|
وإلا ألــردي ان ما نـقـص شي ما زاد
الشاعر: محمد بن عبدالرحمن بن صاهود القحطاني شاعر معروف كانة تربطني به علاقه ولازالة وكان مقر مكتب مؤسستي في القصيم وبتحديد في بريدة وفي جواري مكتب وصاحبه من احد القبائل المعروفه ويعرف القحطاني معرفه اكثر مني ومر عليه القحطاني وهو في مكتبه وطلب منه لازم واعتذره ومر على مكتبي وانا كنت خارج المكتب وفي الصدفه كلمت على الموضف في المكتب وقال لي فيه صاحبك محمد القحطاني قلت حياه الله قدمله القهوه والشاي وانا في الطريق قال الرجال مستعجل وله لازم كذا وكذا وقدرني الله وأمرت الموظف على قضى لازمه والحمدلله وعند وصولي للمكتب وجدت هذه الابيات كاتبها الشاعر:محمد بن صاهود القحطاني وهو والله ونعم الرجل الله يذكره بالخير وكل رجل فعله يمثله ويمثل قبيلته يقول فيها
انـا يـابـو كـريم عـلى مـال الا جـواد = امـون وإلهـم في حلالي امــيانه وإلا ألردي ان ما نقـص شي ما زاد = ما ينـجـح الا في ســبـيـل اللعـانه تكرم وتـكرم عـزوتك ضـد الأضـداد = يابعد حرب امن الردى والخـيانه قـومن لهـم تاريخ وأفـعـال وأمـجـاد = وعـز الـقـبـأيـل في يديهـم بـيانه بقلم الشاعر الكبير : محمد بن عبدا لرحمن بن صاهود القحطاني أخوكم : محمد بن عبد الكريم الغرابي |
بيض الله وجهك على العلم الغانم يامحمد وصح السان ابن صاهود
وراع الطيب يستاهل الطيب |
وافي وتستاهل المدح والعلم الطيب واللي يعرف محمد عبدالكريم من قريب او بعيد يشهد له ايضا لا انسى اخوانه الاعزاء فهم على درجة عالية من الطيب لا اقولها مجاملة انما الحق يقال والحقيقة قصيدة في غاية الجمال صح لسان شاعرها القحطاني |
وبيض الله وجهك يامهجرس الحرف وهذا من طيبك طال عمرك ووفاك وبيض الله وجه محمد القحطاني كان ردت فعل منه تسوا عندي شي واجد لاهنت اخو على هذا الحضور المميز ولك مرعلى الخاص تقبل تقديري وحترامي |
كفو المادح واللممدوح
وبيض الله واجه من يثني على من يستاهل الثناء القحطاني وافي وانت تستاهل مليون صح السانه |
صح لسان بن صاهود والممدوح يستاهل
أحترامي |
الشاعر محمد عبد الكريم الطيب والكرم ماهو غريب عليك انت من اهله
بدون مجامله وفعل الطيب بالرجال الطيبين يبقى وانت سويت طيب في رجال اجنبي والطيبه عمت حرب كامله والدليل القصيده الله يكثر من امثالك ياشاعرنا الجزل تقبل تحياتي وتقديري |
بيض الله وجهك على
العلم الغانم يامحمد وصح السان ابن صاهود وشكرا لك تكرم وتكرم عزوتك ضد الأضـداد يابعد حرب امن الردى والخيانـه |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
صح لسان ابن صاهود
وماقال هالابيات إلا من طيب راسك يالغرابي لاهنت يالعزوه لك جُل تقديري |
اقتباس:
اخوي الغالي خالد القبع ولا عليك زود انت ومن حضر بهذا المتصفح وهذا من طيبك ووفاك لاهنت وانا يهمني انه رجل اجنبي ومدح القبيله وهذا يشرفني ويرفع راسي وقبيلة حرب عريقه وعزيزه شكرا لك اخوي على هذا الحضور الرائع تقبل تقديري واحترامي |
اقتباس:
ياهلابك اخوي العزيز عبدالله الحنيني ولاعليك زود يالغالي س وانت ابيض وجه تستاهل الطيب وهذا من وفاك وصح بدنك ولاهنت يشرفني مرورك الرائع تقبل تقديري وحترامي |
اقتباس:
هلابك اخوي الغالي احمد سليمان الجابري وصح بدنك طال عمرك وتستاهل الطيب لاهنت على هذا الحضور الرائع تقبل تقديري وحترامي |
اقتباس:
هلابك اخوي القدير والشاعر سعدالمحمدي ولا عليك زود ولاتهون طال عمرك وهذا من طيبك ولله الحمد لوكان هذه الابيات يابوتركي مافيها اسم لحرب كان يمكن ماوضعتها ولكن لجل كذا انا شاركت بها بخصوص ان الابيات من شاعر اجنبي ومدح قبيلتي يشرفني ذالك شرفتني يابوتركي في حضورك الجميل وعباراتك الإروع الله لايهينك يالغالي تقبل تقديري واحترامي |
اقتباس:
يامرحبا فيك اخوي القدير وشاعرنا الكبير ابوطلال وانت بيض الله وجهك ولاهنت طال عمرك وصح بدنك ولاشكرعلى الواجب وهذا من وفاك وطيب راسك شرفتني في حضورك وعباراتك الرائعه ادام الله وجودك تقبل تقديري واحترامي |
اقتباس:
حياك الله اخوي القدير الحب الباقي وصح الله بدنك ولاهنت وانت ابيض وجه شرفتني بهذا الحضور الراقي طال عمرك ادام الله وجودك تقبل تقديري وحترامي |
الساعة الآن 11:45 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir