تركي البشري=
سلام أحلـى مـن العنّـاب = كالورد لا مال بأغصونه
للصاحب اللي على المرقاب = عشـرة نشامـى يشيلونـه
فايز ال محيسن=
ترحيب مثل العسل لا ذاب = فالشمع والناس يجنونه
والقاف من عندنا شباب = غني على للي تودونه
تركي البشري=
تبقى ولابي هـوى غـلاب = أضنـى محبيـن يشكونـه
يرءف لحالي أولو الألبـاب = ومن جرب الوقت وطعونه
فايز ال محيسن=
دامك سلمت الهوى النهاب = وشفت المودين يبكونه
لا تـقرب النـار دون اسباب = نار المحبـين مجنونه
تركي البشري=
ماطاب حضي معي ماطاب = خلا لي النفس مشحونه
عنا الفرح ضارب المجناب = وقتي معي جرب فنونه
فايز ال محيسن=
الحظ مكتوب لك فكتاب = مقدار ولابد تلقونه
والآ الفرح كان صك الباب = دور على للي يفكونه
تركي البشري=
طيّرت طير الغرام اسراب = الحب ظالم في قانونه
فزنا بجوله مع العراب = هذا هدف من تجارونه

المشاركة الأصلية كتبت بواسطة قابل البشري (المشاركة 741519) ابوماجد وابو الترك محاورة جمعت السهولة والامتاع تحياتي للعزيزين

المشاركة الأصلية كتبت بواسطة بخيتان البشري (المشاركة 741535) مبدعين صح الله لسانيكما وادام عزكما

مبدعين صح الله لسانيكما وادام عزكما

المشاركة الأصلية كتبت بواسطة الحب الباقي (المشاركة 742608) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة رابح الجحدلي (المشاركة 742608) صحت السنتكم والله يـعـطـيـكم الـعـافيـــــــــــة بيض الله وجيهكم