يالله ياخالق فضـى وارض ورجـوم=يـامـرسـل مـحـمـد رسـولــن أمـيـنــا
يلي جعلت الناس معطى ومحـروم=وجعلـت درب الغانـمـيـن اليمـيـنـا
ألطـف بعبـدن كـل ماجـاك مهمـوم=يـدعـيــك يالله رحـمـتــك يامـعـيـنـا
مافيه مخلوقن عن الذنب معصـوم=كـلــن ذنـوبــه فـــي سـجّـلـه تـبـيـنـا
الآدمــي لــو مــر يـومـن ورى يــوم=ماقـال عــن بـعـض الامــور انتهيـنـا
مايدري إن الموت له وقت معلـوم=واقــف كـمـا الـديـان والعـمـر ديـنـا
ياكم فجعنا فـي عزيـزن مـن القـوم=ويـاكـم قـطـع حلـبـن بـمـده متـيـنـا
وياكم مسحنـا عقبـه الدمـع بكمـوم=نبـكـي عـلـى مافـرطـت بــه يـديـنـا
نجزع من التسويف والظلم واللوم=وتقـودنـا الـغـفـلات قـــود السجـيـنـا
يالله عـسـى مقسومـنـا خـيـر مقـسـوم=مقسـوم رحمـه طـول عيـش السنينـا
يدعيـك عبـدك كـل ماصـار مهمـوم=يـاخـيـر مـــن يـدعـونــه المسلـمـيـنـا

المشاركة الأصلية كتبت بواسطة سالم الفريدي (المشاركة 860034) صح لسانك .. .. أسجل اعجابي بالقصيدة .. ويعطيك العافيه ..

المشاركة الأصلية كتبت بواسطة رابح الجحدلي (المشاركة 860049) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة غازي الزغيبي (المشاركة 860055) يلي جعلت الناس معطى ومحروم وجعلت درب الغانميـن اليمينـا صح لسانك

المشاركة الأصلية كتبت بواسطة عقاب المزيني (المشاركة 860059) شاعرنا سامي الوسيدي بيض الله وجهك على الشعر الجزل وصح لسانك

المشاركة الأصلية كتبت بواسطة فواز الزويهري (المشاركة 860217) الله الله الله صح لسانك وبيض الله وجهك لك خالص التقدير

المشاركة الأصلية كتبت بواسطة فتى ديم (المشاركة 860074) اهنيك من كل قلبي هاذي شيخة القصيد تصدق قريتها اربع مرات اعجاباً بها هاذي اسميها شيخة القصيد اخوي سامي سجل اعجابي انا الثاني مع اخوي سالم تحياتي للجميع