ابو ذياب=
من بعد مـا دارت الأزمـان =وجروح في ((الجوف)) مخفيها
فاح الألم ... نبـش الأحـزان =والصبـر عـيـا يداويـهـا
ماهر ابو خالد=
محدن على حالته قنعان = دنيـا كثيـرة بلاويهـا
ومادام فاح الالم نشطان = لجليش تخفي معانيهـا
ابو ذياب=
ابشتكيلك عن الحرمـان = حال السعد انطفى فيهـا
جرح الأحبه سبب ماكان = يعيـد ماضـي ماَسيهـا
ماهر ابو خالد=
ماكان كل من عليها فان = والصايبه عند راعيها
عطني على البينة برهان= قبل القرارات نمضيها
أبو ذياب=
وش ينفع((الجرح)) فالوجدان =عايش مع الروح شاقيها
من غير فتح السجل يأخوان = أجراحنا كيف ؟؟ نمحيها
ماهر ابو خالد=
من يكسب الصبر له ميزان= يعدل ومرات يجنيها
وفالمقبلات العطاء نسيان= للمدبرة لو تحاكيها
أبو ذياب=
طال الصبر والألم ون نان = ونات يصبح ويمسيها
متى الفرح يفتح البيبان =والنفس تأخذ اَمانيها
ماهر ابو خالد=
اسعى ولك فالمساعي دان=والتاجر يجيب قاصيها
واللي توكل على الرحمن=تطلب له النفس تاليها
ويصحابنا سامحونا=

المشاركة الأصلية كتبت بواسطة أبو ذياب (المشاركة 764989) ابو ذياب= من بعد مـا دارت الأزمـان =وجروح في ((الجوف)) مخفيها فاح الألم ... نبـش الأحـزان =والصبـر عـيـا يداويـهـا ماهر ابو خالد= من يكسب الصبر له ميزان= يعدل ومرات يجنيها وفالمقبلات العطاء نسيان= للمدبرة لو تحاكيها ويصحابنا سامحونا=

المشاركة الأصلية كتبت بواسطة الحب الباقي (المشاركة 765047) صحت السنتكم والله يـعـطـيـكم الـعـافيـــــــــــة بيض الله وجيهكم

صح السنتكم اثنينكم

ولكم الشكر على هذا الابداع

المشاركة الأصلية كتبت بواسطة سعودية (المشاركة 765055) الله ع الابداااع بدع رائعه ورد ايضاً رائع اخوي ابو ذياب اخوي ماهرابو خالد صحت السنتكم وعلا شانكم دمتم متالقين في سماء الابدااع وتميز احترااامي

المشاركة الأصلية كتبت بواسطة السينات (المشاركة 765073) دمتما على العز والابداع محاورة رائعة ابطالها شاعرين رائعين صح لسانك ولسانه

المشاركة الأصلية كتبت بواسطة دربي وفا (المشاركة 765094) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة ماهر ابو خالد (المشاركة 765499) الشرف لي اخوي الغالي ابو ذياب اني عانقت حرفك في هذا اللحن واشكر الاخوان على تشجيعهم وثناءهم دمت بخير وصحة يالحبيب

المشاركة الأصلية كتبت بواسطة ناصر الحجوري (المشاركة 765504) ابو ذياب ابو خالد صحت الالسن صوت وصدى ولا اجمل

المشاركة الأصلية كتبت بواسطة وليف الشوق (المشاركة 765522) الاخ القديرابوذياب والاخ الغالي ابوخالد صحت السنتكم وبيض الله وجيهكم ورفع قدركم وشانكم محاوره من بدع ورد قمة الابداع والجمال الله يعطيكم العافيه تقبل تحياتي وتقديري