|
مع التحيه و القدير
هذه الأبيات القصيره آمل ان تلقى صدى ايجابي من المعنيين و من جميع رواد هذا الملتقى العامر بأهله
يبو عويِّض خذ عذاري لما فات= لوِّكْ بدونه منت شاقي و لا تَعْس عذري موجَّه للبدارين بالذات= و ارفع لهم رايه على الضلع و الطِّعْس و الطعس ثابت ما تحرِّكه صوكات= و لا احدن خذا من قمته ماخذ القِعْس ابليس حاضر في جميع المهمات= يغوي البشر، بمهمته ما بعد نَعْس و حنا دحرنا ابليس و ابليس ما مات= ليته على سكة طريق الحفر دِعْس خذنا مع اهل الطيب من حرب سجات= و الطيب ما عمره على اهل الوفا يَعْس وعذري يعم اهل الوفا و المروات= بقبيلتن عِزّة رجالاتها قِعْس * و سلامة الجميع * من العزّة القعساء |
الاعتذار لايقدمه الا الكرما
وكلن كلامه يدل عليه لاهنت يالصييفي وصح السانك وعلا شانك والعذر مقبول ولو ماقفلت القافيه كان ردينا بقصيده ولا يبقى الا الطيب سلمت ودمت |
اقتباس:
يامال الغنيمه يالصييفي ماركزت الرايه للبدارين على قمة جبل وخليت الطعس لاهل التطعيس ماكان هذا ضني فيك يابو وليد |
اقتباس:
سلمت يبو عبد الله و بلغ سلامي ابو عويض شكرا لتفهمك |
اقتباس:
هههههههههه حياك يا مهجرس وجزاك الله خير القافيه اجبرتني و لعل البيت اللي بعده يشفع لي و ان كام عندك بيت فيه مثل سنجار نرفع عليه العلم بافزع لي شكرا لك |
الشاعر الصييفي بيض الله وجهك والبدارين رجال كرما اذا جاهم الغذر وافي
مارايح يرفضونه والشاعر محمد عبد الله ماقصر وان شاء الله محمد عويض برضه مايقصر حيثهم رجال من رجال اهل عرف ومن قصايدي في البدارين القصيده التاليه موجوده بالملتقى وديواني من قبل سنه
سلام تسليمـت وفـاء يالبداريـن=تسليمت المسلم على المسلمينـي احلا من الحالي حـلا يالكريميـن=ومغلفـاً بـا لـورد والياسمينـي جينا لكم من وادي الحمض عانين=من فوق جمساً يعجب الناظرينـي لولا غلاكـم يالرجـال العزيزيـن=ماجيت عانـي جعلكـم سالمينـي ياربعنـا يامرجحيـن المـوازيـن=لاثار عج الخيـل بيـن القطينـي ان قيل ياهل الخيل منتـم ذليليـن=حمايـة التالـي ذرى الخايفينـي حلوين في حاله وفي حال مريـن=ياما غزيتم فوق خيـل وهجينـي ماتاخـذون الطارفـه يالشجيعيـن=هرجٍ عليه من العـداء شاهدينـي ماتاخـذون الا حـلال اللمسميـن=قـومٍ مافيهـم بالملاقـاء دوينـي وقت الضحى لاشافت العين للعيـن=الكسب منهم مقرعـات الحنينـي وبالضيف والجيران دايـم وفييـن=وخويكـم كنـه حـدى الوالدينـي الطيب فيكم من قديمن وها لحيـن=ماهـو وليـد اليـوم يالطيبينـي هذا الصحيح اللي عليه المضامين=غصباً على العدوان والحاسدينـي ماقلت غير الصدق ماهي تخاميـن=الصـدق بيـن والفاعيـل تبينـي واعود للي جيت لـه يالفهيميـن=مبروك يافيصـل طويـل اليمينـي مبروك ماسويت يامكمـل الديـن=ياجامعـاً مابيـن دنيـا وديـنـي عساك من ضمن العباد السعيديـن=ماتشتكي من جور غبر السنينـي ابوك للجـزلات رمـز وعناويـن=صالح عسـى ذريتـه صالحينـي معزب الخطـار ريـف المساكيـن=مدهـال للقصيـن والا قربيـنـي من خوف لاتفسر على يسار ويمين=ويلقـى بهـا مدخـال لشامتينـي اقسم لكم بالي خلقنا مـن الطيـن=مالـي ورى ماقلـت يالسامعينـي غير الوفاء وشاهدة نـاس وافيـن=شرواء رجـا لٍ قدمنـا جالسينـي تمت بعون اللي له الناس راجيـن=مفضل المسلـم علـى الكافرينـي |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
مرحبا بك يبو تركي و صح لسانك جزله من جزل و موضوعها الجزاله و مشكوور على الكلمه الطيبه لا هنت |
اقتباس:
صح بدنك يا رابح الجحدلي مشكور لتشريفك |
اقتباس:
|
الصييفي/// بيض الله وجهك على هذا الأعتذار الطيب
ومهما أختلفنا في وجهات النظر نبقى أخوة ,, بارك الله فيك ودمت بخير ,,, |
اقتباس:
مرحبا بك يبو خالد و زيادة الخير بركه و اللي يجي منك دايم مقبول لو ما جا من اضافتك الا تفكنا من مهجرس"ساهر" الحرف صح قلبك و بيض الله وجهك |
////////////
صح الله لسانك ولاهنت وسلم فكرك وبنانك دمت برعاية الله وحفظة |
قصيدتك كفو وانت نوماس وعلمك غانم صح لسانك وانا اخوك على هلقصيدة الأكثر من رائعة من شاعر جزل ومتمكن .. شكرا ً لك من الأعماق على هذا الحضور وهذا الابداع وتقبل خالص تحياتي وتقديري |
اقتباس:
الله يسلمك يالسهم الحربي و بارك الله فيك و بأمثالك لك كل التقدير |
اقتباس:
يا هلا بك يبو فياض و مشكوور على حضورك و كلامك الطيب لا خلا و لا عدم يالغالي دمت و دام نقاؤك |
اقتباس:
|
اقتباس:
صح بدنك يبو عويض عزيزي و غالي لاهنت على حضورك و طيب معدنك |
اقتباس:
كلام ابو فارس في محله يا ابوو ليد وانا والله اني انتظرت لعل احد من الاخوان الذين لديهم صلاحيات النقد ان يكون لهم تعليق ولاكن للاسف الشديد لم يحضرو لهذا سوفا ابديي رايي بكل صراحه ووضوح وتمنا ان اوفق في ايصال وجهة نظري والموضوع مع الاسف لا يقبل الايجاز والاختصار اخوي الصييفي انت شاعر لا نختلف على هذا وادركت انك اخطيت وتريد الاعتذار ما الذي يجبرك على اختيار قاف شحيح بعباراة الاعتذارلكي تجبر نفسك وتركز الاعلام في ممر السيول وقاعات البحار والرمال المتحركه واعلم بارك الله فيك ان اللي قدمت له الاعتذار لو كنت في محله لصنعت مثل ما صنع وقبلت اعتذارك من باب المجامله وفعلت مثل ما فعل ماله الا ماسواء والموقف يجبر على ذالك قد نضع احتمال انك لا تريد رد للقصيده ولاكن ما الذي يمنع ان يجاريك المعتذر له بقصيده مدامك تخاطب شعار والقصد والنيه سليمه انا اعرف ان القوافي التعسفيه ليست للاعتذار بختصار ولاكن انا اريد ان اوجه رساله صادقه لك وللاخوان الضيوف الاعزاء بما انا هنا نقدر ونحترم جميع القبائل ولا نهفي حق لبشرن ما اليسا من الاجدر ان نحترم والله انا شاركنا في كثير من المنتيات وانت شاركة ورايت كيف يكون التعامل مع ضيوف الموقع واكثر المواقع اذا عطاك ربع ما تستحق غنيمه ومقدار شرواك مافيه منه وهذا رايي و تعليقي على القصيده واقول قولت ياربع اخطيت وارجو السموحه خيرن من اعتذار يشتبه فيه وكان بمكاني ادون ماذكرته بقصيده تعسفيه لك خصوص ولاكن تقدير لك يامل الشحم وانت تعلم ما تعلم والله من وراء القصد والسبيل |
اقتباس:
بالنسبه لقصيدة الاعتذار انا لاتهمني بل اعتبرها كلمه وحده( اعذرني) وانا قبلت عذره من دون التشخيص في ما تحتويه من معنى وقبول العذر من شيم العرب .. وحقيقة بيض الله وجهك تحيتي |
حياك الله يا محمد عويض البدراني والاهنت |
الله يمسيك بالخير يا عبدالله عتيق الحنيني شكرا لك سوء التفاهم جا بيني و بين ابو عويض و اعتذرت له و لجميع الحاضرين و قبل الإعتذار و هذي شيم الرجال و أنت جزالك الله خير الآن تريد تبحث المشكله من جديد ما أدري ليه و مسألة القصيده و القافيه فيها اعتذاري و واضح ما يحتاج تأويل و لا أقول الا الله يسامحك |
صح لسانك
.. .. أسجل اعجابي بالقصيدة وبيض الله وجهك .. ويعطيك العافيه .. |
حياك الله يا الصييفي
سو التفاهم كان بينك وبين محمد عويض ولاكن اعتذارك لم يقتصر ويختصر عليه بل كان شامل للبدارين وهذا اللي خلاني ابدي وجهة نظري وتحياتي لك حتى ترضى |
اقتباس:
يا مرحبا بك يا سالم الفريدي الله يجمل حالك و يعافيك لا خلا و لا عدم لك كل التقدير |
اقتباس:
مرحبا بك يا عبد الله و وجهة نظرك وصلت و اقدِّرها احترامي لك |
الساعة الآن 07:45 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir