الحب له مقدار عالي ومرموق = جملة عزيزة تستحق السيادة
من يعرفه يقضي حياته بلا عوق = ريح ضميره واهتنى بالسعادة
ومن لايعرفه عاش والقلب محروق = من قل حبه عيشته بالنكادة
اللي يمد الحب ماهو بمسبوق = فالصف الاول معتلي في شداده
يلقى الغلا والعز من كل مخلوق = محسوب قايد يستحق القيادة
الحب له ترتيب واحكام واطروق = المسعد ا اللي وصله راس ماده
الحب الاول يعرفه كل خافوق= مؤمن وتقوى الله عيشه وزاده
حب الله وحب النبي للملا شوق = من حبهم لازم يحصل مراده
والوالدين اللي تبنوك بشفوق = ترى محبتهم صميم العبادة
وسوق المحبة للبشر كلهم سوق = واحذر يجي فالقلب بغض وحقادة
الحب طاهر مايبا الخبث والبوق = ولايضمه قلب فيه القرادة
يأتي بعدها حب عاشق لمعشوق = حب الشريك اللي معك فالوسادة
لك واجبات وله على شخصك احقوق = ماتقبل النقصان تبغى الزيادة
عطه الوداد وعامل الخل برفوق = ان كان تبغى من حبيبك وداده
والحب الاخر مالنا فيه طاروق = حب(ن) محرم مالنا فيه رادة
وحبك لنفسك واعتبار انها فوق = والناس من دونك تسمى بلاده
مغرور والمغرور لابد ملحوق = واللي زرع له زرع يجني حصاده
قلته وانا قولي مصدق وموثوق = اقرا كتاب الله وتلقى الافادة

ماشاءالله

حب شامل

وابداع كامل

لله درك اخي الشاعر حسين مريع العبيدي

وصح الله السانك على هذه الدره المميزه

وبيض الله وجهك

تقبل اجمل التحايا

ودمت ودام ابداعك

المشاركة الأصلية كتبت بواسطة حسين مريع العبيدي (المشاركة 760320) الحب له مقدار عالي ومرموق = جملة عزيزة تستحق السيادة من يعرفه يقضي حياته بلا عوق = ريح ضميره واهتنى بالسعادة ومن لايعرفه عاش والقلب محروق = من قل حبه عيشته بالنكادة اللي يمد الحب ماهو بمسبوق = فالصف الاول معتلي في شداده يلقى الغلا والعز من كل مخلوق = محسوب قايد يستحق القيادة الحب له ترتيب واحكام واطروق = المسعد ا اللي وصله راس ماده الحب الاول يعرفه كل خافوق= مؤمن وتقوى الله عيشه وزاده حب الله وحب النبي للملا شوق = من حبهم لازم يحصل مراده والوالدين اللي تبنوك بشفوق = ترى محبتهم صميم العبادة وسوق المحبة للبشر كلهم سوق = واحذر يجي فالقلب بغض وحقادة الحب طاهر مايبا الخبث والبوق = ولايضمه قلب فيه القرادة يأتي بعدها حب عاشق لمعشوق = حب الشريك اللي معك فالوسادة لك واجبات وله على شخصك احقوق = ماتقبل النقصان تبغى الزيادة عطه الوداد وعامل الخل برفوق = ان كان تبغى من حبيبك وداده والحب الاخر مالنا فيه طاروق = حب(ن) محرم مالنا فيه رادة وحبك لنفسك واعتبار انها فوق = والناس من دونك تسمى بلاده مغرور والمغرور لابد ملحوق = واللي زرع له زرع يجني حصاده قلته وانا قولي مصدق وموثوق = اقرا كتاب الله وتلقى الافادة