ياعود غادي بالسواليف غادي=الله على قلب الحقايق يجازيك
الظلم ماهو من سمات العبادي=انشدك ويش اللي عن الحق معميك
عينت ذوداً مارجع يوم قادي=ذوداً عليه اتصيح وتفرك ايديك
جابوه ربعي مبعدين المعادي=انشد عنه يالعود صادق بنيخيك
ماذمكم جيتوا سوات الجرادي=فوق الركايب بالرصاص المشاويك
ومن دونها حلنا نهار الطرادي=منكم ذبحنا اثنين بدنا مفاليك
لساع فيهم ماطرالك سدادي= ياعود ماتقل السواليف تعنيك
جاك الوكاد ان كان تبغى الوكادي=ترى العرب تدرك ماضينا وماضيك

المشاركة الأصلية كتبت بواسطة ابن خيرالله الردادي (المشاركة 831335) الأخ سعد المحمدي اولاً بيض الله وجهك وانت اكيد انك وضحت القصه المقصوده ووضعت النقاط على الحروف والقصص اغلبها تغير حقائقها لكن اكيد العود اخذ نصيبه من ابياتك ويكفي البيتين الأوله تكفيه صح الله السانك يابن العم وتقبل اجمل التحايا ودمت ودام ابداعك

المشاركة الأصلية كتبت بواسطة ولد الحصني (المشاركة 831346) الخ سعد المحمدي صح السانك والله يعطيك العافيه والعود يستاهل ما جاه والله يجعل من تعرض حرب يطيح ابمثلك تقبل مروري وحترامي

المشاركة الأصلية كتبت بواسطة ابوخالد الفريدي (المشاركة 831350) صح لسانك والله ومقدي رد يبيض وجهك ياحربي سلمت ياسعد من كل شر

المشاركة الأصلية كتبت بواسطة عبدالله بن شري (المشاركة 831380) علي الحرام انك مطنوخ ومقدم قوم .. الشعر ان مافاد بالمواقيف ماله لازم .. تحيتي ..

المشاركة الأصلية كتبت بواسطة خالد دغيمان القبع (المشاركة 831489) صح لسانك اخوي سعد الحقيقة لايستغرب الطيب والموقف الطيب من الطيبين اللي مثلك علمك غانم ياخوي ياسعد المحمدي

المشاركة الأصلية كتبت بواسطة حميدان العوفي (المشاركة 831531) اشهد بالله انك خير من يمثل حرب و كفو كفو يا ابو تركي بيض الله وجهك و لاهيب غريبة عليك لا و الله ماتوفق هالعوود

المشاركة الأصلية كتبت بواسطة رابح الجحدلي (المشاركة 831635) صح لسانك مليون على القصيده والله يعطيك العافيه بيض الله وجهك

المشاركة الأصلية كتبت بواسطة غشـــام (المشاركة 831572) ياسعد مساك الله بالخير لعل عودن جابك ماتلمسه النار انشهد ياسعد ان الي مثلك وشرواك نتشرف فيهم يحمون موقفنا لاغبنا بعلم ثبات الله يبيض وجهك وحميتك ماجبتها من بعيد يالمحمدي من طيب مجناك وسالفتك هذي والله لحفظ الابيات واسولفها بالمجالس عقلتها يالسعد وانا احمد لله انها ماسرت استمر بالشعر وانشاء الله انك من الشعار الي يبشرون بالخير حبه على خشمك وخشم ابوك وخشم خالك

المشاركة الأصلية كتبت بواسطة بندر البشري (المشاركة 832451) بيض الله وجهك ياسعد المحمدي وانا أشهد انك كفو وابوك كفو وتستاهل الطيب على ابياتك ومعارضة قلب الحقائق برغم وجودك لوحدك بين قبيلة الشخص الذي أخطئ بحق قبيلة حرب ومثل ماقال أحد الاخوان حبة ٍ على خشمك وخشم أبوك وخالك

المشاركة الأصلية كتبت بواسطة سلمان الحصني (المشاركة 832485) هذي مواقف شعراء القبيله الي معتز بهم بيض الله وجهك يا بو تركي وقتباسي لكلام غشام هو الي يحتاجه الشاعر في مثل هذاالموقف بيض الله وجهك وصح السانك مليون وحصان ولد حصان

المشاركة الأصلية كتبت بواسطة سعد المحمدي (المشاركة 831323) الحقيقه ماكنت ابغى اطرحها لكن سوال الاخ ناهس الشعيفاني بضيف تحت الاضواء جعلني اطرحها

المشاركة الأصلية كتبت بواسطة ناهس الشعيفاني (المشاركة 833957) الشاعر الكبير / سعد المحمدي صح لساانك وبيض الله وجهك وعلمك غاااانم ويطلق الوجه يابو تركي وانت كفواا تمثل قبيله حرب كلهااا بعلمك الغاانم وبقصيدك الجزل قصيده ابياتها قليله لكنهاااا عن قصاائد لاهنت يابو تركي

المشاركة الأصلية كتبت بواسطة راعي الوفلا (المشاركة 834161) صح لسانك واعتلى شانك يابو تركي وبيض الله وجهك ولاهو غريب عليك الحميه تقبل تحياتي .

المشاركة الأصلية كتبت بواسطة عبدالله عتيق الحنيني (المشاركة 834190) صح لسانك واعتلى شانك يابو تركي وبيض الله وجهك والايستغرب العلم الغانم من اهله وانت من اهل العلم الغانم والمواقف الطيبه تقبل تحياتي وتقديري لشخصك الكريم

المشاركة الأصلية كتبت بواسطة سعد المحمدي (المشاركة 831317) السلام عليكم ورحمة الله وبركاته في يوم من الايام صار عند جاري عشاء لبعض اقاربه من قبيله مجاوره وكان المجلس مزتحم بالناس والا يوجد حربي غيري في تلك المجلس كلهم من قبيلة جاري وبعض القبائل الاخرى قام شايب من كبار السن يتحدث عن المغازي بالماضي ويقول حنا وحنا ومن بعض القصص اللي قالها قصه معروفه للجميع لكن جيرها لصالحه وقبل ماينتهي من سردها قال المغزب قوموا على عشاكم قاموا الضيوف وانا رفضت الابعد ماينتهون الضيوف وبعد ما تكامل الجميع بالمجلس قلت ياعم انت قبل العشاء كنت تحدثنا عن قصه وقطعها علينا العشاء اريدك تعيدها لنا كان المعزب مشغول والم يحضر الكلام اللي صار والا عرف علي باني حربي قام الشايب في سرد القصه وبعد ماانتها قلتله ياعم انت مع القوم او تروى لك انتبه باني حربي قال انت حربي قلتله نعم حربي والقصه غير وسرة القصه عليه كامله بدون تحفض وردفت الابيات التي سويتها اثنا فترة العشاء وبعد ماقلتها سكت الجميع وقال واحد ياحربي اخطيت بحق العود قلتله اذا اخطيت بحق واحد العود اخطاء بحق قبيله واذا ترى اني مخطي الحق يرضي الجميع نروح لرجل صاحب معرفه ويحكم بيننا ياعود غادي بالسواليف غادي=الله على قلب الحقايق يجازيك الظلم ماهو من سمات العبادي=انشدك ويش اللي عن الحق معميك عينت ذوداً مارجع يوم قادي=ذوداً عليه اتصيح وتفرك ايديك جابوه ربعي مبعدين المعادي=انشد عنه يالعود صادق بنيخيك ماذمكم جيتوا سوات الجرادي=فوق الركايب بالرصاص المشاويك ومن دونها حلنا نهار الطرادي=منكم ذبحنا اثنين بدنا مفاليك لساع فيهم ماطرالك سدادي= ياعود ماتقل السواليف تعنيك جاك الوكاد ان كان تبغى الوكادي=ترى العرب تدرك ماضينا وماضيك