|
أبحث وأدور عن صديقن من الناس
من صفحات اوراقى القديمه اقدم لكم هذه الابيات القديمه لي ارجو ان تنال الارضى والاستحسان من البعض لان رضى الجميع غاية لا تدرك.......
لاضاق بالي جبت حبٍر وقرطـــــــــــــاس =الباركر حبره على السطر ســـــالي لأظلم ضميري بين همن وهوجــــــــــــاس =فيضت من قلب العنا ماطرالـــــــــــي البارحة جاني عن النوم عومــــــــــــــاس =مع القلم والبوك ساهر لحالـــــــــــــي حتى تخالط نور صبحي بالادمــــــــــــاس =اكتب على بيض الورق ما بدالــــــــــي القلب كنه منسقى سم نـــــــــــــــــــــداس =هنيت من قلبه من الود خالـــــــــــــــي وسط الحشا كأنه يقطع بالأمـــــــــــواس =أقرب قريبن ماعرف مامضالــــــــــي مشاكل الدنيا بلا عد وقيــــــــــــــــــــاس =يضيع فيها فكرنا والخيالـــــــــــــــــــي قالوا علامك تايه الفكر محتـــــــــــــــاس =أشفيك تضرب باليمين الشمالــــــــــي سهران ما تسعد لك العين بنعــــــــــــاس =دائم وحيدن مجلسك بالطوالـــــــــــــــــــي كبرة بنفس ياملا شجرة اليـــــــــــــــــأس =أقولها للي عن الحال سالــــــــــــــــــي ياوقت ياوقت العنا تمشي أنكــــــــــــاس =ياوقت ياوقت العنا والنكالــــــــــــــــي يــا وقـت مـنـك ما حــسـيــنا بالاونـــــاس =ولافيه يومن من زمانك صفالــــــــــي حملك ثقلين لي وأنا صامد البــــــــــــأس =لو كان من بأسك تموج الجبالـــــــــــي مهـما تقول الـناس سايـر ولا باس=هـذا زمانن ما يعـيـش الـمـثالــي نفس عزيزه عز نفس على ســـــــــــاس =نفس العزيزه أوجدت لي أخصالــــي نفسي عزيزه عن مجاليس الأنجـــــــــاس =ولاحب مجلس فيه قيل(ن) وقالـــــــــــي أحد على الادنين تلقاه بـــــــــــــــــــلاس =نقال حكين ما مشى بالعدالـــــــــــــــي أحدن هرابيده هرابيد هـــــــــــــــــــــلاس =مدفع كلام وخالطه بالخبالــــــــــــــــي أحد منافق للمواعين لحــــــــــــــــــاس =باع الكرامة وأشترىله بدالــــــــــــي أحد تظنه لك صديق من النـــــــــــــاس =مبغض حقود كالي الجرح كالــــــــــــي لصارت الفرصة ضرب رأسك الفــــاس =غرس بجوفك خنجره لنصالــــــــــي وأحد يغرك لا تلبس بالألبــــــــــــــــاس =بوقت الرخا شايل حمولن اثقالـــــــــــي ليا صارت الحاجه ترا يمـرس أمـراس =قـام يـتـاهـيـل مـثـل طـعـس(ن) هيالي أحد صحيب إبليس والنفس والكــــــاس =وراع الـدنـس مـاأحـب شـوفــه أقـبـالـي وأيضاً ماأحب اللي مشى درب الأدنــاس =مايطهر الادناس وبل الخيالـــــــــــــي عليك يا معبود ياخالق النـــــــــــــــــــاس =عليك ياوالي جعلت إتكالـــــــــــــــــــــي الدرب واضح للمخاليق نبـــــــــــــراس =ولا خاب من يرحى عزيز الجلالــــــي أبحث وأدور عن صديقن من النـــــــــاس =ما فات من عمري ترى اتعبت حالــــــي اللي نبي قربه بعيدين الأرمـــــــــــــــــاس =واللي بغينا بعده جارن اموالــــــــــــــــي قم يانديبي والمخاليق نعــــــــــــــــــــاس =قم يا نديبي تالي الليل تالــــــــــــــــــــــــي خذ الرساله دم قلبن بكــــــــــــــــــراس =دمع الفراق اللي على الخد سالـــــــــــي من فوق جمسن يطرد النوم وعمــــــاس =اليا نتلتله صاح بالصوت عالــــــــــــــــي يفز ليا منه على البنص لــــــــــــــه داس =هو منوة الشفقان يقطع سهالــــــــــــــــي وأهل الورش ماهندسوبه تهنــــــــــداس =ولا وقفه راعيه عند الحلالــــــــــــــــــي لنجد العزيزة ديرتي مسقط الـــــــرأس =الديرة اللي شوفها شف بالــــــــــــــــــــي ملفاك ربعلي عديمين الأجــــــــــــــنـاس =كسابت الطولات أول وتالــــــــــــــــــــي عمار ياقصرن تعمر على ســــــــــــــــاس =أحرار ماكرهم بروؤس العوالـــــــــــــــــي بلغ سلامي يا فتي لعنبر النـــــــــــــــاس =اشيبانهم وإصغارهم والعيالــــــــــــــــــي من عندنا بلغ سلامي بلا قيـــــــــــــاس =لعز الصديق ونايفين الرجالـــــــــــــــي وليا لقيتوا كامل الربع جـــــــــــــــلاس =خص الرساله للرفيق الموالــــــــــــــــي اللي لهم بالطيب ساس(ن) ومــــــرواس =والكل منهم له موده وغالــــــــــــــــــــي احرار من احرار والكل قرنـــــــــــاس =ماكر حرار من عمام وخوالـــــــــــــــي لصار يومن به شفأياك يبــــــــــــــــاس =بالله ثم فيهم قوين احبالــــــــــــــــــــــــي كنز الرفيق جواهرن ماهم نحــــــــــــاس =اعز كنز نذخره لليالــــــــــــــــــــــــــــي الكنز هذا وغير هذا للفــــــــــــــــــلاس =وقد تاه من ظنه بجمع الريالــــــــــــــــي ياللي لكم بالطيب مجلس و نومــــــاس =ترى الأمور بخير وكلش عدالــــــــــــــي وجاكم سلام اللي من الناس حســـــاس =بأبيات شعٍرن عالقه في خيالــــــــــــــــــــي وصلاة ربي عد ماحن رجـــــــــــاس =واعداد ما هل المطر بأنهمالـــــــــــــــــي واعداد ماجاس الحجر كف لمــــــاس =واعداد ماشد الحجيج الرجالــــــــــــــــــي واعداد ماهبت ذعاذيع نسنـــــــــــاس =وصلوا على المختار لجاء مجالـــــــــــــي على النبي وكلمة الكفر تنـــــــــــداس =جاب الرساله بالوفا والكمالــــــــــــــــــــي |
صح الله لسانك يانادر كفيت ووفيت
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك كثر حروفها واكثر والله
قصيدة جزلة بالحيل ، وكل قاف احسن من الثاني . تحياتي |
االنــــــــــــــــــــــــادر
صح لساانك مدد بلا عدد لاهنت على هذه القصيده الجزله والرااائعه قصيده حملت كل المعااني الراائعه ننتظر جديدك |
نادر النادر صح لسانك وبيض الله وجهك
قصيدة أكثر من رائعه تحياتي |
اللهم صلي وسلم على سيدنا محمد
النادر صح لسانك قصيده جزله من شاعر جزل داام تالقك اخوي لاهنت |
صح لسانك
شاعر جزل لك تقديري |
وأحـد يغـرك لا تلبـس بالألبـاس
بوقت الرخا شايـل حمولـن اثقالـي ليا صارت الحاجه ترا يمرس أمـراس قام يتاهيل مثـل طعـس(ن) هيالـي أحد صحيب إبليس والنفس والكـاس وراع الدنس ماأحب شوفـه أقبالـي وأيضاً ماأحب اللي مشى درب الأدناس مايطهـر الادنـاس وبـل الخيالـي .............................................. اخوي نادر النادر صح لسانك على المعلقه الجزله وكل بيت له ابعاد ومرامس بعيده ومن جد انت من الشعار اللي مراميسهم بعيده شاعر ومافيك حيله ياذيب ابدعت وبيض الله وجهك |
محمد العمري ورابح الجحدلي ولهيب وناهس الشيعفاني وتركي العماني وسعودية وابو ليلى وفايز المحيسن
صحت ابدانكم والله لايهينكم على المرور الرائع المميز اتحفتونا بمروركم وراقي شعوركم كل التقدير والاحترام والشكر والعرفان لفيض مشاعركم دمتم بخير |
صح الله لسانك ولاهنت وسلم فكرك وبنانك دمت برعاية الله وحفظة |
بن فرهود الحربى
صح بدنك والله لايهينك على المرور الكريم وعلى راقى الشعور مرورك عزيز وغالي دمت بخير وسعادة وسرور |
صح لسانك اخي الغالي نادر وبيض الله وجهك على القصيدة الاكثر من رائعة ومافيك حيلة
تقديري واحترامي |
ياااااسلااااااام عليك
قصيده رائعه بروعة حضورك صح لسااانك وبيض الله وجهك |
مشعل النويمي وسامي البلادي
صحت ابدانكم مروركم الاكثر من رائع له وقع كبير بنفسى ومحل شكر وتقدير لكما على طيب المرور وكريم الشعور دمتم بخير |
ومن قال سالم و غانم
صح الله لسانك قصيدة رائعه بحق |
راعي البل
صح بدنك والروعة بمرورك وطيب حضورك ودمت بخير |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
الاخ القديرالشاعرنادرالنادر صح السانك وبيض الله وجهك ودام ابدعك تسلم ياالذيب على هذي القصيده الجزله والرائعه بروعة حضورك الغالي دمتم على الف خير |
الساعة الآن 06:24 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir