|
,,تكتب بحب البرد .,,,؟؟؟
لبسوها بشتها لحفرة لحدها=جهزوها للمنيه في ثواني ودفنوها والنفس يذرا بجسدها=الله اكبر ياتصاريف الزماني ثم اقامو حفلةٍ محدٍ شهدها=غير صمت وخوف واصوات السواني كانت جذوع النخل تبكي فقدها=كل عرقٍ من عروقه شد ثاني وجفت ابياره ولا واحد وردها=صار ماها دم في هاك المكاني كانت الساعة ثمان اللي بيدها=شاهده جرم القرايب والعواني وقفتّ عقارب الوقت الوعدها=عم صمت الكون لابواب المباني مالقت من مرها والا نشدها=ياجريمة كيف باصفك فبياني؟! والسعادة شيعوها في مهدها=اقتلوها وصدرو فيها بياني تارث الدنيا عقب موتت ولدها.؟=التناقض في فعايلهم دهاني كيف تارث والقتيله ما بعدها=أنجبت من عمرها لو مودماني؟ قلت هانت بان لي أمر ودها=كانت تنادي عليهم يا أخواني وامطرت سحابة يصعق رعدها=زحت تراب القبر والحد باني شفتها بيدينها تجمع بردها=وتكتب بحب البرد جزل المعاني واكتبت سطر وعجزت افهم قصدها=قالت أنا رحت لكن جيت ثاني!؟ خبريهم ما بعد ماتت بعدها=حيةٍ ترزق وتنعم با الاماني في ظلال الستر تنعم في سعدها=طابت جروح الغدر والوقت زاني وانشديهم يوم طاحت من سندها؟=منهو اللي قال ما دونك عواني? غير ربي يوم في فضله عضدها=ونتشت لنصر من بعد الهواني |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
الرااقي |
قصيدة يحتويها الغموض
معاني رائعه دايم الابداع لك كحيلة حرب صح السانك وبيض الله وجهك |
صح الله لسانك ولاهنتي وسلم فكرك وبنانك دمتي برعاية الله وحفظة |
كـــيـــف تــــــارث والـقـتـيـلــه مــــــا بــعــدهـــا أنـجـبـت مـــن عـمـرهــا لــــو مـودمـانــي؟ ابيات خلفها شاعرة جزلة بكل اقتدار صح لسانك ودام الابداع الغير مستغرب |
اقتباس:
الرااقي |
اقتباس:
قصيده لو فيها بعض الغموض ولاكنها واضحه وهي توضح معنات بعض النساء الذين ارغمن على الزواج وعاشن كل الموات واقفلن عواطفهن في صدورهن حتى احرقت صدورهن والسبب ولي الامر الله يسامحهم صح الساااانك يالكحيله ودام حضورك الجميل |
ثـــم اقـامــو حـفـلــةٍ مــحــدٍ شـهـدهــاغير صمت وخوف واصوات السواني
كـانـت جــذوع الـنـخـل تـبـكـي فـقـدهـاكــل عــرقٍ مــن عـروقـه شــد ثـانــي<<<<<<<اعتقد ان هذا البيت يفك لغز القصيده قصيده تحكى عن معاناة انثى ولكن بالنهايه انفرجت هذه المعناة بقدرت قادر وهو قادر سبحانه تقبلى مرورى ودمتم بخير |
صح لسانك
قصيده في غايه الروعه |
اقتباس:
|
الشاعره القديره
الكحيله صح لسانك مدد بلاعدد قصيده جزله ورااائعه لاهنتي والله يعطيك العافيه |
اقتباس:
|
أختي / الكحيلة .. هنا لم تكتبي قصيدة ؛ بل كتبتي قصة
لبسوها بشت ولم يلبسوها شيئا آخرا لأن الحفلة كانت في قرية ما وفي زمنٍ ما ؛ فالمكان من حولها كان يدل على ذلك فهناك أصوات السواني ؛ وجذوع النخل وهنالك كان الصمت والخوف الذان كانا يسيطران على الفتاة القروية فهذا حال الفتاة في المجتمع كما تذكرين شاعرتنا حتى صدر أمر ما أو حصل أنقذها من هذا الظلم وهنا السؤاااااااال ماهو (إذا كان من حقي) ولكي يكتمل الجمال حبينا نعرف أختي الكحيلة .. (منتي سهلة) تتكئين على جبل من الوعي والفكر (ماشاء الله عليك) ولكن أحزنني كثيرا أن تلك الجزلة كتبت بحبات البرد فلن نجد لها أثرا بعد فترة فتمنيت لو نقشت على حجر صح لسانك أيتها الأصيلة .. الكحيلة |
اقتباس:
اللي يدل على وعي وبعد نظر بعيد كل البعد عن الاسقاطات والترسبات الباليه صح بدنك ولاهنت لكني ابي اقلك انو مو مطلوب من الشاعر شرح قصيدته اعتذر للخوة لني تخطيتهم برد لكن الرد يتطلب ذالك |
اقتباس:
يبدو أننا سنتفق بأن الإختلاف بالرأي لا ......... (المعنى في بطن الشاعر) عذر الشاعر الذي يكتب بلا وعي وإدراك لما يكتب .. وكما اتضح لي من هذه القصيدة أنك مدركة لما كتبتي ولم أطلب سوى مايزيد الجمال جمالا بـ ماذا ربي سندها ومن هو أو ماهو ذلك العضيد هذا كل مافي الأمر .. فلم أطلب شرحاً للقصيدة بل .. توضيح ذلك لا أريد أن أكون في موقف الملحّ .. ولكن من إعجابي في القصيدة تمنيت فك شفرة البيتين الأخيرة ومتناااازل عن البيوت اللي قبلها ههههه |
اقتباس:
لنقد حتى اشرح او اتعذر في المعنى في بطن الشاعر. طيب لعله الحظ اول القدر ومادام ان ربي سندها قدرته اقوا من خلقه انتها |
بعيـادة الدكتـور والنـاس جــلاس شفـت الحزينـه بآنتضـار العـيـاده عـذرا تثيـر بحزنهـا كـل حسـاس ودنيـت منهـا كنـت اريـد الافـاده ولقيتهـا مابيـن هــم وهـوجـاس قلـت اسمحـي لـي الكـلام بركـاده مادام عـون النـاس للنـاس نومـاس وش صايـر لـك ياظبـي الحـمـاده قالـت وربـي منـي البـال منحـاس ومن زوجـوه بغصـب لا واهجـاده بينت انا للوالـد الوضـع مـن سـاس وقلت الجبـر ماهـو للأجـواد عـاده يابوي ابن عمي على العيـن والـراس لاشـك مالـي فـيـه يـابـوي راده يابوي خف من خالق الكـون والنـاس ما اريد انـا شوفـه مـرادي بعـاده جمسه وصالونه مـع التـاج والمـاس وكثـرة فلوسـه ماتجيـب السـعـاده يابوي قلبي حـب مـن لامشـى داس فـوق الظمايـر ويستحـق القـيـاده زين الشباب ولامشى درب الانجـاس شوفه مناي وشـوف زولـي مـراده حب الشرف مافيـه عيـب ولابـاس والـي زرع واثمـر يباشـر حصـاده عيشة فقر مع صاحبي عطر الانفـاس في بيت مافيه غيـر قطعـة وسـاده ولا عيشتي مع شخص معدوم الاحساس لوكنت في قصر مـن المـاس شـاده ياناس تكفون افزعوا شفـت الاتعـاس يانـاس مجبـوره ولا لـي جــلاده اخاف اموت من القهر واشرب الكـاس واخلـي الطـمـاع يعـلـن حــداده قلت الأمل موجـود وشهولـه اليـاس والله رحــوم ولايضـيـع عـبـاده ياعل مـن بـاع العـذارى للأفـلاس وعسـاه مايفـرح بنطـق الشـهـاده للشاعر : محمد بن سبيّل .. كحيلة حرب ,,, الابداع ليس منك ببعيد ,,, فانتي منبعه ونبراسه ومتميزة دومآ ,,, صح لسانك وعلا شانك كل ماسطر من كلمات من اخواني الاعضاء قليلة بمقام قلمك لله درك مبدعة مع مرتبة الشرف وان كنت اردفت قصيدة ابن سبيل فما هو الا اشادة بروعة قصيدتك صح لسانك مبدعة |
صح السانك أختي,,,
قمة فاللذوق,,, اجبرتي حرفي على النطق انتي راائعة ,,,,,, |
اقتباس:
الرااقي |
اقتباس:
كم يسعدني هذا التواجد الرااقي والقصيدة لوحة فنية كل شخص يفهمها حسب فهم دمتي بخير |
اقتباس:
الرااقي |
الشاعره القديره
الكحيله صح لسانك مدد بلاعدد قصيده جزله ورااائعه |
اقتباس:
|
الساعة الآن 05:39 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir