من بحر شعري تذعذع خافي الوقت المكور=وابتهج جمره بنزفي لينه العرق التوا
فيه أطياف الهلاك الي لواقعنا تجور=ترتوي من نزفنا وحصانها منهو قوا
بين قسوه وبين لين وبين هدات الصقور=اختلف نهج الوقايع في مضاميد الدوا
وانهدم رسمي وحسمي بين حيطان القصور=وانعثر فكري في سم الحظ منّه وارتوا
وطال لليلي والاماني صابها يأس الدهور=وانطفى بدري وأضلم رؤيتي هيض الهوا
استباح الجرح فيني فتح بيبان القبور=لجل يدفن كل فرح وكل اطياب النوا
ماحكمته هو حكمني كل مازوله يزور=للهجوس الي تناشب فالحقايق واحتوا
ساقها صمت الظلام وهد من فوق الجسور=ماجهل لعقابها آمن عذابه واغتوا
ما أحيل الحد عنها لانويت انا العكور=احسب حسابي معاها دامه الصبر استوا
مير بالحلم اتحلى وانتظر زهب السبور=واتواقد بالفكر واكويه لامنه كوا
ومن رمزو الابجديه لن طلسام المهور=اجمع احمال الصور واستنزف اهداف الشوا
ولا اهد الا ومخلابي يمزقها النحور=حومتن فالجو تكفي للوقيعه فالحوا