|
اللي يبا يلعب حار بحار
لاح برق الحيا بين الخيال = فوق روس الشعاعير وهطل البدو قامت تشد الرحال = كلما حانت اوقات العطل |
صح الله لسانك يابراهيم على هالطاروق والله يشرفني ان العب معك ولكن الظاهر اني عزلت
البدو قامت تشد الرحال=كلما حانت اوقات العطل . والله صحيح كيف الملتقى مافيه الآن الا 10 تقريباً مبدا جزل وموفق منك ياابراهيم والله وفقك |
صح بدنك وبيض الله وجهك يامزيني
|
اقتباس:
لاح برق الحيا والسيل مال = فوق روس الشعاب من الجبل شدوا البدو ثم جالك مجال = يلعب الحصني يوم الذيب مل |
مااحد شاف ابراهيم
|
شوف لك عن صواعقها ظلال = وامل لك من قراح الما سطل اشهد ان الحضر فيهم رجال = وانت من حرب اكيد انك بطل |
أنزل انزل على ساحة القتال =خلني اشوف راسك ياوحل وانت من حرب مافيها جدال = بس باطل بطل مالك فعل |
لو تشوفه تحبه يابلال = ثم ننطلك عن خيلك نطل روح وانشد مطوطح ويش قال = وانشد عبيد بن ملفي الخطل |
انته تقوم مثل ام العيال = مير مانيب يمك ياطفل اعرف انك من ربعوعاً ثقال = مير جنبت ياراع الطبل |
الجزال انمحت بعد الهزال = وانت تجطل سواليفك جطل انا خال الفرم ولا انت خال = ودك تصير حربي مير طل |
الهزيله عندكم والا انا راعي جزال= ياحسوفه كيف في ربعنا واحد خبل ابتليت الفرم والفرم ماله بالخبال =لو يدري عنك سحب البطاقه ياهبل |
البزر صار يلبس له عقال = لين صدق ربوعه وانسطل لاتناطح مداغيش العيال = وانت وزنك اقل من الرطل |
اقتباس:
اختلف مشيك ولاتمشي عدال = يوم وقف في نحرك الجمل عود ياعود لاتعاند جبال = ثم خليك من دون العقل |
لو لك سبال كرمنا السبال = مير تشرب بطل على بطل شفت دمعك على الخدين سال = وانا فوقك من الهضبات اطل |
اقتباس:
قلت لك وتعيد لي بالسوال = شلتها قبل امس وتعيد العمل عودت عشرك ثمان ولاتزال = لاتجينا مالقينا لك محل |
ماتعرف الطواريق الطوال = شالتك لين جيت اعلى مطل العنود الودود ام الدلال = ماتبي واحد عنده عطل |
اقتباس:
روح معيه ثم تعال = علبة (ن) فاضيه من زيت شل العنود ام الرمش الضلال = حقها من حقكم لاتوديها الزعل |
تصبح على خير وبيض الله وجهك وسامحنا على اي خطأ
حنا نلعب ندرب انفسنا ضد الغريب وليس ضد بعض ولكن اللعب ان تعدى الخطوط الحمراء فتبقى الاخوه اخوه واللعب يبقى لعب |
اقتباس:
تشرفت في مجارتك ياخال الفرم واذا في بالك شي سامحنا= الفرم اخو حسنه صعوط المجانين= غير الكرم بالسيف تفعل يمينه الشاعر لافي بن نفجان الشعبي = |
تستاهل بوسه على الخشم يا ابن العم على روحك الرياضيه
وللحرص على مستوانا اذا عندي خطأ شعري في اي بيت نبهني عليه |
بيض الله وجيهكم
محاوره حاميه وروح رياضية من شاعرين نعتز بتواجدهم ونتمنى لهم التوفيق اخواني ابراهيم القرون وواحد من حرب بيض الله وجيهكم وتقبلوا اجمل التحايا ودمتم ودام ابداعكم |
اقتباس:
|
ياسلام يابراهيم القرون سراحه طاروق رائع وشيق صح الله لسانك ولسان زميلك واحد من حرب ولاهنتم استمتعنا وامتعتونا بهذه المحاوره المتميزه بيض الله وجيهكم سلمتم ودمتم
|
ابن خير الله الردادي ومضحي بن جمران
يامرحبا بكم واسعدنا مروركم حياكم الله |
الساعة الآن 02:06 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir