|
مطلوب شاعر ماهو حربي .. واذا غير متواجدين "الشاعر" الله يحييه
اذا متواجد "شاعر" ماهو حربي الله يحييه
,, واذا ماهو متواجد حاليا ... يجينا شاعر. .
سلامي مع اهل الحله اللي مابين ارض وسما=ولاهي بعيدة مع رجالٍ طوال ايمانها وهذي ليالي عيد والعيد فرحه وانتما=عسى الله يعيد العيد والخيل في ميدانها |
صح لسانك يابن العم
والله يعطيك العافيه بيض الله وجهك |
حياك الله يا طلال المعبدي و هذي محاوله لمجاراتك و لو هي متأخره ارجو اني ضبطت اللحن:
هلا بك عدد ما ساق عود الثمام و نما= بعد خير ربي جاه شَوَّشْ بالارض و زانها عسى كسبنا بالشهر مهوب جوع و ظما= و عسى الله يعيده لامّةٍ كثرت احزانها |
صح السانك اخوي وكل عام وانت بخير
وصح السان الشاعر الصيفي |
صحت السنتكم وحاول تجبر الكسر يالصييفي |
اقتباس:
و الله يا سالم هي مجاراه للوسيمه حسب ما قريتها و يمكن يعتدل اللحن بالردود الجايه اذا انجرد الشوف ولا نستغني عن النقد البناء من جهابذة الشعار شرواك يالعرم |
اقتباس:
|
اقتباس:
الله يبقيك يالصييفي ,, معذور بالخير مذكور صح الله لسانك وانا وأخوك ,, وافي وجوابك يبيض الوجه
عسى لاذكر الزرع تذكر نهارت يصرما=يدوم البقا واهل الحساني يدوم احسانها حساب النوايا عند رب الخلايق فأعلما=ترى ما ضِمَن جنه عميلٍ يجي بأكفانها |
اقتباس:
مشكور على التهنئة واسعدني وجودك الله يديمه . واقبل تحياتي |
اقتباس:
اسعدني حضورك ومتابعتك .. اقبل تحياتي |
اقتباس:
حياك الله يا عبد الله بن جربوع صح بدنك و لا هنت على حضورك |
اقتباس:
حياك الله يا طلال عسى ربي يسلمك و رايتك بيضا و ابيك تعذرني من الاستمرار بالمحاوره لاني ما قدرت اجيب اللحن مدري المشكله بالاملاء و الا مني و زود على ذلك الشاعر المخضرم المتمكن العرم يقول ان فيه كسر يبي جبر ولا ودي ازود الكسور كسور تقبل تحياتي و شكري لك و لكل من حضر |
اقتباس:
مجار كلامك من الكسر.والشاعر العرم اعتقد قصده نستفيد ولا يقصد سوى ذلك. وعلى كل الاحوال فالتواصل معك ومع الاخوان عبدالله بن جربوع وسالم العرم , يعتبر عندي اكبر مكسب بحد ذاته معرفة شرواكم. بالنسبة لرابح الجحدلي مما اتشرف به ومن دواعي السرور لدي انني حققت معه توصل من السابق. صح الله لسانك وبيض الله وجهك. وانت معذور بالخير مذكور . ولكن لاتأثر "بالنقد البناء من سالم العرم". ومتى ما جاء فبالك ابدع وانا اللعب معك ولايهمك.وبانتظار تواصل اخر باذن الله مع الجميع ... دمت والجميع بخير |
اخي الغالي الصييفي والله انني لم اعلق على المحاورة من اجل اظهار الخلل ولكن من اجل التواجد معكم والتشجيع والتصحيح والاستمتاع بما تجودون به والاستفاده ولو انني اشك في شاعرية شعراء المحاورة فسوف اقرا المحاورة ولا اعلق عليها ولا تنسى الحديث الشريف ( المؤمن مرآة اخيه ) والتظليل والمجامله لا تكون من صديق بل العكس وانا لا يعني كلامي انتقاد في شاعريتك ولكن المحاورة الكتابيه يحدث فيها من هذا الكثير لان الشاعر لا يسمع ولكن يقرا و يرى فالخطأ وارد من الجميع والاخوة الذين مروا على المحاورة اعتقد انهم لاحظوا ذلك ارجوا ان لا تفهمني ياصاحبي خطأ فوالله العظيم انني لا اكن لك ولا للجميع الا كل احترام وتقدير وانه لا يعني لي الشعر اي شيء وانا معرفتكم ومكسبكم هو الاهم ولكن عندي مبدأ (صديقك من صدقك وليس من صدقك) ونحن اخوان فأن لم نكن صادقين مع بعض وموجهين لبعض فلا خير فينا وللتوضيح هذا هو التعديل وهذا الاصح هلا بك عدد ما ساق عود الثمام و ما نمـا بعد خير ربي جاه شَوَّشْ بالارض و زانها عسى كسبنا بالشهر مهوب جوع و لا ظما و عسى الله يعيده لامّةٍ كاثـرات احزانهـا اشكرك ياطلال المعبدي وبيض الله وجهك على حسن ظنك ويعلم الله انه في محله |
اقتباس:
حياك يا سالم و عداك العيب و حسب اللحن اللي اللي كتبت به ردي اظافاتك ما مشت معي اكيد كل له لحن سؤال ابي ردده بأمانه و تجرد: هل بيوت المعبدي الأخيره ما شيه على نفس لحنك هذا؟ لك كل الود |
تسلم يالصييفي نعم اللحن مافيه كلام عسى لا ذكر الزرع تذكر نهارن يصرما وترى الاخ طلال اجرى لردك عليه تعديل في الاقتباس وهذا دليل على صحة كلامي ان ردك كان يحتاج الى اضافات بسيطة كما وضحتها |
اقتباس:
ضعيني الخطأ الإملائي (نهارت) شكرا لتجاوبك |
اقتباس:
|
اقتباس:
|
اقتباس:
هههههههههههه أبد لا زعلت على سالم و لا زعلت عليك و الله لا يجيب الزعل يا طلال لكن سؤالي كان سببه واضح و بعد ما عدله سالم انتهت المشكله لك و لسالم تحيتي و تقديري |
الساعة الآن 06:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir