت بواسطة عبيدالله الحربي (المشاركة 953838) علم من اعلام الشعر , دام تواصلك الطيب 0 ومرحبا بك دائما 0وصح لسانك