هجسٍ بقلبي له كبـار المصاريـع=هجن وبيبان الضماير له اوسـاع
من عام الاول يدهل القلب ويريـع=لين ايقن انـه ماتمنـع ولاطـاع
واركى عليه اعتى واشد الشواليع=هوج الهجوس العاتيه لادعى الداع
داعٍ من الذكرى وسودٍ بهـا ليـع=قلبٍ من الوجلى غدا لـه تمـزاع
ماهوب وجلن لاجل نجلٍ مواجيـع=ولاهوب عنهن ساليٍ لو به اوجاع
نجل العيون الفارهـات المفاريـع=اللي لهن كم ابلج صـار مطـواع
وان جا مجال اوصاف غيدٍ متاليع=يجوض من نار الوله كل مـولاع
صبٍ براه الود .. والسد ماذيع=ياما صدفهن وانثنن عنـه رجّـاع
متسربلاتٍ من طغى الحسن اناويع=مستذيرات ولدن الطرف وانصـاع
على ضياء بـدرٍ وغـر مناصيـع=ليلٍ توشح للدجـى منـه باقنـاع
وكشحٍ اليا داعب اسدوله ذعاذيـع=براق نوٍٍ ٍ في دجـى الليـل لمـاع
معهن مضى لي قبل لامضي بتوقيع=هوجٍ تشالع مضغةٍ بين الاصباع
هوج الهجوس اللي بقلبي مناشيع=لا شلعن به واعتلن سبّـع القـاع
في غيهبٍ يذهب به الفكر ويضيع=متاملن بالوقـت والوقـت خـداع
وافنـان جنـاتٍ سقاهـا ينابيـع=طيفٍ عبر وابحر بلا شط واشراع
واليا تيقن مـن معانيـه توديـع= لرياض روضٍ له بافاييـه ينٌـاع
اضحى بعدهن بين جردن بلاقيـع=في موحشٍ دوٍ خلا مابـه افـزاع
تهاوى افجوجه وال هبوبه هجاريع=صوتٍ به الناظر يمل من الاسماع
وهمٍ يمزع مهجة القلـب تمزيـع=وروحٍ لها من جاير الوقت نـزاع
وهجوسي اللي كل ابوهن شواليـع=واهداهن اللـي للمعاليـق شـلاّع

المشاركة الأصلية كتبت بواسطة ابوخالد الفريدي (المشاركة 917474) ان عندي ملاحظه على القصيده وهي: اولا انها جزله ثانيا انها هادفه ثالثا انها رائعه ربعا صح لسانك على هذه الابيات الممتعه خامسا بيض الله وجهك

المشاركة الأصلية كتبت بواسطة نداء الغيداني (المشاركة 917503) صح لسانك انت شاعر متمكن وجزل وتصنع القصيده من ذهب وليس غريب على شاعر بحجمك تحيتي بانتظار جديدك الممتع حقاً

المشاركة الأصلية كتبت بواسطة متعب العمري (المشاركة 917954) صح لسانك مليوووووووووووووووووووون يابوعبدالله درة ثمينة اتحفتنا بها فلله درك كل الشكر ولاتحرمنا من عذوبة حرفك تحياتي