بخيتان البشري=
سلام يرجح به الميزان = مطنوخ ينصى طنوخ رجال
يقريه للقاسي بخيتان = وافي لراع الوفا ينقال
القاسي الاول=
ترحيب مني لكم عجـلان=راقي ونهديه لك بالحـال
يامن له الطيب دايم شان=موروث من سابق الاجيال
بخيتان البشري=
ما شان طيبك مع العربان = مجودّه بين عم وخال
نبغى المثل يعتلي ويبان = ونرسم معه بالحروف جزال
القاسي الاول=
من سابق الوقت حتى الان = مثلك يقدم له الفنجال
وحنا على منهج الجدان = ونقابل الطيبه بامثال
بخيتان البشري=
كريم سبلا ذريف إيمان = طبعك ولايحتويه اجدال
بسألك وانته حكيم 0اللسان=نُطقه عدل ماغوى لا قال
القاسي الاول =
كفيت باالمـدح والعرفـان=هات الذي في ضميرك جال
اسأل واجاوبك بالبرهـان=جواب شافي يحل سـؤال
بخيتان البشري=
أهل الوفا لاوعدهم حان = فيه المواعد يغيب محال
زل الوعد صاحبي مابان = وحالت بعد حان إنه حال
القاسي الاول =
يمكن حكم فوقه السلطـان=والحكم جائر عليـه وطـال
واليـا لقـي فـك للبيبـان=يجيب عذره علـى ماقـال
واهل الوفاء تنجزي باحسان=مادام فيهـا وعـد وعقـال
في وقتها كل مصعب هـان=ويكون مكسبك طول البـال

المشاركة الأصلية كتبت بواسطة علي عيد البشري (المشاركة 951790) صحت السنتكم وبيض الله وجيهكم على المحاوره الجزله من ولاهي غريبه على شرواكم اهل المعاني والتكميل

المشاركة الأصلية كتبت بواسطة وليف الطير (المشاركة 951793) ابدااااع بدع وابداااع رد صح الله السنتكم وبيض الله وجيهكم

المشاركة الأصلية كتبت بواسطة ميس الريم (المشاركة 951818) صحت السنتكم وبيض الله وجيهكم ,,,,,, قمة فاللذوق,,,,,,

المشاركة الأصلية كتبت بواسطة حرب (المشاركة 951849) صحت السنتكم وبيض الله وجيهكم على المحاوره الجزله من ولاهي غريبه على شرواكم اهل المعاني والتكميل

المشاركة الأصلية كتبت بواسطة السينات (المشاركة 951851) محاورة رائعة ولحن في قمة الابداع صحت الالسن وربي يعطيكم العافية شاعران كبيران دمتما

المشاركة الأصلية كتبت بواسطة دربي وفا (المشاركة 951866) محاورة رائعة ولحن في قمة الابداع صحت الالسن