|
( ابليز كول مي ) قلت الو سلام وبشري كيف حالك؟ = قالت مين المتصل علامك ويش تريد
قلت الو سلام وبشري كيف حالك؟ = قالت مين المتصل علامك ويش تريد قلت انا احمد يابنيه ويش اللي جرالك = قالت المعذره صوتك اشويه بعيد يابنيه ويش السبب في قل اتصالك = قالت السموحه جوالي مابه رصيد كثرة اعذارك وقولي اللي في بالك = لو ارسلتي رسالة (كول مي) هذي تفيد قالت الصراحه خلك يا احمد في حالك = يا احمد خلني فحالي لاتزيد و تعيد لاتمشي في مجالي ولا مشي مجالك = بغير في حياتي وابغى شخص (ن) جديد قلت شانت اعلومك يابنيه و افعالك = قلبك مره يصاد وقلبك مره يصيد خسارة يا قلب (ن) صانك فترة وشالك = بقطع العرق اللي شالك من حد الوريد وبرحل مدام افعالك بانت و اقوالك = يومي هذا يشابه فرحتي يوم العيد بعدك عني نهاية فرحتك و امالك = دمعتك على خدك تنزل عمر(ن) مديد يا بنيه حالف (ن) بالله لقطع وصالك = خسارة كلامي معكي يضيع الرصيد أخوكم / أحمد عبيدالله السحيمي |
صح لسانك مليون على القصيده
والله يعطيك العافيه بيض الله وجهك |
صح لسانك يا برنس
ذكرتني بقصيدة لأحد شعراء حرب :
لا تتصل ما عاد انا وأنت خلان=وفر لصاحبك الجديد اتصالك لا تعتذر مني و لا انته بغلطان=اللي غلط قلبي هواك و صفالك |
صح لسااااااانك وبيض الله وجهك
|
الحب الباقي و سعود بن عبود و فواز الزويهري هلا ومليووون غلا فيكم يا الغالين تسلمووون يا تاج راسي وصح الله بدنكم ولاهنتم على ردكم تشرفت بمروركم وردكم الاكثر من رائع دمتم بحفظ الرحمن |
صح لسانك يا احمد
|
اقتباس:
ارحبووو ويا هلابك يا سلطان الفريدي يعطيك الف عافية وصح الله بدنك ولاهنت يا الغالي اسعدني تواجدك وشرفني ردك الاكثر من رائع دمت بعز |
الاخ برنس المدينه صح لسانك
ولي راي اولا غير معرفك ثانيا حاول مرة ثانيه لك مستقبل اما القصيده هذه اقول ان لي عليها ملاحظات منها الكلمات الاجنبيه والوزن واعذرني على صراحتي فهو نقد هادف ارجو ان تقبله بصدر رحب لك الشكروالتحيه |
برنس المدينة
صح لسانك وفقك الله |
اقتباس:
هلا ومليووون غلا فيك اخوي أبو خالد الفريدي صح الله بدنك يا الغالي اخوي ابو خالد رايك وملاحظاتك على العين والراس واتقبلها بكل صدرً رحب اولاً عن الكلمااات الاجنبية وانت اكيد تقصد كلمة (كول مي ) انا لاحظت كثير من الشعار الكبـــار المشهورين في ميدان المحاورة او من شعار النظم اللي هم معلمين لشعر يضيفون الكلمات الاجنبية وهذا يدل على انها لاتعيب القصيدة من وجهة نظري وثانياُ يا تاج راسي الوزن انا ما نزلت القصيده الا وانا متأكد تماماً بأنها خاليه من عيوب الوزن وانا لحنت القصيدة على لحن معين وجات معايه صح يمكن حسب نطقك وقرائتك لها تشوف انها بها خلل في الوزن !!! واللي مستغربه في شعار دخلو على الموضوع وردو على الموضوع ومن وجهة نظري لو كان لديهم اي ملاحظة على القصيدة من عيوب الوزن او الكلمات الاجنبية مثل ما انت تقول كان قالو ملاحظاتهم دون اي مجاملة واستقبلها بكل صدر رحب على العموم اخوي ابو خالد تشرفت بردك ونقدك الهادف اللي يبقى وسام على صدري ومرورك على الموضوع بحد ذاته اسعدني وفخر واعتزاز ليه يا الغالي دمت بحفظ الرحمن |
صح لسانك يا ابن العم
و اشكرك على سعت صدرك لملاحظات شاعرنا الكبير ابو خالد الفريدي |
الاخ احمد عبيدالله السحيمي
اسمح لي بهذه الملاحضات ولا يغرونك كل اللي قالو صح لسانك تراهم بين مجامل او مايفهم بالشعر شيء على قولة المثل اللي يقول ( الشق اكبر من الرقعه ) القصيده غير موزونه حتى لو كنت تقول انك متأكد خذ وكاد اوكد موضوع القصيده غير لائق ولا يقبل به شموخ الرجال مثلك وشرواك ولو القصيده موزونه اخشى ان اقول صح لسانك ويلحقني اثم لا تكن مبتديء ومكابر فتبقى بقائمة المبتدئين طيلة حياتك ارجوا ان تعيد النضر بردك على الشاعر ابو خالد الفريدي الذي اعتقد انه بعمر والدك |
الاخ احمد السحيمي
ابو خالد وبعيد الشوح عطوك العلم اللي ملحه فيه تحياتي وتقديري لك وتمنا مشاركات افضل بالايام القادمه |
سحمان من وقت "ابوتركي" * ما نِكِّس لعِزُّهم راية والطيب كالمصحف المكِّي * مافرطوا به ولا آية قِشران يوم "الحَمَرْ" يحكي * واليوم : شمسٍ على مراية الاستاذ القدير والشاعر الكبير أحمــــد السحيمـــــــــــي علامة استفهام كبيرة حول موضوع القصيدة ولعلها كبوة جواد او نبوة صارم متمنية ان ارى قصيدة منك وانت الشاعر المتمكن تعالج فيه هذه القضية من منظور اسلامي اختك الواثقة بجمال قلمك واصالته أم فارس |
يعطيكم الف عافيه جميعهاً وكلامكم على العين والراس تعلمت من نقدكم الكثير والكثير ونقدكم وسام على صدري وكل عام وانتم بخير اطلب من المشرف في هذا القسم او القائمين في الادارة حذف هذا الموضوع ولكم جزيل الشكر والتقدير |
الساعة الآن 05:03 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir