غازي السريحي =
سلام في اول المشوار = مرسول مني على الشاشات
لكل الاعضاء والزوار = في ملتقى حرب للكسرات
سالم البشري=
يامرحبا شرف البيطار=اللي منه نكسب الخبرات
اليوم دوناً عن الشعار=حظي رقى واعتلا الطالات
غازي السريحي=
دام البقا واسمع اللي صار = غديت في اسوأ الحالات
بداخل القلب تصلى نار = والعين تذرف من العبرات
سالم البشري=
مصغي لك السمع والأبصار=ياشاكي الهم واللوعات
وإن كان تبغى الكلام السار=قلّي على مسبب الحرقات
غازي السريحي=
رجلي غدت قصها منشار = بالارض دفنت مع الاموات
صارت يميني بدون يسار = ماعدت اقدر على الخطوات
سالم البشري=
للمبتلا تشفع الأقدار=واجره يناله من الأزمات
خلّك لجور الزمن صبّار=وابقى مثل غالب الأوقات
غازي السريحي=
الصبر وصا به الجبار = يفيد ويدّخل الجنات
ماعندكم حل للامرار = يحلّي ايامي الجيات
سالم البشري=
مثلك لهم بالبنان يشار=مايرهق الفكر باللي فات
يقطف لروحه من الأزهار=مايسلي أيامه الصعبات
سالم البشري=
بوجودكم زانت الأشعار=وعشنا معك أسعد اللحظات
والشكر ياعالي المقدار=من حرب والملتقى بالذات

غازي السريحي =
بدّلت قلبي عشـان انسـاه = زرعت لـي قلـب برانـي
لقيت حـب الـذي اهـواه = موجود في قلبـي الثانـي
في كل قلـبٍ جديـد القـاه =لو جبت لي قلب نصرانـي
كيف اخلي القلب من سكناه = مدري وش الحل يااخواني
عبد الرحمن القريقري=
حسب اطلاعي على المآساه = اللي بهـا جيـت تنخانـي
من معبر العين قص خطاه = وارسل اشاراتـه الجانـي
فالعقل شوفه ترى مرسـاه = لاتغيـر قلـوب وتعـانـي
القـلـب هــذا دواه وداه = واصل السبب سر وجداني

ايش راي الاخوان في فواز = لهلال دايم محب هاوي
في ليلة العمر والانجاز = زفوه بشعار وحداوي

جميع الألوان له تنحاز = في فرحته كلها تاوي
و الوحده في قلوبنا تمتاز = عن غيرها بعشق مكاوي

غازي =
رحال عندي لك استفهام = بعد التحية وفالك زين
ليه الذي يقصد الدمام = لازم يسافر على البحرين؟
الرحال =
خابرك من خيرة الفهام = وعندك ياغازي نظر بالعين
كيف اشرح العلم للعلام = وافتي وفي الدايرة مفتين
غازي =
لازال ذاك السؤال الهام = مطروح ياسيد الغالين
عطني جوابك بدون ارغام = غيرك عن الرد مقروعين
الرحال =
مافيك حيلة مدى الأيام = ياعندليب المثل لاوين
من حج يسعى عليه الزام = وهذا ركن من شروط الدين
غازي =
الحج وصّا به الاسلام = في العام مرة على الساعين
والجسر مفتوح طول العام = يامبعد الفرق بين وبين
هات الاجابة بوجهٍ تام = لاتردني بين جيم وسين
ايش الذي في المنامة هام = يجعل لها الكل متجهين
الرحال =
لاشك قولك على مايرام = ماعارضه وانكره وادين
الجسر من يوم صار وقام = ضافي جماله على الشطين
أما المنامة بلد حكام = وعاصمة تسكن النهرين
فالواقع تعيش والأحلام = تعال شاهد معي يومين

انصحك لاتحسب الراحه=والاكل والنوم والمشرب
القبر مافيـه طراحـه=والاخرة نارها تشتـب

الله يامسـرع الايـام=كل يوم ننظر يجي بكره
أيام تمشي بنـا قـدام=لحد ما نوصل الحفـره

اللي يسافر يبي له زاد=واللي بلا زاد مايقوى
تزودوا لآخر الميعـاد=الآخرة زادها التقوى

فواز الزويهري=
سلام قبل المعاني تـدور=مثل الرحا والخطوط تسير
اليوم حظك بوسط بحور=إما نجا الحظ ولا يخيـر
غازي السريحي=
يامرحبا زاد نوري نـور=هات المعاني بلا تأخيـر
حظي قوي ماعليه قصور=بالمعركة مثل حظ الزير
فواز الزويهري=
عسا البقا والحروف زهور=لا كان بالقن لك تبصيـر
ولد الهوى فالبحر بابـور=وفوقه حموله بلا تقديـر
غازي السريحي=
ارجوك ركز وزيد الشـور=حتى معي تحسن التعبيـر
لا تحسب الصقر كالعصفور=لو كلهـا بالجنـاح تطيـر
فواز الزويهري=
الخط واضح بلا منكـور=ومضمن الشرح بالتصوير
القلب من بعدهـم تنـور=ياصاحب الفهم والتحرير
غازي السريحي=
من بعد بيّنت للمستـور=اعطيك حلي بلا تقصير
ان كان قلبك لهم مأسور=دوّر رضاهم وتلقى خير
فواز الزويهري=
ياغـازي أنـت لنـا مخبـور=عاقل وقاضي ولك تقريـر
أرسلت يمه رضا وسرور=جاني جوابه عسام الكيـر
غازي السريحي=
باللي تقوله لنـا مشكـور=الله يخلي العسيـر يسيـر
ايش السبب اسأل المذكور=وارضيه واللي يصير يصير