القآف لاتكتبه ضدي=واصحى منه ينقلب ضدك
خلصت .. وانهيت مآعندي=هيآ اقرب وهآت مآعندك

القاف محكوم في يدي = لاتحسب القاف في يدك
جيتك وحطيت لك ردي = وابا انتظر ياعلي ردك

جزري بدآ وانتهى مدي=وللآن وانته على مدك
مآشفتهآ طآولت حدي=حتى طوى شوفهآ حدك

لاتحسب العلم من جدي = ولا بحسب العلم من جدك
وانا الوفا ياعلي قصدي=لوكان مابان لي قصدك

مآقدر احط الجمل ندي=والحرب مآطآوعت ندك
لي قلب ذبلآن به وردي=عسآك تعطيه من وردك

ياطيب الجد والعدي = احسب ولايختلف عدك
انا مقاسي على قدي= وانت مقاسك على قدك

لجل الوفآ مآنهدم سدي=احميه واحمي معه سدك
عطنيه وانآ احكمه وحدي=وانت احكم الباقيه وحدك

بشويش يامنطلق هدي= وبناك لايضيّعه هدك
العلم يحتاج له جهدي = لساع ماياصله جهدك

اليآ اصبح الوضع مشتدي=شيفيد بعد القسى شدك
فالأوله جبتلك وعدي=بعدين ليش اختلف وعدك؟

الحآير=
القآف لاتكتبـه ضـدي=واصحى منه ينقلب ضدك
خلصت .. وانهيت مآعندي=هيآ اقرب وهآت مآعندك
الجمل=
القاف محكوم في يدي=لاتحسب القاف في يدك
جيتك وحطيت لك ردي=وابا انتظر ياعلي ردك
الحآير=
جزري بدآ وانتهى مدي=وللآن وانته على مدك
مآشفتهآ طآولت حدي=حتى طوى شوفهآ حدك
الجمل=
لاتحسب العلم من جـدي=ولا بحسب العلم من جدك
وانا الوفا ياعلي قصـدي=لوكان مابان لي قصـدك
الحآير=
مآقدر احط الجمل ندي=والحرب مآطآوعت ندك
لي قلب ذبلآن به وردي=عسآك تعطيه من وردك
الجمل=
ياطيب الجد والعـدي=احسب ولايختلف عدك
انا مقاسي على قـدي=وانت مقاسك على قدك
الحآير=
لجل الوفآ مآنهدم سـدي=احميه واحمي معـه سـدك
عطنيه وانآ احكمه وحدي=وانت احكم الباقيه وحدك
الجمل=
بشويش يامنطلق هدي=وبناك لايضيّعه هدك
العلم يحتاج له جهدي=لساع ماياصله جهدك
الحآير=
اليآ اصبح الوضع مشتدي=شيفيد بعد القسى شـدك
فالأوله جبتلـك وعـدي=بعدين ليش اختلف وعدك؟
الجمل=
عن الخطا كنت يابعدي=وانت عن الصح يابعدك
ولابد مايبان لك جهـدي=لا اثمر فوقت اللقا جهدك