بخيتان =
إن كنت مآخذ على خاطرك =بآخذ على خاطري منك
في كل حاجة أبى اشاطرك = اليوم ماعني وعنّك
سالم=
شاعر محنك وانا خابرك=يستطرب الكل من فنّـك
ومادام جيتك أبا احاورك=ياجنّي اليـوم ياجنّـك
بخيتان =
اطربك حرفي ولا شاورك=سيّد على الحرف ما منّك
افرح ليّا جيت واسايرك=شاعر وظنّي على ظنّـك
سالم=
ماودي آخذك من قاصرك=ماريد أدبّل على صنّك
أبعرف اللي معك قاهرك=قني تعرفه كما قنّك
بخيتان =
حضّرت من غير ما ادورك=ماهمني ما يهمنّك
يقول حولك معي ناظرك = كنه معي مثل ماكنّك
سالم=
الله عسى يبتسم حاضرك=والقادم يزين لكنّك
حرّص من السيل لايحاصرك=وانته على خبري محنّك
بخيتان=
عسى السعد دايمً غامرك = وطيب الأيام يغشنّك
مالي عُذر وانت من عاذرك=ماتحرق اللأزمة بنّك
سالم=
لو كادري غير عن كادرك=اضحك ليا من ضحك سنّك
فاللازمه اجيك واناصـرك=بالحق وارتاح من زنّـك

غير مستغرب الإبداع من أربابه

صحت ألسنتكم وبيض الله وجيهكم

لكم خالص التقدير

ابو محمد وابو وائل

محاوره راااااااقيه

ولاغرابه

الله يعطيكم العافيه

المشاركة الأصلية كتبت بواسطة المقرح (المشاركة 729217) الله الله هذي مباراة ديربي تعتبر صح ألسنتكم وبيض الله وجيهكم

المشاركة الأصلية كتبت بواسطة عبدالعزيز الزويهري (المشاركة 729229) هذه يسمونها تكتكة في رسم الحرف و المعنى ابدااااااااااااع غير طبيعي و غير مستغرب ابو البخت . . العمده سلمتم و صحت السنتكم و بيض الله وجيهكم و شهادتنا فيكم مجروحة و الله يعطيكم العافية

المشاركة الأصلية كتبت بواسطة حامد الاحمدي (المشاركة 729250) الله .. الله ابداع منقطع النظير صحت الألسن وطابت القلوب بيض الله وجيهكم أيها العمالقة لكما خالص الشكر والتقدير