|
يكفيه ...من تركي العماني كلمة ؟؟؟؟؟؟؟؟؟؟؟؟؟؟؟؟
بسم الله الرحمن الرحيم
اخواني واخواتي ....في ملتقى حرب .....ابدى موضوعي ..في سؤآل .من المحتمل راود الكثير منكم او سوف يراوده لماذا تركي العماني طرق باب المنتدى ودخل بعد الأذن من افراد هذا الملتقى واستقبلوه بكل حفاوه وتكريم... وطريق نهجه واحد ......الآوهو طريق نهج الغزل ....لماذا ياتركي نهجك واحدى وتريد انه واحد وتُعجب انه واحد ... الجواب ........نعم اتجاهي الكلي والفعلي ومن اغلى احاسيسي اتجاهي واحد .......نعم اتجاهي وبكل معنى وبكل قوّه ...................لشعر الغزل العفيف الشريف....لماذا ..لأنه نابع من القلب من قلب صادق لشخص احساسك فيه صادق لا ترتجي من شخصه الآ..المحبه والوفى اذا اجتمع الحب والوفى هذا هو الحب الحقيقي ........ولست ملزّم ...بمدح فلان او هجي فلان ..........من يستاهل المدح يكفيه من تركي العماني كلمة وسبعين نعم ...تكفيه عن سبعين بيت لمدحه ....ومن يستاهل العكس فا له مثلها .....ولاكن العكس ... انا قلت هذا الكلام لانني استغربت من تركي العماني ,,,,,ولاكني عذرته وآ..ايّدته اخوكم .............تركي ..... __________________________________________________ _______ ياليمي في حبها وش تبي فيّ=يمين ماتاصل بلومك غلاها مادامها بدنياي ومدمّت انا حيّ=عمري لها ارضً وروحي سماها ومهديلها العينين هذي قبل ذيّ=عينً تفرّشّها وعينٍ غطاها والقلب لو تبغاه في راحة ايّديّ= القلب وغير القلب كله فداها هي الأمل هي الغلاى والرجى هيّ=ينساني الله كان قلبي نساها يالآيمي دنياي دونه ولا شي = يالآ يمي يكفيك ربي عطاها |
أهلا أخي تركي العماني
قرأت مقدمتك عن القصيده وأقول لك يا أخي تركي الغزل أذا كان الغزل عفيف كما قلت بالعكس مافيه شي وهذا الطرق موجود من سابق الأزمان ولاكن هناك غزل ممقوت فاحش وهذا هو الغزل المحذور ,,, أما عن القصيده فصح السانك حتى ترضى والي يلومك ماهو بخير:0746: لك الود والتقدير والأحترام وفقك الله ودمت بخير |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
ابدع كما تشاء ومتى ماشئت
فانت مبدع ولا على هذا خلاف دمت بود |
الشاعر تركي العماني صح لسانك على القصيده الجزله
وعن المقدمه انت حر في ماتطرح غزل او غير ذلك على شرط يكون في ايطار الادب والتنوع في الطرح مطلوب من حكم وغزل ونصائح وغيرها لو طلب منك في احد الامسيات خمسه قصائد من المعقول تكون كلها غزل اكيد لالالا شاعر بحجمك ياتركي مطلوب منه اكثر من قصاتد الغزل هذا مجرد راي ومداخله حول المقدمه اخذ منه مقيده وترك الباقي دمت بحفظ الله ورعايته |
لله درك من شاعر .. تسلم وتسلم ذائقتك
... لاتبخل علينا وتثري غيرنا |
السهم الحربي....يسعد لياليك
تواجدك في صفحتي يشرفني الله يشرّف مقدارك ومن ناحية تعليقك على مقالي ايضاًيشرفني ولاكن انا لم اقصد انني لا اتطرق لباقي مواضيع الشعر ولاكن ميولي واكثر اتجاهي الى شعر الغزل |
صح الله لسانك ولاهنت وسلم فكرك وبنانك دمت برعاية الله وحفظة |
تركي العماني صح لسانك على القصيده +++++++++++++++ ياليـمـي فــي حبـهـا وش تـبـي فــيّ يـمـيــن مـاتـاصــل بـلـومــك غــلاهـــا من اللي يقدر يلومك ياتركي تقبل مروري |
اخي العزيز تركي العماني
سلمه الله عن المقدمه اقراء ماقاله سعد المحمدي فالشاعر عليه طرق الكثير من اغراض الشعر ان لم يطرقها كلها.. وعن القصيده رائعه بروعة حضورك ومليون صح السانك وعلا شانك لاعدمناك ياتركي تحيتي وتقديري |
صح لسانك
.. .. أسجل اعجابي بالقصيدة .. ويعطيك العافيه .. |
اخوي رابح
هلا وغلا حياك الله تشرفت وتشرف متصفحي بتواجدك الله لا يهينك |
علي حاسن
ياهلابك اخوي تواجدك بصفحتي يشرفني الله لا يهينك |
اخوي ....سعدالمحمدي
يشرفني وجودك في صفحتي لاعدمتك ومن ناحية تعليقك ..تاج على راسي ...ولاكن اخوي سعد مثل ماقلت انه اذا كنت في امسيه من الغير لآئق يكون اتجاه الشاعر اتجاه واحد اللي هو شعر الغزل ..اكيد لابد من التنويع وهذا لا يعيقني والحمدلله بس اللي انا اعنيه انني بالكلمه العآميّه (متولّع بشعر الغزل )والله ياخوك شيً الله يكفيك الشر .ههههه ومن ناحية الشعر كاكل لاوالله انا اخوك لي معه علاقه وطيده جداً....وانشالله تبي تشوف اللي يطرب مسامعك انت واخواني الباقين......................وفعلا ياسعد كلمتي يوم اقول يكفيه من تركي وسبعين نعم ....والله اني صادق انا ودي انك انت والرجال اللي شرواك اذا جااسمي تقولون وسبعين نعم برب البيت تكفيني عن الف بيت سعد.....تشرفت بحضورك وتعليقك وفيك كلك تحياتي وتقديري |
تركي العماااني
والله وسبعين نعم لامجامله ولامبالغه صح لسانك على القصيدة الجزله وانت دائماً معودنا على الجزل وكما قالو الاخوان انت حر في ماتكتب والشاعر المبدع مبدع في اي مجال إذا قرأت لشاعر قصيدة غزل جزله اكيد باقي اغراض الشعر عنده راح يكتب عليها بنفس القوة مرة اخرى صح لسانك ياولد العم وبيّض الله وجهك |
الاخ عبيدالله الحربي
شرفني حضورك .....ورآيك في مااكتب يهمني الله لايهينك |
علم من اعلام الشعر , دام تواصلك الطيب 0
ومرحبا بك دائما 0وصح لسانك أعذب وأجمل |
السلام عليكم ورحمة الله وبركاته سلمت ودمت أخوي الشاعر تركي العماني على القصيدة . . . جزله ورائعه وصح لسانك أخوك ابوساره |
صح لسانك كلام جميل الله يعطيك العافيه / \ |
لاهنت وصح السانك
تقبل التقدير والاحترام وفقك الله |
ابن فرهود ...هلابك ومرحبا
تواجدك اسعدني وشرفني الله ورايك يهمني الله لا يهينك |
اخوي خالد مبيريك....هلابك ومرحبا
تواجدك اسعدني ورايك يهمني الله لا يهينك |
اخوي ..محمد البدراني ...هلابك ومرحبا
تواجدك اسعدني وشرفني ورايك يهمني الله لا يهينك وكلام الا خ سعد المحمدي قريته وهو تاج على راسي ولاكن انت ايضاً اقرأ ردي على الاخ سعد المحمدي الله لا يهينك يابو عبدالله |
اخوي سالم الفريدي ........هلابك وغلا ..تشرفت بحضورك
الله لا يهينك ويطول عمرك |
الاخ القدير ....فهد سعد السليمي
والله انك انت اللي تستاهل سبعه وسبعين نعم ولا يكفون انت ولآ بتك كلها بدون ادنى مجامله اخوي فهد شرفً لي وجود اسمك في صفحتي لاهنت |
الشاعر المبدع تركي العماني
صح السانك على هذا الغزل العفيف النظيف قلت وابدعة وانت من مقر وساس الابداع لاعدمناك تحياتي وتقديري وحترامي |
الساعة الآن 12:50 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir