المشاركة الأصلية كتبت بواسطة ابوخالد الفريدي (المشاركة 922000) وقلبي اللي وارد الهم لاعه =عقب انتحى المطلوب همه يلوعه عقب الخوي اللي طويل ذراعه=اللي يجملني بطوعي وطوعه اللي مماشيني بعزم ومطاعه = واللي تنور في طريقي شموعه ويفيدني بالمرجله والصناعه = وفيه الجماله مع حليه ونوعه وهبه من الله ماخذيته شجاعه = لين انه اصبح باليات فروعه ماعاد عندي عقب فارق مناعه=وابكي عليه ومستحيل رجوعه يرجيه طفل عقب سن الرضاعه=ويرجيه طالع في بداية طلوعه واللي ماجرب غيبته وانقطاعه= العلم مقبل لاتغره دروعه لابد من يوم يرد الوداعه =وتبدا اغصونه تنفصل عن جذوعه مايفيد طب ولاتفيد الشفاعه = ليا بدت تظهر علامة ركوعه كل ليامنه تمزع اشراعه = تبدا قطوعه لين تبلي قطوعه يابن عتيق ان كان عندك قناعه =نبغى الكلام اللي ثبات وقوعه ترى الكلام الصدق ممكن ضياعه =عند الهتول اللي تقلل سنوعه وانته برايي من كبار الجماعه = رجال عرف وزاكيات طبوعه

قدر ومقام المعتبر باالرفاعه=اللي يتل السبق تل بطلوعه
عانق شعاع الشمس حزت شعاعه=مع الحرار النادره والبتوعه
يعانقه طربان له بندفاعه=ويقلده في هدته وبشلوعه
يفداه قلب المرجفه والرعاعه=اللي لميع الشمس لا المع يروعه
سمعت منه اللي يليق استماعه=وبعطيه علمن يقبلنه اسموعه
مالي بدعوا ما شتكيت استطاعه=خصمك خصيم المجتمع في جموعه
واللي يجيه ايقول سمعن وطاعه=مقدام قطاع النفس عن ضلوعه
ومثلك يزود مزهبه من متاعه=وياخذ حصيله مثل خيرة ربوعه
يوفي على ماقيل مده وصاعه=ويقلط على خير الرطب من قدوعه
والكل لا بده مقطب شراعه=والدرب واحد لو تفرع فروعه
الكل يب ياتي رحيله بساعه=شين مقدر مستحيلن رجوعه
يروح والتركه الغيره اقلاعه=انكان ماهو لقمته قد جوعه
وماراح راح ولا يعود طماعه=ويبقا وقاره ثابتن مع نجوعه
يا الله عسا لك يا الفريدي شفاعه=عند الرسول بيوم تحشر جموعه
صلو على اللي ذايع الحق ذاعه=المصطفى نهج الهدايه شروعه