|
مساجله مع الشاعـر الكيبر والعلم هـجاج الـوسـوس
قصيدة موجهه لي من الشاعر الكبير العلم هــجـــاج بن جــازي الــوســوس والحقيقه : هجاج شاعر كبيروعلم من اعلام الشعر ومبدع رائع وبنفس الوقت صديق غالي علي جدا حفظ الله ويقول:أبو نواف
خلني يا محمد كريم بحالي=فاح بن الحزن في صفر الدلالي يوم شتت شملنا ظلم الليالي=لا تذكرنا مواجع من نسونا خلني مليت ترتيب المصايب=ليت حظ قلوبنا جمر المطايب يحترق ويبين طيبنا و خايب=دام في زين النوايا عذر بونا خلني حنيت لسنين الطفولة=يوم شفت لا وين ودتنا الرجولة فوق شي ٍ عجزت السنا تقولة=لو قـليلين المروة قولونا خلني خليت أنا الدنيا لهم=والنقا والصدق والطيبة لهم واللقا والعرف والكلمة لهم=ورغم كل اللي تركنا ماتركونا خلني ضاقت بصاحبك المدينة=والحزن مدهاله النفس الحزينة والطواري كلها سود ٍ لعينة=والرفاقة يوم ضقنا فارقونا خلني بي خان خلان الرخا=واكتشفت الصبح مايخفي السخا يوم فيهم خافق الصدق انتخا=وانتحو من عندنا ماعبرونا خلني ماعاد في هالعمر طمعة=انطفت اربع وعشرين الف شمعة والهدب بلله مزن وحزن دمعة=وليلة عيون ٍ تحرونا بكونا وخلني يامحمد كريم بحالي=فاح بن الحزن في صفر الدلالي يوم شتت شملنا ظلم الليالي=ليت ربع اللي خذو منا عطونا بقلم الشاعر القدير :هجاج الوسوس ورديت عليه بهذه الابيات واقول فيها
مرحبا وآهلين في خطا ً لفاني=يحمل المكتوب جزلات المعاني من صديق ٍ عن مشاركته نهاني=وقبل تقليب المواجع ما نهونا مرحبا وأناملي فيها القلم=علم الإنسان مالم يعتلم الحبر دفاق والبوك استلم=يكتبن جزل القوافي لا نخونا مرحبا والصدر به هم ٍ وضيقة=من حدث مكتوب باحساس ٍ رقيقة يوم حّمل صاحبي ما لا يطيقة=وابتلش في سندونا حدرونا مرحبا وراع المواقف ما يخلى=طلته طلت سهيل ٍ يوم طلى لا يقول أن الوفاء بالناس قلى=الوفاء أهله بالمواقف يبرزونا مرحبا وصدوف دنياك العريضة=يا كثر ناس ٍ تعانيها مريضة كنها فرضة على العالم فريضة=والفرج موعود للي يصبرونا مرحبا واسمعني الله لا يهينك=هاك يمنا ً ياعميلي في يمينك ما تخلى عنك لا جارت سنينك=يوم خلان الرخى مايصدقونا مرحبا وارتك على جبال ٍ رواسي=ما تميل أمتونها وان عاش راسي وحاسدينك بالقدم تكرم تداسي=رضيم الحساد وإلا يزعلونا مرحبا بك خل سند خل حدر=من ورد عد الروى ريان صدر والمقدر مرحبا بك يالمقدر=ويل ناس ٍ بالقدر ما يومنونا مرحبا بهجاج لا منه دعاني=لو أنا بقصى الدير لاجيه عاني ذا صديقي لا واحد من أخواني=لو تهون رجال عندي ما يهونا وسلامتكم بقلم : محمد بن عبدالكريم الغرابي |
ماشاء الله عليكم صح لسان الشاعر هجاج بن جازي وصح لسانك يابوعبد الكريم وبيض الله وجيهكم يالجزلين |
صحت السنتكم
والله يـعـطـيـكم الـعـافيـــــــــــة بيض الله وجيهكم |
صح لسان الشاعر هجاج بن جازي
وصح لسانك يابوعبد الكريم |
صح السان الوسوس ولسانك شاعرنا محمد الغرابي مساجله جزله لا هنتم
|
الشاعر محمد عبد الكريم صح لسانك وصح لسان الشاعر الوسوس
مساجله جزله تحياتي للجميع |
اقتباس:
ياهلابك اخوي القدير :بخيتان وصح بدنك ولاهنت على هذا الحضور الجميل ومن يقول ابيض وجه دمت في وجودك الرائع تقبل تقديري واحترامي |
اقتباس:
هلابك اخوي الحب الباقي صح بدنك وبيض الله وجهك على هذا الحضور دمت في تواجك الراقي تقبل تقديري واحترامي |
اقتباس:
ياهلابك ومرحبا يابو طلال تشرفت بهذا الحضور الجزل طال عمرك وصح بدنك ولاهنت ادام الله وجودك الرائع وتقبل تقديري واحترامي |
صحة السنتكم
شعار عمالقه وقصايد وافيه لله دركم |
صح لسان الوسوس وصح لسانك يامحمد قصائد رائعة وممتعة لاهنت ياخوي يامحمد على هذا الحضور الاكثر من رائع |
اقتباس:
هلابك اخوي القدير خالد الحصني وصح بدنك ولاهنت ولاهان شانك على هذا الحضور الرائع والجميل ادام الله وجودك تقبل تقديري واحترامي |
اقتباس:
حياك اخوي القدير سعدالمحمدي وصح بدنك ولاهنت ولاهان شانك على هذا الحضور العاطر والجميل ادام الله وجودك تقبل تقديري واحترامي |
اقتباس:
مرحبابك اخوي القدير عبدالله الحنيني وصح بدنك ولاهنت ولاهان شانك وجزالة القصائد في وجودك طال عمرك وهذا من وفاك وحسن ذاتك خوي الغالي ادام الله وجودك تقبل تقديري واحترامي |
صح لسان الشاعر ابو نواف وصح السانك اخوي ابو عبدالكريم
مساجله مميزة وطرق لايجيده سوا المميزين تقبل مروري |
صح الله لسان الشاعر هجاج الوسوس وصح الله لسانك يابو عبدالكريم
عد ورد جزله ومتميز من الجانبين الله يبيض وجيهكم |
اقتباس:
ياهلابك اخوي الغالي والقدير خالد دغيمان القبع وصح الله بدنك ولاهنت وهذا من ذوقك وطيبك روعة المتصفح بروعة حضورك يشرفني مرورك العاطر اخي خالد ادام الله وجودك تقبل تقديري واحتر امي |
اقتباس:
حياك اخوي القدير متعب الفهيدي وصح بدنك ولاهنت ولاهان شانك على هذا الحضور العاطر والجميل وهذا من ذوقك وتميزك في حضورك ادام وجودك تقبل تقديري واحترامي |
اقتباس:
هلابك مراقبنا العزيز والقدير وشاعرنا الكبير الممتع مضحي بن جمران صح الله بدنك ولاهنت يابواحمد يهمني حضورك ويشرفني والله يبيض وجهك وهذا من حسن ذاتك وطيبك يابواحمد وماعودتنا عليه ادام الله عزك يالغالي تقبل تقديري واحترامي |
الساعة الآن 11:53 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir