|
ديوان الشاعر /عبدالمطلوب مبارك البدراني الحربي
هذه قصيدة وطنية قلتها في عهد خادم الحرمين الملك فهد بن عبد العزيز الله يرحمه عزيزة يابلادي
سألت الخالق الرحمن واللي كلنا نرجاه = يوفق في المعاني وأجمل الأبيات نكتبها سألت الله يحفظ دارنا اللي كلنا نفداه= جميع مواطنين المملكة من دون واجبها ألا يا دار يا دار السعد يا شامخ المبناه = رفيع القدر عال المنزله في أعلى مراتبها بنى عبدالعزيز أمجادها فوق السحب علاه= عساه بجنة الفردوس في أعلى مراتبـــهـا حكم بالعدل ما بين البشر يوم الولي ولاه =وعم العدل كل الدار مشرقها ومغربها وأسسها على شرع الله اللي كلنا في حماه= على القرآن والسنة وقول الحق مذهبها ومن بعده عيال كلهم ساروا على ممشاه=على ممشاه ساروا وجنبوا عنها مصائبها عسى الله يحفظ القائد فهد رمز الوفاء والجاه= أنا أشهد يا فهد للمسلمين أغلى مكاسبها عسى الله يحفظ القائد ويحفظ كل من يدراه= ويحفظ من يشارك في أمنها وأوفى مطالبها وعبدالله عضيده يالله الوالي لنا تاقاه= مواقيفه كثيرة يعجز الشاعر يحسبها وسلطان الوفاء والجود دايم تكسبه يمناه=وزير دفاعنا أبو خالد القوات دربها ونايف للأمن رائد حكيم وطيب مسعاه = شديدة قبضة يدينه على أهل الجرم يرعبها سديد الرأي في توجيه قوه للأمن تبراه =بتوفيق القدير أعداه ما تصفى مشاربها وشعب المملكة شعباً عزيز وحافظ مبناه= مبادي طيبة والطيبة تمسك مقاضبها عطينا العهد للقائد فهد والعهد ما ننساه= جميع الشعب جند الفهد وإن شبت حرائبها جميع الشعب جند الفهد كان العلم وصل أقصاه= ما أحد يقصر عن الفزعة والعدوان نغضبها عزيزه يا بلادي والعدو ربي يشت أرياه =عسى الله يبعد الفتنة ويبعد من يسببها عزيزه يا بلادي والعدو ما يهتني بمناه= تروح نفوسنا من دون واجبها ما نحسبها عزيزة يا بلادي والعدو إن جاء لنا جيناه = رجالاً تحسن الأهداف في عالي مراقبها عزيزه يابلادي فيك تحكيماً بشرع الله= وعلمك أطيب علم يحمل من الكلمات طيبها عزيزة يا بلادي والكتاب أجيالنا تقراه= كتاب الله وسنة طيب الخلق اقتدينا بها قائد مسيرتنا خادم الحرمين الشريفين الملك عبدالله بن عبدالعزيز وولي عهده الأمين سمو الأمير سلطان بن عبدالعزيز آل سعود مليئة قلوبنا بحبهم ولا يمكن أن نحصر مناقبهما بمقال أو قصيدة لأنهما يحتاجان منا إلى كتب تسطر مدادها بأحرف من ذهب وبمناسبة زيارة خادم الحرمين الشريفين للمدينة المنورة .
يامرحـــبا عــد مــزن زاد رعـاده = غــيث غشى الـــدار أواسطـها وطـوارفها مليــون ترحـيب باللـي عريب أجـداده = طـــيبـة ترحـب بمـن جـاهـا وشـرفهـا الـعدل طبـع الملـوك وخيـرة الــقادة =اللــي تبـرهـن لكـل النــاس مـوقــفهـا عـبدالله عـز الـوطن و الـدار ياسـادة = مــواقـفه كــل شعــبه دوم يــعرفهـــا ما هـو بحاجة لـــمدح الناس وأشاده =أبــوه شــيخ الشــيوخ اللــي يصـــرفها يوم الــحرائب وكــل فــاهق زناده = جـــمع قبـــائـل تحــــارب لـين و لـفها فيــه الشجاعة وعـنده عـزم وإرادة = ودمــوع الأيتــــام بيــدينه يـــكفـكـفها وأبـو خـالد اللـي يحب الخير لـبلاده = وحـاجـات شـعبه عـــلى قـرب يتعرفهـــا يمشي مـع الشعب يـعرف حاجة أفراده =يحل الصعيــبات إذا ضـــاق محـــرفـــها عـز لوطنا و دائـــم رافـع أمـجاده = الممــلكة حـظــها دائـــم مـــحالفـــها واللـــي يعــاند يزيد ويلجم وعناده = وصـــائف الجــود فيـه الـــكل شايفهــا وصلاة ربـي عـدد خـلقه وعبّــاده = علــى النبـــي أمتـــه للحــق عـــرفهـا تأليف الشاعر:عبدالمطلوب مبارك البدراني هذه مشاركة متواضعة في ا لمسابقة التي أعدها الأمير السامر وهي تكملة الأبيات الثلاثة حتى خمسة عشر بيت بمناسبة بلوغ إمارة الأمير سلمان بن عبدالعزيز خمسون عاما وأملي أن تنال استحسان الجميع وان أكون قد وصلت إلى الهدف المنشود من هذه المسابقة القيمة
عز الرياض وعز وادي حنـيفــة = وعز الإمارة والأمــور العظائــم عدل الحكم سلمان بالعدل ريفـــه = خمسين عام كل أبــوها غنائـــم تبصر بعدله عيــن حي كفيـــفـــة = المجد له والطيب والــعز دائــم سلمان راع الطيب نفســه عفيـفــة = فيـه الوفــاء والطيب جـت له علائـم من رام رأس المجد يصبح حليفه = المجد لأهل الرأي وأهل العزائـــــم من رؤس شجعان سباع مخيـفــــه = صقر الرياض براية الــعز حائــم طير السعد يعجبك ساعة رفيفــــه = صيده من الجزلات تشفي النـهائــم مسند لمن ضده من الوقت حيـفـــه =وفزعه لمن يشكي هموم وهضائــم ريف لجيرانه وبيته وضـيفـــــــه = وحق المواطـن من لـــزوم أللزائـــم وريف اليتيم اللي عجز عن رغيفه = يعطيه من مدات جـوده رســــائــــم عسى فداه أهل النفوس الضعيفـــة = لأجل المدح حفلاتهم والـــولائـــــم وهو هواه وريف قلبـــه وكيفـــــه = يعطي الفقير اللي على الوجه هائــم ابن الزعيم اللي حكمها بسيـفــــه = سيف يقـص أهل الفــتن والجرائــــم حكم بعدل وحلم والله سعيــفـــــه = الله سعيف اللي على الحق قائـــــــم وصلو على راع الرسالة ألشريفه = عداد ما تــذري هبــوب النسائـــــــم عبدالمطلوب مبارك البدراني m[/email] |
الوطن غالي بالقلب زايد غـــلاه
ابدي القاف باسم المعتلي في سماه =عـــالم الغيـــب رب واحد مستجـيــب منجي العبد عند الضيق يسمع دعاه=من لجا له إذا ضـاقت ترى ما يخيب والوطن غالي بالقلب زايد غـــلاه= دارنا دار عـــز وشجـــاعة وطــيب في زمان العجائب يكثرون الطغاة=إن صبّح القوم جمع القوم وسط الشعيب القبائـــــل عداوتهم تشيل الجبـــاه= والنساء ما جداهن غير صفق ونحيب وقتنا اليوم وقت الخير والله اللي عطاه= زال وقت الشقاء اللي مثل نار اللهيب يوم عبد العزيز من الكويت انتصاه= حكمة مع شجاعة ورأي صلــيب تشهد لعبد العزيز عداه قبل أصدقاه= وشامة الدار للي يحتــمون الكسيب يرفع البيرق الأخضر برأس ألعصاه= الراية اللي بها اسم الله واسم الحبيب نيته نية أهل الخير والله اللي هـــداه=بايعتــــه القبائل شبــــــاب وشيــــب اشهد انه ذرى المظيوم قاهر عـداه= واشـــهد انه حكم بالعدل والله حسيــب صارت الدار أمان وعم كل اتجـاه= ياقف الذئب جنب الحمل مـــاله نصيب وبعده عياله اللي للــوطن هم ذراه=هم ذرا الدار عند الحرب محد يهــــيـب واسأل اللي عظيم الشأن نتبع رضاه= انه يعــز حكم اللي تحــل الصعيـــب وشعبنا بإمرة القـــــائد نــلبي نــداه=نرخص أنفوسنا دونه ولا أحدا يغيب وعد من حج بيت الله وأقام الصلاة=صــلوا وسلموا على النبي الحبــيب شعر : عبد المطلوب مبارك البدراني |
"هذه ابيات دفاع عن شرف الرسول محمد صلى الله عليه وسلم حينما قامت بعض الصحف الدنمركية في نشر صور مسيئة للنبي الشريف محمد ابن عبد الله صلى الله عليه وسلم .
هـــواجــسي واجــده فـردا وملتمــه= لــــكــن قــــــــوة إرادتــــــنا تطمــــنا بــديت بالـشعر وأنا عـــالي الهـــمه = لمـــقاطـــع الـــدنــمـارك اليــوم صـمـمنـا اسلامنا مـــرتفع دائم علـــى القـــمه = يــا طــــغمة الكـــفر دون اسلامـــنا حنـا ياطغـمة الكفر نقض العهــد والــذمه = معــــروف فيـــكم ولا هــو شـيء يجـــهلنا ما يترك الـلازم إلا النــذل والرمـــه =حــــنا علـــــى الواحـد الخـالق تـوكلـــنا من دون رسل الإله وسيــــد الأمــه = محمـــد اللـــي لـــدين الحــــــق علمنـــا الكـــل منا يموت و لا يحسب دمه = أمــــه علــــى الخــــــير والعـلـيا تجمعنا ما نترك المجــرم اللـي ينفث سمه = بصحيفـــته يرســــــم الرسمــــات يفتنا شعر: عبد المطلوب البدراني |
السلام عليكم ورحمة الله وبركاته هنالك رجال يصنعهم التاريخ وهنالك رجال يصنعون التاريخ وبن مبيريك الغانمي احد هولاء الرجال فمن منا لايذكر معركة ابرق الرغامة تلك المعركة الفاصلة في تاريخ مملكتنا الغالية والتي شهد المؤسس الملك عبد العزيز يرحمه الله لابن مبيريك فيها بالبطولة والتضحية والفداء والشيخ طه بن عمر بن اسماعيل الغانمي محافظ رابغ سليل ذلك البطل وشبل من ذاك الاسد وهذه قصيدة ترحيبية القيتها في الحفل الذي استضاف الشيخ بنيدربن مريبد بن هنود وجماعته بوادي الفرع الشيخ طه بن عمر بن اسماعيل وعدد من مشايخ قبيلة حرب وغيرهم في يوم الخميس الموافق 14 /2 /1429هـ
من فوادي ينطق ألساني شعوري والقصيد= والقصيد أغوص فبحوره واقف عند معناه وكان ما سخرت قافـي للهدف ما في فيــد= والله إني لا تـــركه وأقول يا قلــــعة مـــــداه والله إن اليوم هذا فرحـة وبهـــجة وعيـــد=عيد واكبــر عيد بحضور الضيوف وباللفاه مرحبا بأهل ألوفا والطيب والرأي السديـد= عد ما هلت هما ليل السحاب وصب مـــاه وانحدر سيله مع الوديان و الزايد يزيــــد= والرعد يرزم وبرق الغيث يسطع في سمـاه مرحبا يا شيخ طه راعي السـاس الجويــــد= ساس إمارة ساس شيخه ساس عزوساس جاه والثقافة والأدب والعـــــلم والنهج الرشـــيــد= والشجاعة والمــروة والكرم شخصك حـــواه يا سليل الأســـرة اللي نالت المــــجد التليـــد= بن مبيريك إن ذكر فالـــعلم ياصـــل منتــهاه وموقف الشجعان في حرب ألرغامه علم أكيد= يشــــهد التـــاريخ ينـــقل من رواه إلى رواه وقفة يشـــهد بها ابن ســـــعود والعالم شهيد=جدكم جــــهز جيوش الحرب لطام ألعصاه وفي العصور اللي قديمة والزمان اللي جهيد =تنطحون القــــوم بظهور الاصايل و الغزاه تلطمون المعتــدي والضد لو باســه شـديـد= بالســــــيوف وبالرماح وفي بنادقهم رمــــاه طيب لأهل الطيب وكعام المـعادي والعنيـد= تكرمون وتسمحون وشر في وجه ألعـــــداه قلتها وأنا سليــل اللــي يقصـــون الوريــــد=من نــواهم بالرديــــة يقطـــعونه مـــــن نمـــاه من عصر بدران ناقف ما عن الواجب نحيد= من وفاء يلقى الوفاء ومن جن نطــحن له دواه من بني عمر الرجال اللي يفلون الحـــديـد= ساسهم في حرب ـ حرب مطوعة روس الطغاه والنــعم كل القبـــايل فـي فعـايلهم نشـــيـد=من يجي بالطيبة يذكر بها والله عطــــــــاه يا ولي العرش يالمعبود يالرب المجيــــد=تحفظ القائد لنا وولي عهده وتحماه ويالله ان تنصر بلدنا من كل شر وكل كيد=وتنصر الإسلام بالقران وتحفظ علماه والختم صلوا على المبعوث بالخلق الحميد=عد من حجوا لبيت الله ومن صلى الصـلاه الشاعر : عبد المطلوب مبارك البدراني |
سلوم الاجداد
بديت باللي كلنا نلتجي له = اللي له أهل الدين ركع وسجاد هو الذي ينشي سحاب المخيله = والمزن يجعل فيه بارق ورعاد ينوض براقه ويشعل شعيله = ويهل هماله على جبال ووهاد يسقي الديار الميتات المحيله = وتخضّر الأرض وطيب العشب ينقاد يا ماحلا وان كان رحنا تعليله= مع صفوة من خيرة الربع ياعماد ويا ما حلا وان شبت النار ليله = وجمر الغضاء فيها يتوقد توقاد ومد الفراش بوسط نبت الخميله =والدلتين وجنبهن حط براد الكيف نطرب فيه بنّه وهيله = كيف يقلط للرجاجيل بقناد مصلحينه كاسبين الفضيله = ومنقدينه قبل يأتيه نقاد واذا رجعنا بالبيوت الظليله = جمع الجماعة يسعد (ن)قلبي إسعاد قالوا علامك تعتزي بالقبيله = الجاهلية انتهت يابن الاجواد قلت الجهل باللي مضيع دليله = اللي يبينا نترك سلوم الأجداد وشلون ننسى كاسبين النفيله = اللي لهم تاريخ حافل بالأمجاد تاريخهم يشهد بفعل الجميله = وعلومهم يطرب لها كل نشاد صدق وشجاعة والعلوم الجزيله = وبيوتهم للضيف صادر و وراد اللي يرون السيوف الصقيله = في ساعة فيها أشقر الدم يزداد واليوم جاء وقت علينا حفيله = جتنا ثقافة غرب مليانة أحقاد تبي تغير ها لخصال الاصيله = اللي كسبناها من رجال اجياد حرية فيها استراح الهبيله = وإلا الرجال العاقلة همها زاد حرية تدعو لفعل الرذيله = وتحارب أهل الدين ورجال الإرشاد الشاعر : عبد المطلوب مبارك البد راني |
والله غريبة كان جت من بعض ناس
والله غريبة كان جت من بعض ناس = وعلى كثير الخلق ما هي غريبه أليا حصلت من طيب الأصل والساس = كل يقول الأمر هذا مصيبة يااهل المعرفة صعب تخفيضه الرأس = يألو عطا الرجال كل ما بجيبه أنا عرفت وقست والعرف بقياس = ومن لاستشار يضيع لو كان شيبه أبوي علمني بطيب ونو ماس = وخالي زرع فيه وقار وهيبه ماني من اللي ماش دم ولا إحساس = دمي يفور أحيان أحس بصبيبه أنا اليامن اشتبك كهرب وماس = انزع فتيل النار واطفي لهيبه إذا انتهت في ضربة الرأس بالفأس = تجي نتيجتها علوم عطيبه ما كل من طب البحر صار غطاس = ولا كل رماي يصيب الضريبه الوقت فيه أصناف وأشكال وأجناس = وانته مخير بين خبثه وطيبه والمعدن اله أنواع قصدير ونحاس = وفيه الذهب غالي ما كل يجيبه لي قلب ما يزعل سبب بعض الاطفاس = ما يزعله يا غير وطي المعيبه للطيب طيب وللردى نار مقباس =يقبس كما نار تولع لهيبه وترى ألردي لو ترفعه فوق ينحاس = يطيح ما يبقى برأس الرقيبه ضاري مرده بأسفل القاع ينداس = ويألو عطيته خير ما يطب جيبه وصلوا على المر سول للخلق نبراس = امن اهتدى بهدية فربك يثيبه شعر: عبد المطلوب مبارك البد راني |
قصيدة بمناسبة حملة التضامن ضد الإرهاب التي بدأت في المملكة في العاصمة الرياض يوم السبت الموافق 25/12/1425هـ ومشاركة في الندوة التي أقامها مركز وادي الفرع بهذا الخصوص . ارفع علم ما ترفع إعلام فوقه
بديت باسم اللي خلق برق ورعود=وينشي السحاب ثقال بأمره يقوده حب الوطن في داخل القلب موجود=يمشي بوسط القلب داخل عروقه دار بها الإسلام والعز والجود=واللي نواها بشر يسعى لعوقه شعب وحكومة كلنا دونها نذود=هذا الوطن لازم يوفى حقوقه ماكر حرار فهود وذئاب ووسود=من دونها ما احد يحط معشوقة الصبر له قيمه وله وقت وحدود =وإذا تعدا الحد ما نطب سوقه دون اللوازم نلحق النار بارود=كلن على الطالات نفسه شفوقه الغدر والعدوان والظلم والكود=فعل النفوس اللي ظلال وبوقه اللي هدفها غير واضح ومحدود=فيها اختلط شر النفوس الزهو قه تكلي غضب مليانة شر وحقود=أفعالهم شينه ونفس محروقة يازمرة الإرهاب تغشاكم السود=منكم يا كم مسلم تزايد خفوقه متلبسين الدين والرب معبود=انه بعيدا عن نفوس صفوقه الدين مثل الغيث نبات وورود=مثل الغشين اللي تلاعق بروقه بعده خضار الأرض مع خضرة العود=فيه الحياة تزيد ويزيد شوقه إما هل الإرهاب فاسق ونمرود=واللي خضع لبليس يكثر فسوقه فاجر ومتطرف وضائع ومقرود=على الدار وأهل الدار يكثر عقوقه سيف الفهد دائم مجهز ومجرود=على الظالم اللي مخبثاته طروقه روس الظلال اللي عن الدرب بتحود=تقطف كما زرع تقطف عذوقه حنا حفظنا العهد ونزيده عهود=مع الزعيم العهد صلبة وثوقه فهد حكيم وراية الصلب مشهود=آن قال رأي ماش رأي يفوقه وعبد الله ولي العهد بالخير معهود=يديه بالخيرات دائم دفوقه وسلطان أبو خالد كما عد مورود=جزل العطايا واليدين الصدوقة ونائف سديد الرأي والحشد محشود=الأمن هو عزه ودرعه وطوقه حنا مع القائد فهد كلنا جنود =عدونا العلقم لزوم يذوقه عدونا لو طال مبناه مهدود=نهد مبناته ونقطع عنوقه هذا وطن من جملة الخلق محسود=محسود في دينه وأمنه وذوقه من يوم أسس بنيها الطيب العود =ويمناه دائم للعدالة سبوقه صارت تزود بمجدها دائم تزود=بعده عيال زودوا في شروقه أقدم يابو فيصل ترى الضد مضدود=وارفع علم ماترفع أعلام فوقه وصلوا عدد ما جاء لبيت الله وفود=على النبي راع الصفات الخلو قه شعر: عبدالمطلوب البدراني |
يا لو تفرح ليال يسم حالك..............؟؟؟
نعيش أيامنا وشهورنا ونعيش معها سنين = يسيّرنا إله الكون عالم كل ألأسراري نجاهد بالحياة اللي بها الفرحة وسقم العين = يألو تفرح ليال يسم حالك بعض ألأخباري نعايش ها لحياة وكنّ في وسط الحشاء سكيّن = يا لو حاولت تصلح ها لزمن أمر القدر جاري يقولون الزمن قاسي قساوة ما تعرف الليَن = يسيرنا على غير الرضاء في دربه إجباري وقلت الوقت ما يقسي لكن أبن ادم المسكيّن = تصافق به هوى الدنيا يجي طاري بعد طاري شعر : عبدا لمطلوب البد راني |
من يرفع شراع السفينة
العلم ما كله دراسة كتــــــب وأستاذ وفصــــــــــــل =العلم يحصل لك نتيجة خــــــــــــــــــبرتك والتجربة الشاعر : عبدالمطلوب مبارك البدرانياللـــــــي درسته بالسطور تطبقه قــــول وفعـــــــــــل= علمك يضيع أن كان ما طبقت شــيء تكسبـــــــــه دنياك هاذي مدرسة فيها عواريف وجـــــــــــــــهل = لازم تنفـــذ مـــا تقولـــه باللـــــــسان وتنتبـــــــــــــه وألا لا تنطق بالكــــــلام يقـــــال ما عندك عــــــقل =كلامــــــــك اللي تنطقه لك الخــــلائق تنسبـــــــــــه ويا لـــــــو كل اللي يقال ينفذ بليـــــــــــــا جــــــــدل =كــان انتهينا من مشاريع الحياة المتعبــــــــــــــــــة تهنا بذا الدنيــــا وشدينا السفينــــــــــة بالحبـــــــــل =من يرفع شراع السفينة والمجد مــــــــــــــن يكسبه مايرفعه غير الرجال اللـي لها وزن وثــــــــــــــــقل=والاكثير الناس يحســـبها لعـــب في المـــــــــــــلعبة بعض الرجال أخذه معك يطلع مـــعك رأس الجـــبل =يطلع معك رأس الجبل كل الجبل مــــــا يتعبــــــــــه وبعض الخلائق معك ما يمشي يا لو وسط الســهل =حتى السهل وهو سهل لازم تـــــقوم وتسـحــــــــــبه ترى الحمول اللـــــــــــــي ثقال تشـال في ظهر الجمـل=وألا الحـوار اللي كثير رغـاه حمله طــاح بــــــــــــــه أنا مجرب هالحياة اطعمتها صــــــبّر وعســــــــــــــل =ماهو مجـرد هالكلام اللــــــــــي أقولـــــــــــــه واكتبه ترى العسل ما تاصله ياللي مهيـــــبك الكــــــــسل =دونه نحـل يلسع ومن خاف النـحـل مــــــــــا يقـربه |
كل طير مد جنحانه وطار ..... ما تساوى الحر الأشقر والغراب
أرعدت وخيالها يقدح شرار =ضوء براقه على كل الهضاب كونه رب الخلايق واستدار = واستهل الوبل من غر السحاب يا مفسرت المعاني باقتدار = اسمعوا معنى ما يدخل به ضباب كل طير مد جنحانه وطار = ما تساوى الحر الأشقر والغراب أسرحت من دار وأمست وسط دار= عزتي للي يناظر للسراب سافرت راحت وجات وويش صار = صار شيء ما حسبنا له حساب صار واقع مر ياشين المرار= شيء أشوفه ما نفع فيه العتاب من لا عرف لون البياض من السمار = ضاع والله بين ضرس وبين ناب إن تركته تاه في وسط الغبار =وان وقع في حرب مايقدر حراب واليمين إن ما وقفت جنب اليسار = ضاعت اليسرى وغاب النور غاب وهي ما هي محرزه فك الزرار = فكروا معي شويه ياشبابا الضعينه وصلوها قندهار = ورجعوا بعلومها قوم الركاب الفلك دوار ما اعرف له قرار =وبكذا وضحت عنوان الخطاب واضحه للمنتبه شمس النهار = والثلج من عقب غطى الأرض ذاب ياولي العرش ما دونك ستار = يالله المعبود تلهمنا الصواب عبد المطلوب البدراني |
بسم الله الرحمن الرحيم هذه قصيدة مشاركة في حل قصيدة اللغز لسمو الأمير عبدالعزيز بن سعود (السامر ) التي نشرة في جريدة المدينة والتي لم يتمكن جميع الشعراء من حل اللغز وحجبت الجائزة وأردت المشاركة بهما لما فيهما من معاني مفيدة . واتمنى ان تعجبكم وتروق لذائقتكم اليكم قصيدة السامر
من يطلب العليا فلا يرخص السوم=المجد ماهو قسم نفسٍ بخيله للناس عاداتٍ مع الناس وسلوم=يرقى بها الرجال راس الطويله من قدم الحسنى والأحسان معلوم=ينال من مولاه كسب النفيله ومن قدم الحسنى على اللوم والشوم=عدله سبق عن ضيعة الراي ميله ومن مات مسلم قالوا الناس مرحوم =شفيعه محمد وربي كفيله ولو يرحم الظالم من الخلق مظلوم=الوادي الممحل جرى فيه سيله مانال من شاور على حقه رخوم=الا مثل مانال من هد فيله المجد يبغى له شغاميم وقروم=يوفون بحقوق الزمان الثقيله بادت حضارت قيصر الفرس والروم=ولابكتها عين خلقٍ كحيله بالمنتحي ماينفع العذل واللوم=أطلب له الله وتركه في سبيله لابد مايذكرك يومٍ بعد يوم=ويحتاج لك حاجة مصر فيض نيله العز من بين المخاليق مقسوم=ويفوز به من طيب راسه دليله كم واحدٍ وده بمجدٍ مع القوم=وعيت صواديف الدهر تستويله وكم واحدٍ يحيا من الوقت ملطوم=لطمٍ يشاف ولطم كبدٍ غليله وكم واحدٍ من نعمة العقل محروم=وماله على ماقـّدر الله حيله وكم واحدٍ يلقى به الكبر والزوم=مجدٍ على راسه يعود فشيله وكم واحدٍ يمشي مع الناس منجوم=وهو من ارجال الحسب والفضيله مادامت الدنيا لحد دايم الدوم=تجذي عن الغايات خيل الوسيله أطلال دارٍ فوقها يلعي البوم=الله من يومٍ زهتبه وليله وظرفٍ على مافيه بالختم مختوم=الله من عينٍ وعينٍ تخيله متعلقٍ بين السماوات ونجوم=سبع الأراضي كلها ماتشيله مايشرب إلا من جبا بير مسموم=تشوف ناره فوق راس الفتيله يدري بها اللي عن سما الديد مفطوم=ويجهل به اللي عـّـن للعرف خيله ماهوب ضربٍ من ظلالات ووهوم=وافٍ على ماقدر الله كيله والهقوه اللي مالها جنب وعزوم=تطيح دونه حيلةٍ مستحيله وحرصٍ تحرص به يفكك من الحوم=حولك من اللي يحسب البعد عيله لاوالذي تسجد له الخلق وتصوم= ولرضاه بيته والمقام تعني له أن الوفا له بالعرب حد ورسوم=عند الذي يظفر بكسب الجميله وروضٍ ينوج بريح شيحٍ وقيصوم= له نظرةٍ تشف النفوس العليله أكثر عيون الخلق ماتقبل النوم=يشكون هم دقاقها والجليله السامــــــر الرد
محشوم ياللي بادع الــــقاف محشــــوم = في قافك الطيب معانــــي جزيلـــــــــة يفرح به اللي ضايق الصــــدر مهـموم = ويغوص فكــــره فالبحـــــــور المـهيلة احــــد بوسط البحر ســـــــباح ويعــوم = واحــــد بوسط البحر ضـــــايع حفيــله ما يستريح اللي مــــن الوقت مسقـــوم = كنه بوسط النار وسط المــــــــــليلــــه وبيت بليا ساس لابــــــــــد مـهـــــدوم = بيت بليا ساس وش ينبــــــــــي لــــــه ورجل بليا ربــــع ضائع ومهــــــزوم = ربعك ظلالك عــــزوتك والقبــــــــيله ياطيبهم وان جــــاء لهم راي محـزوم = وان كان ضاع الراي ويــــن العقيـــله وقت مضى ما يجهله كــــل زيــــزوم = كل مع الصحراء تقــــلد صميـــــــــله يسرح يدور له مع الــــناس مسهـــوم = ما يستريح إلا الضــــعيف الهبــــــيله واليوم في وقت الرخاء العقد منضوم = كـــــل علــــــــى خيره وبــــنه وهيله مـــــــا فيه واحـــد حقه اليوم مهضوم = فـــــــي دارنا اللـــــي كلنا ننتمي لـــه متساويا بالـــــدار حاكـــــــم ومحكوم = بالدار عدل وعلم ما شـــــــــيء مثيله في ظل حكام الوفاء الامـــــر محسوم = اللــــــــي يروون السيوف الصقيلـــــه حريبـــــهم بيـــــعض في رأس البهوم = أولاد قــــــرم مـــــــا يخلي دخيــــــله ياالله يا للي تنشـي مـــــــــزون وغيوم = تسقــــــــي بهـــا دار يبـــــــاس محيله تسقي سهول الدار وجبـال وخـــــشوم = وفيها الحمام الــورق يكثر هديــــــــله وحنا فداء للـدار بارواح وجــــــــسوم = وحريبنا نسقيه مـــــــــن حنضــــــليله وعن الخطأ ما احد من الخلق معصوم = واللــــــي مقـــــدر للبنــــــادم يجي له والله لو يحط فــــــــي عـــــاج مختوم =يجيه ملك الموت غصــــــــــبٍ يزيله ويا الشاعر السامر ترى اللغز مفهوم =الرحــــــم فيه الطـــــفل بـــام الجديله متعلق في بطنها تقـــــــل مـــــــلزوم = ولـــــــو خرجوه الأرض واعزتي له عن طـــريق دم أمه يجي كل مطعوم =يشــــرب من الصـــره وهذا حصيله يدري به اصغير عـــــن الديد منهوم =يصــــــرخ من الحرقه ودمعه هميله كم واحــــــد من وقتنا الشين محموم =يعوي كمــــا ذئب تـــزايـــد عويــله واللي صبر ما هو من الخلق مذموم =لأجل الصبر دائــــم ينـــــجي عميله والسيف ما يقطـــع إذا صـــار مثلوم =ومن يترك المـا جوب وش يعتزي له والمجد ما هو لبـــــس بذلات وطقوم =ونفوس ما تـــــــــقنع تــــــراها ذليله ويدين ما تعـــــطي من الحق مرسوم =للـــــــعل صاحبهــــــا يـــــــدانا نثيله قلته وانا بالقلــــــب طـعنات وسهوم =من وقتنا اللي شان فعــــــــــله وقيله فيه البشر صارت عداوات وخصوم =والله كر يم وكلنا نلتجــــــــي لــــــه شعر :عبد المطلوب البدراني |
دنيا تحدتني على غير ما أطيق =وناس بها علة ووقت محمومي همي كتمته عن جميع المخاليق = ما ودي إن الناس تعرف همومي ما غير اعدي في طويل الشواهيق = في رأس مزموم طويل الرجومي ناس بذا الدنيا تطافح مطافيق =كل وراء دنياه يركض ويومي احد شبع واحد مخلى على الريق = واحد يبي فزعة عيال قرومي واحد لحق واحد بعيد الملاحيق = واحد تحلم ضائع بالحلو مي واحد ينادي بالترع والمطار يق= ويقول نام الحظ عيا يقومي ناس على الدنيا شفاح مشا فيق = وين الرجال اللي تعرف أللزومي اللي لهم ميقاف في ساعة الضيق = إن ضاق خلق قليلين العز ومي ياعلي راحوا ما تفيد التحاقيق = ما باقي إلا مكثرين ألعلومي دلالهم عقب الشكالة مصانيق = وصحو نهم عقب الكرم ما تحومي وبيوتهم دايم تراها مغاليق = والضيف يبعد عن قليل السلومي أللي ابعدوا عن الشكالة تلافيق = الله يلوم اللي لمثلي يلومي القلب يكفخ كفخ بين المعاليق = وبالليل أراعي ساهرات ألنجومي والفرق واضح فالرجال المطاليق = الصقر أبا الجنحان والبوم بومي شعر : عبدالمطلوب مبارك البدراني |
السياحةعندنا ياللــي تحبون الســياحه= السياحة عندنا في المملكة داخل وطـــنا زور مكة ثم طيبة تلتقي في النفس راحه= ومن خرج من مملكتنا ما استـراح ولا تهنا زوروا أبها ثم مروا قـــرية المفتاحـه = به ضباب وبه براد وفيه كل اللـــي تمنا ثم إذا حـولت وقف وأسترح بالباحه =جوها دائم عليل وريح هيـــــل وبنــــا عندنا الطائف مصيف وزائداً بأفراحـه = و في عروس البحر الأحـمر فن أجمل فنــا عندنا الأمن وطبيعة دائماً فواحـــه = مـيز وفكـر بعقلك قــبل للخـارج تعنـا شعر:عبدالمطلوب البدراني |
أهوى البدو
أهوى البدو وأهوى الجبل والصحاري=وأحب اعدي عاليات المراقيب ياما حلا مسكانهم بالبراري=وتبنى بيوت أهل الكرم والمواجييب والضيف لو جاء تالي الليل ساري=ماهو ببلشان يدور معازيب يلقى البيوت اللي كبار مقاري= مفتحات بدون قفل وتضابيب يلقى بها دله ويلقى ألبهاري= ويقدمون الكبش ياطيبهم طيب البدو هم أهل الضعن والمهاري= وليرحلوا يدنون عوج العراقيب يا ما حلا مرباع ذيك القفاري =ونبت الخزامى والنفل بالاشاعيب وإذا غشاها الغيث يملا الخباري= يطيب لي ماهم يلو به غثا ريب شعر: عبد المطلوب البدراني |
العيون اللي هدبها فنون
كم واحـد تأثر مــن سهوم العيون = من تصيبه سهوم العين قــرّب عزاه وكم واحد سبب عين الحسود محزون =من سبائب عيون أهل الحسد جاء بلاه آه أنا اللـي رماني صابني بالطعـون =صابني بالطعون وعند ربـــي جزاه وأنا ما اقصد عيون الحاسدين العفون =اقصد عيون من في القلب زايد غــلاه اقصد انا عيون اللي هدبها فنـــون = في جماله غريب وربي اللي عطـــاه قالها خالد الفيصل عسى ما يهــون = الأمير الذي منـــها تبين خفـــاه يوم يسأل تمون العين أو ما تــمون =يابو فيصل تمون عيون زايد حــلاه عبدالمطلوب البدراني |
الأخوة الكرام في منتدانا الغالي هذه أبيات شعرية قليلة قلتها أيام حرب إسرائيل على لبنان نسأل الله أن ينصر امة الإسلام والمسلمين على حفدة القردة والخنازير الذين يعيثون فسادا في بلاد المسلمين ويهلكون الحرث والنسل : ارض العر ب وإعراضهم مستباحة
قالوا تريح قلت مافيه راحة = كيف أستريح وداخل القلب نيران وارض العر ب وإعراضهم مستباحة = وصهيون تعبث بأرض غزه ولبنان والله صراحة لمن يريد الصراحة = ما بعد هذا الذل والخزي خسران والقلب والله مايجيه انشراحه =إلا أن وقف كل العرب وقفة إخوان ما شافت العينين والله فداحة = يشيب منه الرأس وتهل الأعيان قولوا معي يأهل الوفاء والسماحة= يالله عسى إسرائيل تحرق ببركان عبد المطلوب البد راني |
قصيدة وطنية قديمة في عهد المغفور له باذن الله تعالى الملك فهد بن عبدالعزيز لعلها تنال اعجابكم ..... أل السعود مزبنة كل جالي
يا الله يامنشي السحاب ألثقالي = تسقي بها دار نعزه ونغليه أنت العليم وعالم بالحوالي = علام ما وسط الضمائر نخفيه بديت قولي بعد جاله مجالي = ذكرى شجيع كلنا نفتخر فيه عبد العزيز إن قلت يعجز مقالي = والله ما بالقول والوصف أوفيه قرم شجاع رافع الرأس عالي = حفظ الأمن والدين غاية مراميه جمع شتات القوم شرق وشمالي = بحزم وعلم وكل طمعان يثنيه والى الجنوب أرسل شجيع ألعيالي = اللي شبات السيف بالدم يرويه وعلى الحجاز أرسى كريم السبالي = حكمه وبعّد كل من طامع فيه وبعده عيال يحتمون التوالي = حريبهم مقهور والرب مرديه بعده سعود اللي بحكمه مثالي = حكمه على نهج الموحّد ممشييه وبعده حكم فيصل عزيز وغالي = النادر اللي طيبات مباديه عم الرخاء بجبالها والسهالي = وضد الحريب اللي تزايد تهقويه وبعده حكم خالد وحكمه عدالي = عهده رخاء والكل بالخير يطريه وفي حكم أبو فيصل شربنا ألزلالي = حكم الشريعة منهج له يقديه طال البناء بالعلم والعزم طالي = وراع التجارة طيبات معانيه وشق الطرق مع عاليات ألجبالي = وراع ألزراعه كل شيء يلاقيه وحتى البحر يصل المخاليق حالي = شيء كبير والله لذا الخير معطيه وموفقه ربي عزيز ألجلالي = للتوسعة ولخدمة البيت مهديه وإعانة تعطى لراع ألحلالي = وفر له أعلاف تسم مواشيه وعلم لمن هم يرغبون المعالي = في كل قربة والهجر مع بواديه وامن وأمان وفي نعيم ظلالي = في ظل أبو فيصل عسى الرب يحميه وعضيد قائدنا عريب الخوالي = عبد الله اللي كل شعبه يحييه وسلطان مزبن من وطته الليالي = هو فزعة اللي ما لقي من يذريه أل السعود مزبنة كل جالي = أسرة وفاء والشبل يطلع على أبيه دخيلهم يطلع بروس العلالي = هم فزعة المظيوم هم ستر عانيه يا الله يامنشي صدور الخيالي = تحفظ فهدن معطي الحق راعيه وصلوا عدد ما قيل هل الهلالي = على نبي وجه الخلق توجيه شعر : عبد المطلوب البدراني |
أنا همومي غير ......!!
بالأمس ويش اللي حصل بالأمس ياكثر الهموم = وهم أعده من اعتى الهموم الكايدة فزيت واقف من منامي وارتكي واجلس وأقوم = كني مريض تحت سره شلعته الزائدة أو كني اللي طائح مجروح من رمي السهوم = جاه الطبيب وقال له ما من علاجك فأيده مثل الغريق اللي وقع فالبحر ما يعرف يعوم = إن صاح ما احد يسمعه والقرش قام يصايده العين عيت لا تنام تقول صايبها هزوم = والعظم كنّك غارس السكين في جرايده غنيت ما قصدي طرب وإلا تغزل يالقروم =كم واحد ما همّه إلا الزين في قصايده أنا همومي غير يسر الليل أناظر فالنجوم = هواجس القلب الجريح تزيد من لهايده أخاف أفك أبواب سر القلب وأقول العلوم = ويدري بسري مشغل العربان في نقايده ما همّه إلا ينقل الإخبار ويعد الثلوم = يفرح إذا حصل خبر والناس فوق المايدة خطوة رجل ما يستره يا غير لبسه للهدوم = واليا هرج واليا علومه كلها متحايده اللي سواته ودك إن يحط بالجبهة رقوم = لا اجل النمائم والهروج العوج من عوايده ولا ينتجلس مع رجال الطيب وافين السلوم = مجالس أهل الطيب تنفى هالوجيه البايده نبغي رجال تحفظ الأسرار وتسد اللزوم = وبعض الخلائق ما يفيدك لو بذل جهايده إن صارت القالات صعبه لا تحزّم بالرخوم = جوّد حزامك وانتبه والرجل من سنا يده لو كان لك قلب على الشدات والموقف عزوم = مالك عن المكتوب واللي رب خلقه رايده لو انك الرجل الشجيع اللي ما يعبا بالخصوم = إن كان ما رأيك سديد الجيش ما أنت بقايده كم واحد إذا بدالك كنّه القرم الصروم = يحسّب إن الحق له والحق في قلا يده أقولها وانأ ليامني بغيت ألسوم أسوم = ليّه مع أهل الطيب وأهل العرف كلمه وأكده في البر وإلا فالبحر القسم من خير القسوم =لي نظرة فوق النجوم النفس ماهي هايده وختامها صلاة ربي عد همال الغيوم = على النبي اللي هدى للدين في عقا يده الشاعر / عبدالمطلوب البدراني |
السلام عليكم ورحمة الله وبركاته
"هذه قصيدة قلتها عندما كان والدي مريض بالمستشفى العسكري بالرياض قبل ثمانية أعوام والحمد لله في السراء والضراء وابشركم ان الوالد بخير وقد شفي من المرض العضال الذي اصابه ولا ينقصه الادعواتكم ان الله يديم الصحة والعافية على الجميع
قالوا علامك قلت بالقلب هوجاس = بالقلب هوجاس(ن) وبه نار تصلاه أنا بلايه يا بشر طيب الساس= عندي فكل الخلق ماشي حلاياه أبوي دائم رافع هامة الرأس = ما خفضه يا غير للرب ف( رضاه ) راع الدلال اللي بها الكيف جلاس = في مجلسه ترتاح والهم تنساه الكيف عاب (ن) له هوند(ن) ومحماس = ويقدم الدله ولا ضاع معناه كيف إذا ذقته عنك يجلا الاعماس= وان قدموه بترمسه قال ما ابغاه علمني إن المجد يبنى على ساس = ومن دون ساس المجد ما اعتز مبناه وعلمني إن الناس لها أوصاف وأجناس= وكل على ما قيل يعرف بحلياه يوم اخبروني قالوا إن جاته اوناس = جاه المرض وارداه ايو الله أرداه دقات قلبي تضرب أخماس وأسداس = ولا هائب في داخل الجوف ويلاه أنا اعرف إن الموت ما عنه حراس = واللي قضى عمره من الخلق وداه المشكلة ذاق المرارة والإتعاس = وأنا انقهرت انه تعذب بدنياه جلست جنبه غلت محبوس الأنفاس = وكيماوي وليزر دهى الجسم وأضناه عليه اردد جعل لا باس لا باس= وان ون قلبي بيتقطع من أقصاه وما لوم قلبي لأجله القلب حساس = وما ألوم دمع حرق الخد واحفاه حزن القلب والدمع للهم مقياس = من شاف حالي قال هذاك وش جاه يا منجي(ن) أيوب يا خالق الناس =يارب يامعبود عجل لي أشفاه الشاعر :عبدالمطلوب البدراني |
الإخوة الأعزاء : في خضم هذه الإحداث المؤلمة التي يتعرض لها أهلنا في غزة من اعتداء إثم وحرب ضروس بجميع أنواع السلاح وقتل للشيوخ والأطفال والنساء وإهلاك للحرث والنسل من العدو الإسرائيلي الغاشم فيأبى أي قلم إلا أن يعبر عن ما يختلج في النفس ويعصرها من الم وحسرة شعرا أو نثرا وان كان الشعر اقل من القليل الذي يجب أن يقدم لأهلنا وإخواننا في فلسطين هذه أبيات أمل إن تنال استحسانكم /
من ظهر يوم السبت كنّ القلب في نار اللهيب = يعجز لساني والقلم والفكر عن نظم الحروف ما شفت في غزّة صغير السن من هوله يشيب = المسلمين إطرافهم والروس تنّزع والكتوف جنائز وجرحى وهدم بيوت وصراخ ونحيب = ومناظر الأطفال يرعبني ولاف القلب لوف الله اكبر .. يا امة الإسلام .. ها لصمت الرهيب = ما بعد هذا الذل ذل .. وبعد هذا الخوف خوف لأهين والله يا عرب لأهين.. ما من مستجيب = مزاين البل ... شاعر المليون مع ضرب الدفوف يا مصفقين لمنتظر وحذاه يا لوما تصيب = وداعكم من بوش قطع الروس وإحراق الضعوف عطا اليهود الضوء الأخضر قبل نجمه ما يغيب = حتى اوباما يستلم من بعد تفريق الصفوف ما دام هذا حال الأمة كل ما فيها غريب = ما فيه غير الشجب والتنديد مع ضرب الكفوف ومظاهرات بالشوارع وش تؤدي وش تجيب = وإلا خطب فوق المنابر .. حكي ما هو بمخلوف باقي أملنا في الرجال اللي يكيدون الحريب = إن قامت الهيجا علاج المعتدي سل السيوف قادة للأمة من قديم وساسهم ساس عريب = نسل الزعيم ابن الزعيم ألفيصلي قرم معروف نفخر با أبو متعب سندنا عزنا للطيب طيب = ولنصرة الإسلام وأهل الدين له قلب شغوف وصلوا على المبعوث للأمة نبينا الحبيب = عداد من صلى وصام وحول بيت الله يطوف وسلامتــــــــــــــــكم |
أخوتي واحبتي أعضاء وزوار هذا المنتدى الشامخ
السلام عليكم ورحمة الله وبركاته الانقسام الذي تعاني منه امتنا العربية خاصة والإسلامية عامة بسبب قضيتنا جميعا قضية فلسطين وبالأخص الاعتداء الإثم من الشرذمة الباغية والمفسدة في الأرض على غزة مستخدمة جميع الأسلحة بما فيها المحرمة دوليا وقتل النساء والأطفال والمدنيين وهو اعتداء على شعب اعزل على مراء ومسمع من العالم كله نتج عن ذلك العدوان ألاف الشهداء والمصابين هو استغلال من دويلة إسرائيل للانقسام الفلسطيني وانقسام الأمة العربية التي أدرج الغرب تسمية لهذه الأمة وتصنيفها بالمعتدلة والممانعة وذلك بتدخل من بعض الأنظمة الغير عربية في شئونها التي هي من أسباب هذا الانقسام إلا إن كلمة خادم الحرمين الشريفين يحفظه الله في قمة الكويت بنت أرضية جديدة للتضامن العربي من منظور حكيم في سبيل الانتصار للكرامة والحقوق العربية خاصة في غزة الباسلة وتضمنت تحديدا للسبل الكفيلة لتعزيز التلاحم وتجاوز التباينات بين الدول العربية ".وهذه القصيدة حول هذا الموضوع امل ان تروق لذائقتكم ....
يا هجوسي عانقي غر السحاب = والمعاني كنّها وبل الغشينــــــــــي الجليد اللي نشأ فوق الهضاب = لين غطاها وصارت ما تبينــــــــي بعد ما اشتدت عليه الشمس ذاب = واضحه معالـــمه قـــدام عينــــي والطريق اللي يؤدي للنشاب = من جهلنا نسلــــكه طـــول السنينـــي عزتي للي رضا طرد السراب =والضماء فالجوف يا الاجواد شينــي فوق ستين انتهت يا اهل الحساب = ومن يقودون السفينه حايرينـــــي لو نعاتب ما يفيد لنا العتاب =عقبنــــــا بد انقســـمنا بدتــينــــــــــــــي صار يدخل بيننا الناس الغراب = والغريب اللي بدا يرطن رطينـــــي كيف صار الداب في بطن الجراب = انبلشنا بالجراب وبالقرينــــــــي يوم قلنا ما اكتمل فيها النصاب = دوروها بالشمـــــال وباليمينـــــــــي يا الله انك تحفظ اللي ما يهاب = له مواقيـــــف الرجال الغانمينـــــــي رجل يظهر في المواقيف الصعاب = الحريص اللي يلم المسلمينـــــي خاب من يلحق على النّار الشهاب = ما يبي من بين الإخوة علم زيني واضح المقصود في من جاء وغاب =ما جهله إلا الذي ما هو فطيني والفطين يعرف مضمون الكتاب = فيه من يبا الرحى تطحن طحيني يا أبو متعب كل ما قلته صواب = يا الله إن تعمي عيون الحاسدينــي بان قول العقل في نص الخطاب = وانعرف غث الكلام من الثميني انغلق باب التجني والسباب = وانفتح باب العفـــو بالصرعتيـــنــي من يبا العزة تراه الفال طاب = والعدو معروف للي فاهمينــــــــي |
اولا ابارك واهني ء شاعر حرب الشاعر زياد بن نحيت بالفوز بالبيرق واهنيء والده الشيخ حجاب بن نحيت وابناءه وقبيلة حرب خاصة وجميع الشعب السعودي بهذا الفوز
الذي اثلج صدورنا وهذه ابيات متواضعة كتبتها على عجل فرحا وابتهاجا بهذا الفوز لعلها ترتقي لذائقتكم ولكم تحيتي وتقديري
توقدت افكار مخي توقاد = مثل السحاب اللي بوسط المخيلة يلوح براقه ومزن ورعاد = وهلت هماليلة وسيّل مسيله معاني يطرب لها كل نشاد = من شان من يروون حد الصقيله تفخر قبيلة حرب بالشاعر زياد = فخر السعودية وفخر القبيله اللي لنا بالبيرق المرتفع عاد = بيرق رموز الشعر تطمع بشيله شيخ ولد شيخ مثقف وقصاد =ابن الرجال معدلة كل ميله من لابة حازت على كل الامجاد = تسهل عليها الصعبة المستحيله تاريخهم معروف من عصر الاجداد = يوم الزناد ينوش خشم الفتيله مواقف تذكر على روس الاشهاد = لابن نحيت الشهم راع الاصيله اسياد بالماضي وبالحاضر اسياد = هي الفصيلة ما تغيّر فصيله من ساس حرب اللي لها العز ينقاد =تاريخهم يزخر بفعل الجميله اسود غاب وان حصل ضد وعناد = وطيب مع اللي يكسبون الفضيله من غير نقص بالقبائل والافراد = كل يبيّن في المواقف حصيله |
هذه القصيدة وردتني من الشاعر العذب علي بن هليل الحربي
وهي قصيدة راقية رقي شاعرها أمل ان تحوز على رضاكم واستحسانكم
سلامن احلى من حليب المصاغير = اللي على مقهورها ما تعدت ما تاكل الا شابكات النواوير = في خايعن يمّه لها أيام شدت قدامها ماطب قاعه سوى الطيّر = تشبع ضحى ما عينها فيه لدت ينصى مداغيش الرجال المشاهير = اللي حبال عزومهم ماتردت نوادرن مثل السيوف البواتير = والاالطيور اللي على الصيد هدت مرور ذكراهم على خاطري غير = لولا الظروف لشوفهم لي تحدت ما اقول غير الا اجتمعنا على خير = عسى رياحن جابت العطر ودت ازكى سلامن صغت فيه التعابير= من كف يمن لازرق العود مدت وهذا ردي عليها /
يامرحبا مثل العسل ذوقته غير = صافي وعمر النفس ما عنه صدت مقطوف وقت العشب جاله زواهير = وتو الخلية بالربيع استجدت اقدمه لاهل الوجيه المسافير = الي اليا جات المواقيف عدّت مدلهين ضيوفهم والمسايير = ويدينهم على الردى ما تمدت ربع الشجاهه والرجال المناعير = وخيولهم ياكم على القوم كدت وختامها مني تحية وتقدير = والمعذرة عجزت حروفي ماسدت |
هات القلم والطرس وأعطوني الظرف = هاض الفؤاد وودي اولف أبيات ابيات ما ولفتها في هواء الترف = رسألة لأهل الوجيه النقيات لأجل المعاني من كمرها لها صرف = تصرف هلل وألا تقدم جنيهات على ماأريد اعسف قافي على الحرف = يجيك وافي مثل سلم الريالات وإن ماعسفته يشتموني هل العرف = اللي لهم ف (معالج) الشعر وقفات يالو بغيت أغضي عن أهل الخطأ الطرف = الحزم له حزّه وللحزم حزات المرجلة ما تنغرف من صحن غرف = المرجلة صعبه على كل مرقات ياعين حذرا لايجي خدي الذرف = على المقفي ما لحقني حسوفات ومن لا حسب لي بانفله نفلة الزرف = لاصار فاضي ما يخوض المهمات ما فاد يالو يملك العفر والشرف = ويملكملايين الذهب والعمارات خله يولي دام هايف على جرف = قد قالها قبلي هل العرف مرات |
ياشبيه الريم
ماحلا المشوار مع خط المدينة = فوق جيب يافهد يصل الحدودي واو جودي وجد من خلي رهينة = قاضبينه قوم ما له من يرودي قاضبينه بالحديد مكبلينه = وان تكلم يلطمونه فالخدودي يا شبيه الريم في نظرات عينه = شبه ريمي تذير بالنفودي ما عرفت اسمه ولا ادري ويش دينه = وأيضا ماعندي على الموقف شهودي ولا عرفت أهله ولا عدة سنينه = اشهد إن الود بياح ألسدودي شعر : عبد المطلوب البد راني |
يمّه عسى الله يحفظك حافظ البيـــــت = الواحد المعبود علام الاســــرار الشاعر / عبدالمطلوب البدرانياذا طريتي لي من النوم فزيّــــــــــت = افز كنّي داخلي واهــج النـــــــّار ياكم لنومك يا غلا الروح قزيّـــــت = وياكم سهرتي والمخاليق غتـــــار يدّك عليّ وتكثرين التناهيــــــــــت = ودموع عينك فوق خديّك نثـــــــار مهماعملت وقلت وأقبلت وأقفيـــــت= والله لا يمكــــن اوفيك مقــــــــــدار مقدارك انتي مرتفع فوق عليّــــــت = وعلاه ربي عالمٍ كل الاقـــــــــدار ورسولناوصى على الام وأرضيــــــت = وصى عليها وكرر الاسم تكرار الواجب ادعي كل ما اصبحت وامسيت= وادعي في ظهر الغيب لك سر وجهار وادعي ليامني للفروض صليـــــــــت = يسعد لك ايامك مع الناس الاطهار انتي هناي ومنويتي اذا تمنيـــــــت = الله يجنبك الحواسد والاشــــــــــرار الله يخليني اذا اني تخليـــــــــت = عن واجبك يا شمعت البيت والــــدار |
الاخوة الاعزاء
هذه ابيات بمناسبة شفاء سمو الامير سلطان بن عبدالعزيز ال سعود ولي العهد ووزير الدفاع والطيران والمفتش العام اعاده الله للبلاد سالما وغانما ... أرجو ان تحوز على اعجابكم وتروق لذائقتكم
الحمد لله خالق الانس والجان = فراج هم اللي همومه كثيره بديت باسمه عالم كل ما كان = واللي يكون وكل شيء يديره البني ما يصلح على غير سيسان = والشعر ما كل المواقف تثيره اثار شعري يوم اقوله بليهان = رجل يقف يوم المواقف خطيره والله لقول الشعر واجر الالحان = من شان ابو خالد عسى الله يجيره هذا خبر مفرح ومبهج يا سلطان = سلامتك عند الجموع الغفيره ولي عهد المملكة طير حوران = ابن الزعيم الشهم صقر الجزيره الله يبعد كل همك والاحزان = عساك تسلم يا سعد كل ديره يا فزعة المضيوم في وقت الاكوان = رجل الكرم مدات يدك وفيره للطيب والمعروف والعلم عنوان = وللمعتدي نار تولع سعيره اكف كل الشعب ترفع على شان = طيب المحيا مع نقاة السريره يدعون رب كافل رزق الانسان = يشفيك ياعضد المليك وشويره اللي يجي باحسان يجزى بالاحسان = ومحبتك بقلوب شعبك كبيره حب من الخلاق مع مر الازمان = يارب نسألك الامن والستيره يا الله رده للوطن عالي الشان = يا عالم بالغيب شرّه وخيره الشاعر /عبدالمطلوب البدراني |
الحمد لله مالك الملك نجاك
بديت باسمك يا عليم بالاقدار=يا خالق خلقه ولا شيء يخفاك نطلبك فضلك وانت للذنب غفار=مكون الاكوان ومدير الافلاك يا شافي ايوب من كل الاضرار=من بعد ماقرّب على حبل الادراك تحفظ ولاة الامر من شر الاشرار=أهل النفوس اللي بها الظلم ينحاك خوارج صبوا غضبهم على الدار=عاثوا فساد وقتل للناس واهلاك ومفجر نفسه يبي علم ما صار=يرمي بنفسه دون تفكير وادراك محمد ولد نائف ابن شعبنا البار=الحمد لله مالك الملك نجاك مبروك يا حكامنا نسل الاخيار=وللشعب أهنيء بعد ما ربنا اذراك والشعر له وقفات في كل مضمار=ويستاهل البيضاء سواتك وشرواك مجار يالضرغام يا نسل الاحرار=عناية الله يا ابيض الوجه ترعاك سيفك على اهل الغدر والبوق بتار=جميغ خوان وغدار يخشاك مفتوح بيتك مدهل الضيف والجار= وزبن الدخيل اللي لفاك وتنصاك وكم واحد من بعد ماشاف الامرار=مديت له ياطيب القلب يمناك شجاعه وحكمه وقوه مع اصرار=تاطا على اهل الفسق والظلم بحذاك وما هي غريبة منكم طوال الاعمار=عسى قليل الدين يا الظفر يفداك حفيد شيخ فالمواجيب صبار=حمى الوطن من كل مجرم وسفاك عبدالعزيز الله يجيره من النار =وانته عسى ربي يجيرك ويحماك والنائب الثاني عزوم ومغوار=رمز الوفا والعز والطيب يبراك سيفه شطير يقص به كل غدار=يا اللي نويت الغدر سيف العدل جاك وصلاة ربي عد همال الامطار=على نبي حطم اصنام الاشراك |
الاخوة الاعزاء هذا عنوان لخبر عن ولي العهد بجريدة سبق (أنهى فترة العلاج وهو بصحة ممتازة خالد بن سلطان: ولي العهد سيكون بيننا خلال أيام) على هذا الرابط http://www.sabq.org/sabq/user/news?section=5&id=2509 هنا قصيدة بمناسبة سلامة ولي عهدنا الغالي
قلت الشعر ما ابغي من الشعر حاجه =الا بأقول الحــــق في نظم الاشعـــار >يازين طاروقه وما أحلا انتهــاجــه= في دارنا دار الفـخر دار الاخيــــار من يوم أبو فيصل بها أشعل سراجـــه = وزال الظلام ودونها شبـت النــــــار حكم بعدل ومخطي الــدرب عاجـــــه = وخلاه يرجع غصب من دون يختــــــــار يوم الخيول تكــّر والهـا عجاجــــه = أنشهد إنه دونـــها قصف الاعمــــار بعده رجال ما تهــــاب المواجـــه =رجال في ميقافهم عــــزم واصـــرار في حكمهم زاد الفـؤاد ابتهاجـــه = ال السعود اللي لهـــم كل مقـــدار وسلطان دون الـــــدارمحكم سياجه = ولي عهــد المملكه وابنــها البــــار رجل الشجاعه كم خطر صعب باجــه = رجل الكرم راع الشيم واف الاشبار ياكم مريض سهّـــل الله علاجـــــه = بفضل ابو خالد بعـد ذاق الامـرار وياكم مهموم تكّـــدر مزاجــــه =- ضاقت به الدنيا وتايــه ومحتــار له وفــّر المسكن ولبى أحتياجـــه =يجزاه ربي عالم ســـر وجهــــــار منه العدو يغضب وصاده فلاجــــه = وبحر غزير وفيه لؤلؤ ومحــــــار يبهرك باقباله وبلجـة حجاجـــه = يا الله تحفظه وانت حافظ وستـــــار وكل الوطن يفخر بعزه وتاجه = وصلوا على محمد عدد وبل الامطـار وسلامتكم وكل عام وانتم بخير |
الاخوة الاعزاء طغمة الفساد والتي تجرأ ت على حدودنا الجنوبية وتصدت لها جيوشنا بجنودنا الباسلة تحت مضلة التوحيد وقيادة حكيم العرب مولاي خادم الحرمين الشريفين الملك عبدالله بن عبدالعزيز وولي عهده الامين والنائب الثاني للشعراء والادباء والمثقفون السعوديون حق التغني بهذا النصر على تلك الطغمة الفاسدة وهذه ابيات متواضعة تعبيرا فقط عن ما في النفس لعلها تروق لذائقتكم وتجد عندكم القبول
يا مملكتنا الله يعزك ويحميك = يحميك علام الجهر والسريره اموالنا ترخص وبالروح نفديك =حنا فداك ان جاء نهار المغيره يا طامع بالدار خابت هقاويك =دون الوطن تشتب نار سعيره وهقت نفسك يوم كثرة طواريك = حنا رجال الحرب وان دق زيره ياللي تمنى ما يفيدك تمنيك =رميت نفسك وسط نار ونيره اللي رماك بوجهنا ما يناجيك = هذا وطن دونه رجال وذخيره رجال تاطا الصعب ما فيه تشكيك = ما همها عمى البصر والبصيره طغمة فساد كلبوها صعاليك = يالحوثي ارجع كان تبغى الستيره بجبالنا ماهو مفيدك تخفيك = جنودنا ترقا الجبال الوعيره تسللك بكهوفها ما يذريك = عرضت نفسك للسيوف الشطيره ايران والاغيرها ما يقويك = دون الوطن ما فيه احد نستشيره يدين شعبك يا بو متعب مع يديك = اقدم عدو الدين ما طار طيره بالنصر شعبك يابو متعب يهنيك = المملكة ترى مهي باي ديره |
بديت باسم الله وللقاف غنيت = أبدا بذكره كل صبح وعشية علآم خلقه كلهم حي والميت = مجري الرياح وعالم كل نيه لاتلومني يابو حسن كان ونيت =وأن جاء بوسط القلب نار لظيه ولا تلومني كان كثَرنّ التناهيت = الناس في نيه وأنا في نحيه من مجلسي يا طيب الأصل فزيت = والله عليم بالجهر والخفيه ساعة عرفنا في خبر ذايع الصيت = ملك حكم بالعدل بين الرعية رمز الشهامة والوفاء كان حليت = ولأمة الإسلام رمز الحمية هذا بطل ماعنه بالشعر وفيت = كل يعرفه سيرته عالميه هذا ملك وإنسان من دون تصويت = سليل مجد العزوة الوايلية شافاك رب البيت يا خادم البيت = خادم حرم مكه ومسجد نبيه عن خدمة الإسلام ابد ما توانيت = يشهد على قولي جميع البرية رقيت صرح المجد فوق و تعليت = حكيم رأي ما يهاب المنية طلبت ربي كل ما أصبحت وأمسيت = انه يجنبك المرض والاذيه وعلى نبي الخير صلوا وصليت = عداد براق سطع نور ضيه |
قامت ترازم كنها بل ظميا = تبي قراح الماء ولا تقــــدر تجيـــــــه الشاعر /عبدالمطلوب البدرانيوالبل حاديها من ارياه عميا = ومن عمست ارياه اتعب اللي يناحيه ويا ما اكثر الاحلام كل حلميا = وكلٍِ على دبرة وليه وباريــــــــــه وياكم وراد(ن) لعد احتزميا = وما هو مميّز بين ملحه وحاليـــــــــه هذي حقيقة والبشر ما انتظميا = اللي يجيب العلم واللي يؤديــــــــــه واللي يمينه ما تمد الشحميا = لا مكرمن ضيفه ولا ستر عانيـــــــــــه شحيح مدات(ن) ولا ينحشميا = جعله مهف مقيط ورشاه يتليـــــــــــــه والرزق من عند الولي انقسميا = محد(ن) بياخذ رزق غيره من يديــــه وما كل رماي رمى اجاد رميا = خطوة رمي ماهو قريّب مراميـــــــه قولوا لمن يطمع برفع العلميا = وهوه صخيف جنوب شينه مباديــــه يرتاح في ظل العشر والسلميا = يتعب ذلوله دون مصلوح له ليـــــــه أحدٍ فهم قصدي واحد مافهميا = ومالي على بعض الخلايق مشاريــــه |
الاخوة الاعزاء / هذه القصيدة بمناسبة اليوم الوطني الواحد والثمانون القيتها بحفل اهالي وادي الفرع بمناسبة اليوم الوطني يوم الجمعة الموافق 25/10/1432هـ أمل أن تروق لذائقتكم : يا هجوسي هاتي المعنى بعد جات المُهمّه ..... والمُهمة للوطن لا شعر ذم ولا غرامــــي الوطن غالي وعالي مرتفع في راس قمّه ..... نفتخر به كل مارحنا يمن وإن كان شامي نفتخر به شرق والاغرب راقي بين الامّه ..... راقي(ن) مهد الرسالة قبلة الإسلامـــــي وحده عبدا لعزيز وشمــــل ألامــــــه لمّه ..... وحده من فوق هجن ومشي بالا قدامــي ياردون بيار بالصحراء قليلة جمّــــــه ..... ما يهم الرجـــل لو يبات جائع ضامــــي كل واحد جّرب البارود زيـن وشمّـــــــه ..... يعرف أن الموت قدمه مير قلبه دامي والقبائل كل رجل كـــان يغلي دمّـــــــــه ..... بينهم سلب ونهب والحرب ضرب سهامي جاء لها عبدا لعزيز أضفى عليها في كمّــه ..... واصبحت دوله عزيزه ماش فيها أقسامي نحمد الله يوم زالت عن بلدنا الغمّـــــــه ..... طبقوا فيها الشريعه والمقام الســـــــــامي ومن بعد عبد العزيز عيال فيهم ذمّــــه ....بعده سعود الحكيم وفيصل المقدامـــــــــي وخالد اللي هم شعبه ياجماعه همّـــــه ..... ما حصينا مافعل بكتابة الاقــــــــلامــــي وفهد يا فهد العروبة فهد راع الهمّـــه .....خادم البيتين له ذكرى مــــدى الايـــــــامي وعهد ابو متعب وفيه الخير ربي تمّه ..... المليك اللي لشعبه حقق الاحــــــــلا مــــي التطور في بلدنا الدار كلـــــــه عمّه .....توسعة مكه وطيبه للميــــــك وسامـــــــــي وطور التعليم لين الجهل كله دمّــه .....انتهى عصر الجهالة والسعد قدامــــــــــي وفي مجال الطب والله ما حصل مذمّه .....والتقدم بكل شيءٍ صاير أمر الزامـــــــي يا الله تديم الأمن يا ربنــــــــا وتمّـــه .....وتحفظ بلادي عزيزه .. مذري الانسامي والعدو اللي ما بين الناس ينفث سمّه ..... ما يحصل غير فوق الراس مخطر حامـــي مايعيش بشعبنا نقال هــــــــرج ونمّـه ..... ما تحركنا خفافيش(ن) وراء الاعلامــــــــي ما يحاول تفرقتنا غير نذل ورمّــــه ..... وللسعودية بلدنا نرفع الاعلامــــــــــــــي الشاعر / عبدالمطلوب البدراني |
يا مرحباً مليون بك يا ابن سلمان = عد الحجيج وعد وبل الخيالي بقلوب اهل طيبة ترى شانكم شان = أنشهد إنك يا ابيض الوجه غالي للطيب والمعروف والعلم عنوان= رجل الثقافة والادب والمعــــــالي هدية ابو متعب لخير مســــكان= اللي سكــــــن فيها حسين الخصالي منها استضاء الناس من نور الايمان= ومنها انتشردين البشر بالكمالي انت الشجيع ومن سلايل كحيلان = اللي حكمها يوم شـــــــد الرحالي من الكويت وناصي اعز الاوطان = ومعه الرجال اللي تضد الرجالي اللي وصل حكمه الى بعد نجران = واضفى عليها الامن شرق وشمالي والساحل الغربي الى حد جيزان =موفقه ربي عزيـــــز الجــــــلالي الله يوفق دارنا بكــــل الازمان = في ظل حكم اللي لهم قدر عــالي الشاعر / عبدالمطلوب البدراني |
الساعة الآن 12:23 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir