|
ابيه لامني نويت الزبيرة
1 ياماجد اركب جعل بالامر خيره= ابيك لاسافرت تركب على يمين 2عقب العشاء والركعتين الاخيره=وختمتها بالوتر عقب المصلين 3 يعني لامن اللاش قام لسريره=لاراح ثلث وباقي الليل ثلثين 4لاصار توه قايمن من فطيره= راس ادرعا ماشيبوه البعيدين 5ماشاقه الماطور لاشد قيره=ولاذكره مكنون صوت الشكامين 6ولاتله الغربي وبعد العشيره=اللي عن ربوعه تغرب له اسنين 7ولاوقفه مجرى الشعيب وهديره=ولاقام يمشي من شعيب لشعيبين 8ولاراح بالوايت وروى غديره= ولاعجله شوف الغنم والبعارين 9ولاراح عساس وشاف البذيره=ولاقال جعلك يام سالم تغنين 10ولاجاء البيوت الشامخات النظيره= ماتسمع الاياهلا فيه واهلين 11ولاهيضه قاف الحويفي بطيره=ولاابن زويبن لابغى دار غالين 12ابوك ياماجد عطاك السريره=وابيك ياماجد تجيلي على الدين 13 اركب على جيب يسرك مسيره=من فضل ربي ماخذيته من الدين 14مارتاح بالي لين يضرب نبيره=ويزعل عليه دون ميه وستين 15حقه عليه لين تسمع صفيره=صفير غصن من هبوب الخماسين 16 ابيه لامني نويت الزبيره=لادق هاجوس يفك الشرايين 17 والقلب جابه من عنا الوقت حيره=والبال متكدر يجيله نهارين 18الوقت يرعى القلب رعي السعيره=ولوعها العرفج وهبوبها شين 19والهم لوهو زاد مابه معيره = دارت بنا الدنيا وصرنا بعيدين 20ورحنا مع الايام في كل ديره= مانجتمع كل السنه بس عيدين 21ايامنا واحداثها المستثيره=والله يثبتنا على الماقف الزين 22حنا نهديها وهي مستطيره=ودارت ولازلنا على السلم باقين 23ومن خلقت الدنيا وهي مستديره=بس الرجال رجال مبطي وبعدين 24مايشرح الخاطر ويبهج نظيره= الاوقوفي عند ربعا مسمين 25 الفي على اللي ماتكدر قصيره=محبوب للاجناب والربع الادنين 26 النعم حاشه باليال العسيره=يوم المراجل ماتجي مثل هالحين 27 عساء حياته بالهنا والستيره=يحميه من نزل تبارك وياسين 28والله من سو الليالي يجيره= ياناصر الاسلام في غزوة حنين 29 ومدحت ابوي وفيه غيره وغيره= ربعا ينومس ذكرهم بالدواوين 30 ولاهمني راع العلوم الصغيره=يزعم بنفسه عند ناس ضعيفين 31والراس يطبخ من امورن كثيره=لاهي بلاوحده ولاهي بثنتين 32 وهجوس غازي كل يومن مغيره=وانا اتحدها على العسر واللين 33بس العقل يحدى الرجال الكبيره=وانا حداني يالرجال الحشيمين 34 ولاالهدف قدمي وعيني بصيره=لاشك للشرهات ناسن كثيرين 35 وياما سفهنا من وجيه حقيره= وياما تركنا طردها لبو وجهين 36 ابمدح الطيب ولابه معيره=والشعر مايكتب على شان قرشين 37 يكتب لمن مدحه وصل كل ديره=اللي يحصل باذكر قول نعمين 38 الشاعر دايم مايريح ضميره =حتى يتعدى بيت سبع وثلاثين 39 قلبي غدى كنه قناة الجزيره=بين العراق وبين مافي فلسطين 40 والعاقل اللي راكد بتعبيره=يقدم ولاينظر بهرج المساكين 41والنظره اللي ماتعود قصيره=اتخلي الرجال مثل السلاطين 42 لاصار به من واقع الوقت غيره=والشعر ترجح به جميع الموازين 43 يومن بالافكار ناس فقيره=انا احمد الله بالمعاني غنيين 44والشاعر مثل العود حرقه يثيره=ويبين نوع العود من حرق نارين 45 وهواي لاغصت البحور الغزيره=واخذت منها مايسر الشريفين 46 يومن كلن عدته عند بيره=حنا نوردها لعذب الفراتين 47ابوي سلمني حزام وذخيره= وانا علي اللي تصيب النياشين 48وانا الفخر عندي سيوف شطيره=اقلها اللي يقسم الراس قسمين 49ان جيت لمطارد بيوته شهيره= يدغم لك المعنى ويعطيك دربين 50ايتعب الشاعر ويتعب شويره= لاصار مايفكك رموز العناوين 51ومرضي يصخر شرد مستذيره= ينصت له السامع وتنظر له العين 52وان كان بالميدان ناس غفيره=بالملعبه ماهو على صف صفين 53وفيها منازل والمعاني خطيره= اثنين لاراحو ولاعادوا اثنين 54عبدالله كان السيف خلا جفيره=وعطالله اللي يدبل الصاع صاعين 55والشعر ماهو من خفير لخفيره= الله مايرضى والخلايق معيين 56العلم واضح مثل شمس الظهيره=وعلم الخطاء يرجع على صاحبه دين 57ماهي علوم اللي سفر في بعيره= وخلا البعير وعود بخف لحنين 58وربعي مروضت الجموع الضريره=شعارهم ماهو بواحد ولاثنين 59تقلى جزايلهم على كل سيره=وتلقى مواقفهم بوسط الميادين 60والطيب ماوقف على ابن المغيره=ولاضاعت الخوه عقب خوة حسين =الشاعر غازي رويعي الحربي |
صح السانك يابو ماجدالله يعطيك العافيه
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك ياشاعرنا الجزل /غازي بن رويعي الوهبي كتبت واجدت سلمت ودمت وبيض الله وجهك
|
صح السانك
ونا مكملتها ولكن لي ملاحضه على هلبيت 3 يعني لامن اللاش قـام لسريـره لاراح ثلـث وباقـي الليـل ثلثيـن ودي انه يكون خلي البال قام السريره افضل بكثير من ولد الاش لنه صلى ووتر هذي صفه حميده منهم العلما والرجال اللي فيهم خير والله سبحانه وتعلى قال انا جعلنا الليل سباتا اعارض انه يكون ولد الاش من قام هذا الوقت0 |
اقتباس:
ملاحظه في محلها ان بعد منتصف الليل من يقوم لسريره ما هو ولد لاش |
اقتباس:
ماشاءالله قصيده رائعه وتعد من القصائد طويلة النفس ولايجيدها غير شاعر متمكن لله درك اخي الشاعر غازي رويعي الحربي وبيض الله وجهك وصح السانك ابدعت وكتبت اسطوره عصماء وملاحظة الأخوان في محلها كما اني ملاحظ انك مشجع على السرعه في هذا البيت 14مارتاح بالي لين يضـرب نبيـرهويزعـل عليـه دون ميـه وستيـن وانا في صف المرور ومع امن الطرق واوجه لك نصيحه ان تهدي شوي وتخليها 14مارتاح بالي لين يضـرب نبيـرهويزعـل عليـه دون ميـه وعشرين حتى ماتاخذ قسيمه واتمنى لي ولك وللجميع السلامة وبيض الله وجهك مدد بلا عدد ودمت ودام ابداعك وكل عام وانتم بخير |
صح بدن الجميع وكلكم شرفتوني بمروركم وملاحظاتكم منها نستفيد
وفعلا الملاحظة في محلها (خلي البال) اما سالفت المرور وامن الطرق ناصل الزبيره بدري ماهمت مخالفه ولاماخالف لكن انا اعرف انها من باب الدعابه |
ابو ماجد صح لساانك قصيده جزله وراائعه ابياتهاااا عن قصائد والله لايلووومك يابو مااجد في حب الزبيره ونعم فيك وبربعك الطحاطيح |
صح السانك يابو ماجد وبيض الله وجهك
انت شاعر متمكن ومبدع ومن عمالقة الشعراء اسجل اعجابي بتلك النص الرائع ولاكن ملاحظة الاخوان في محلها كما ذكرت انت انفا ننتظر جديدك وتقبل تحياتي |
صح لسانك وبيض الله وجهك
قصيدة جزلة من شاعر رائع لك خالص التقدير |
صح بدن الجميع وكلكم شرفتوني بمروركم
|
صح لسانك يالغالي على القصيدة الجزلة والمتماسكة ماشاء الله قصيدة من شاعر متمكن بكل جدارة وأنت غني شهادتي ولكن ويعلم الله أنه كانت لي ملاحظة على نفس البيت اللي الذي ذكره اخونا حمد فهيد
وذلك من خلال قرأتي لنصك الشامخ بشموخ صاحبه كل الشكر ياعزيزي ولكن لاتحرمنا من الجديد بل والقديم تحياتــــــــــــــــــــــــــــــي |
متعب العمري صح بدنك ويشرفني مرورك طال عمرك
|
الشاعر الجزل
غازي الرويعي صح لسانك مليون على القصيده التي تجبر القارئ الي الوقوف عندها والاعجااااب بها فلله درك من شاعر وبيض الله وجهك ياغازي وكفو فيك وفي ربعك تقديري واعجابي |
اقتباس:
على تفهمك للموضوع واذا يدل فهو يدل على ثقتك ومعرفتك واسف اذا الرد الزعجك اما قضيت التوضبف قضيه كبيره مثل بيت لمحمد الاحمد السديري رحمه الله يقول البيت اذني من الهراج ماتسمع القول 0ولاعمر هراج النمايم ختلها بيت حكمه قراة ذات مره في احد الصحف انتقاد من كاتبه وتعديل بنفس الوقت تعديل اذني من الهراج تسمع القول 0ماعمر هراج النمايم ختلها كذا افضل اذا كان ماتسمع القول ممكن الاذن صقها اوصاحبها يجتنب المجالس الفرق بلي يسمع ويعرف ان هذا نمام وقصده اتفرقه ونعذبالله وكرر شكري لك وتاسف اذكان ماهو موفق ولاتحرمنا جديدك وجودك دعم لناكاشباب0 |
ابن فهيد تسلم على المرور الطيب
وانا اخذت عليك في قولك وانا مكملتها ولادري لهلحين كملتها فان كملتها فلم تقل ذلك واذا نقدت القصيده في اولها وتقول ماكملتها فهذا المخذ الوحيد عليك انا من استشير بقصيدة واعرف نقاد جلسوا مع كبار الشعراء وشهدلهم من الجميع وكان يتخوفون منهم كبار الشعراء فعرضتها عليهم وقاموا ببعض الملاحظات ولااجد نفسي في يوم من الايام انني فوق النقد فابن جدلان نقد وابن زويبن وغيرهم لكن انا اخذت عليك انا مكملت القصيدة وخليتها بوجها اشكرك واشكر جميع من مر على القصيدة |
حمد العوفي
اشكرك جزيل الشكر على المرور وصح بدنك يالغالي ولاعليك زود |
حياك الله يابا ماجد
ونا شاعر اكثر من اكون كاتب والله اني مكملتها الى الان وسبب قل الفرصه هذي قصيده طويله ولمحة فيها اسم الحويفي اكيد ان راعيها تعبان عليها و متعشم في رد وتفاعل وتمحيص وبنهايه اشاده ولم تهيا لي الفرصه اما قضيت انقد مافيه مخلوق كامل الكامل الله لبن جدلان ولاغيره قل متعدي مرحلة النقد اجي معك انا اذكر مستور العصيمي يقول اداب ياصياف جاك يحبي حبيب يقول والقاع ممطوره وكثير هذا يحصل وهي تنجم عند الاستعجال اما الاستشاره فهي اجابيه ولاكن مهي الاوله والاخيره يعتمدعليها الشاعر انهايه اعودك ان شاء الله لاحقاٍ قراه وتمحيص ومتأكد انك شاعر مبدع من ردك ومن قصيده قراتها قبل هذا الرد0 |
الساعة الآن 04:15 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir