|
بالملتقى يعل تفداك الانذال قصيده موجهه للشاعر خالد الحصني
بسم الله الرحمن الرحيم
الشاعر الكبير خالد الحصني من الشعراء المميزين بالملتقى وغيابه يلاحظ من الجميع وبعد مده من غيابه حبيت امزح معه بالابيات المتواضعه عسى ان تنال اعجابكم
ياخالد الحصني لك ايام غايب=عطنى السبب يامعرب الجد والخال مالك تواجد بالليال القرايب=بالملتقى يعل تفداك الانذال سود القلوب مفرقين الحبايب=اهل الجشع والحسد والقيل والقال عن الغياب ارجوك عطنى السبايب=وليا سمعنا حجتك يابن الابطال اما عليك نقوم بعض الطلايب=ودايم لراع الحق مخرج ومدخال ولا قنعنا ياعطيب الضرايب=في عذركم من دون تشكيك وجدال ان كان جوك فيه بعض الشوايب=وتشوف في دربك منافق ودجال اضرب على الكايد تهون الصعايب=للخيل خياله وللحبل حلال ياما وياما بعد صلف الهبايب =غيم سماها وانهمر تقل شلال وقامت تغرد فوق خضر الرطايب=ذيك الطيور اللي لها الوان واشكال حنا بزمن يالقرم كله غرايب=يمكن يجيك من القريبين محتال يحطها بين النحر والترايب=علة نحر يلعب على كل موال بالصايبه ولاعلى غير صايب=يبرا لضله مع خبيثين الاعمال |
صح لسانك ولاهنت على هذا الوفاء والاخ العزيز خالد الحصني رجل فاقدينه ومثله من الرجال ينفقد خالد الحصني شاعر جزل ومتمكن بدرجة كبيرة ولعلنا قد فقدنا جديده في الايام الماضية وكل الامل ان يتحفنا في الايام القادمة بما عودنا عليه خالد الحصني رجل يتسم بالاخلاق العالية علاوة عن الشعر الجزل خالد الحصني ليس بحاجة الى شهادتي ولكن الحق يقال لك كل الشكر ياخوي ياسعد المحمدي على هذه البادرة الطيبة وسبقتنا عليها لكن القصد واحد والصوت واحد ان شاء الله والمهم ان يصل الصوت الى الاخ خالد الحصني |
اقتباس:
الاخ الشاعر خالد دغيمان القبع صح بدنك وبيض الله وجهك وانته شاعر موهوب وصاحب موهبه كبيره با الامس القريب كنت مع خالد الحصني با اتصال وسمعته هذه القصيده وتكلمنا عن شعراء الملتقى وبا الامانه اشاد بك وبموهبتك العاليه وذكر قصيدتين لك وهي اخر ما طرحت احداهم على البحر الهجيني وقال ان هذا الشاعر يمتلك موهبه عاليه وصاحب توضيفات قل ما يمتلكها احد وله نهج رائع حديث وجديد ومتميز اما عن غياب خالد الحصني لاشك ان الكثير مفتقده وهو شاعر له بصمه خاصه على الشعر لا احب ان اتكلم عن ابو موسى فا الجميع يعرف علاقتي به وحتى لا يوضع المكان بغير محله ولا احب ان اتكلم عن غيابه كوني موجه له قصيده بهذا الخصوص لك جزيل الشكر يا خالد دغيمان وصح بدنك وبيض الله وجهك |
[table1="width:95%;"] | [/table1]صح لسا نك وبيض الله وجهك |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
مالك تواجد بالليال القرايب=بالملتقى يعل تفداك الانذال
صح لسانك يالمحمدي و لكن لي ملاحظة على البيت اعلاه و بعض الابيات و انا لاني شاعر و لاناقد 0 و لكن اقول الملتقى مافيه انذال و لله الحمد كلهم رجال و انت شاعر كبير و لكن تلحقك الشرهة في مثل هاذي الملاحظات |
صح السانك يامحمدي
ولاكن انا اتفق مع محسن الحـربي بما لاحض المشكله ياخواني بطرح |
مالك تواجد بالليال القرايب=بالملتقى يعل تفداك الانذال اقول صح السانك اخوي سعد المحمد مليون صح السانك وانا اختلف معك اخوي محسن الحربي المقصود والرابط الخاص بسياق الكلام هواء عدم التواجد با الملتقى اما الانذال هنا معناها عام ماهو محصور با الملتقى هذا رايي وكلن له رايي |
السلام عليكم ورحمة الله وبركاته
صح ابدان الجميع وارحب بكل الاراء وكل الملاحظات فا نحن الشعراء نقول كلام قابل لنقص والزياده ولسنا فوق النقد لي عوده انشالله الى نقاش الاخوان ويا هلا ومرحبا با الجميع |
صح الله لسانك ولاهنت وسلم فكرك وبنانك دمت برعاية الله وحفظة |
الشاعر الكبير سعد المحمدي
صح السانك مليون لفة نظري با القصيده موضوعها هناك شعراء كثيرين وشعراء رائعين با الملتقى ولكن دائما اقتناص موضوع القصيده مهم ومهم جدا وانت لديك اقتناصات لمواضيع القصائد دعني اقول اقتناصات قناص يعلم الجميع اسباب موضوع القصيده او اسباب غياب خالد الحصني ولكن اقتناصه في قصيده هذا لا يجيده الا قناص القصائد الذي يكتب القصيده ويعلم ان ما كتبه لن يذهب سدا كا القصائد الذي يكتبها بعض الشعراء هناك شعراء كثير با الملتقى وشعراء لا اضلمهم شعراء ولكن ينقصهم موضوع القصيده وهل تتابع او وتنسى ولا يحفظ منها ولا بيت او يتابعها الاعضاء وهنا الاثاره الشعريه الحقيقيه وهنا الشعر الحقيقي صح السانك مليون وترقبوا رد خالد الحصني وخالد الحصني مهما كتب ردا على هذه القصيده لن يبلغ مستوى الشاعر سعد المحمدي وحرفنته با الابيات الذي واضح اختلاف الاعضاء حولها ولن اتكلم عنها لاني على قاعدت شاعر حرب الراحل سبيل بن سند رحمه الله وهي من حق البيت على الشاعر ان لا يفسر معناه حتى يبقى لتاريخ اعود واقول صح السانك يا شاعرنا الكبير سعد المحمدي وترقبوا رد خالد الحصني تحياتي لك وللجميع خالد الحصني |
اسلم اسلم يا بو تركي ارقى سنود
ان كـان جـوك فيـه بـعـض الشـوايـب =وتشـوف فـي دربــك منـافـق ودجــال اضـرب علـى الكايـد تهـون الصعـايـب = للخـيـل خـيـالـه وللـحـبـل حـــلال يامـا ويـامـا بـعـد صـلـف الهبـايـب = غيـم سمـاهـا وانهـمـر تـقـل شــلال وقامـت تغـرد فـوق خـضـر الرطـايـب = ذيـك الطيـور اللـي لهـا الـوان واشكـال صح السانك ونتطلع رد الشاعر خالد الحصني وعلى فكره خالد الحصني شقيقي وافتخر به |
الشاعر الكبير والقدير سعد المحمدي صح لسانك على هذه الرائعه وفي من يستحقها الشاعر الرائع خالد الحصني بصراحه شاعر مدرسه وقدوه الله يستر عليه وغياب ابوموسى له وحشه ولاتهون يابوتركي وانت من الشعراء الاذكيا و المتميزين في ترويض الفكره والابداع بها وبكل حالاتك رائع ادام الله لك الصحة والعافية وتقبل تقديري واحترامي |
الله الله الله
الله الله الله صح لسانك شاعرنا القدير سعد المحمدي وبيض الله وجهك تقبل تحياتي وتقديري |
اقتباس:
السلام عليكم ورحمة الله وبركاته صح السانك يا بو تركي ولا هنت وبيض الله وجهك على هذا الوفا الشاعر سعد المحمدي نعم الصديق ونعم ابن العم ونعم الشاعر الذي يغرف من بحر وهذا بشهادة الجميع وليس بشهادة صديق فقط لم تترك لي شي يا بو تركي اقوله في هذه القصيده وما الغياب الا اسباب عاديه جدا ومشاغل دنيويه ويبقى ملتقى حرب مجلس لقبيلة حرب وشعرائها الكبار مثل شرواك يا بو تركي وايضا شعرائها الشباب الذين نتمنا لهم التوفيق واما ممازحتك لي بهذه الابيات هي شرف لي وتاج افتخر به وما ذكرته هي اشيا عاديه جدا يواجهها الجميع وكل انسان له سياسته با التعامل معها اشكرك واشكر جميع الاخوان الذين سالوا عن غيابي والذين لم يسالوا لانهم ايضا اخواني وابناء عمومه بلا شك والغياب كما ذكرة اسباب مشاغل وتنويع مواقع ويبقى ملتقى حرب ملتقى قبيلتي الذي لم ولن ابخل عليه في شي واشكرك جزيل الشكر يا بو تركي با عفائي من الرد على هذه القصيده وما قبولك عذري الا رجاحتا منك وبعد نظر وانته شاعر تعلمت منه الكثير وتملك حرفنه شعريه تذهل النقاد قبل الشعراء تحياتي لك يا بو تركي ولجميع الاخوان |
صح لسانك ياسعد
وابو موسى يستاهل |
الساعة الآن 06:57 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir