|
(870)لغز مربط وهو حي محلول من ابوزياد (فؤاد ام موسى)
مساء الخير للجميع
هذا لغز كتبته قبل فتره واتمنى ان يحوز على رضاكم يقول : أنشدك عن رجل)ن( مربط وهو حي=ولو مانربط يمديه بانت علومه من كل شي فاضي ومليان من شي=واصبح مربط والبشر ماتلومه في داخله سايل ولا يعرف المي=وإن كان تبغى العلم قد جاه يومه |
مساء الـخـيــر يا "وجـودك يكـفــي"وصـح الـسـانك
وش رايـك "باصـمـيــل"امـربـط وسـطــه لبـن او حـلـيـب والـمــاء مـا يطـبـــه. |
صح السانك
ولي عوده |
صح لسانك وجودك يكفي ................. وجاري البحث
|
اقتباس:
والرمعه مالك لوا |
اقتباس:
وبإنتظارك يالغالي |
اقتباس:
|
يالربع أنا عندي ظروف الايام هذي وبإذن الله ماتطول
والحل برسله للأخ ابومشاري والرد عند ابومشاري وله حق التصرف والصلاحية الكامله يقرب يبعد يحله على كيفه |
اقتباس:
اللغز طيب مثل راعية وقديمك جديد ..والله يعينا على التفكير ..ولنا عودة |
هلابك يابوعزااام وبيض الله وجهك وانا اخوك وماعليك زود يالغالي
|
صح السانك وشرايك بالفخ ولاالغم
|
اقتباس:
|
حياكم الله يالربع
وصح السانك ياوجودك يكفي وبيض الله وجهك وعلمك غانم ويالربع الحل عندي ووجودك يكفي مشغول وارسل علي الحل وفوضني تفويض مطلق والله ايعين الجميع الرمعات السابقه مالكم لوا |
صح لسانك ياوجودك وترجع بالسلامه
|
الاخ وجودك شرف الا ماهو مساعد السيارة وارد عويض
الذي انقطع من مدة وهو يقال له غاز وياتي مربط ولا يفك الا بعد تركيبه في السيارة تقبلو تحياتي |
ذيب الضيح الاول ابااقول صح بدنك نيابتن عن من كلفني بالردد عنه لانه غير موجود
الرمعه ماااااااااااااالك لوا |
صح السانك ونقول اسطوانة الغاز |
صح لسانك ياوجود يكفي لغز راااااااائع
وان شاء الله نشوفك على خير وانت بتم الصحة والعافية وانا طالبك يابومشاري لاتوضح اللغز ولا ودنا اللغز ينحل لين يعود راعيه بخير |
عندي رمعه يابومشاري وش رايك بديس الناقه مربط بالشماله
|
حياك الله يابو هليل
الرمعه مالك لوا |
مساء الخير على الجميع يابو مشاري يوم إن الرمعات عندك
ويش رايك بالقنو ابقلب انخله مكممينه عن الطير |
الله ايمسيك بالخير ياولد عمي
والرمعه مالك لواا |
اقتباس:
والرمعه مالك لواااا |
صحيح ديس الناقه يا بوهليل بس مربط بالصرار
|
مالك لواااا يابو خالد
|
الأخ سعد رجاء الوكيل الشرعي عن وجودك يكفي الله يسعد مساءك ومساء الجميع بكل خير. عندي رمعة سماوية ...وش رايك بالمنطاد أو بالصندوق الأسود |
حياك الله يابو عزااااااام ويهلاء وغلاء
اما بخصوص رمعتك فمالك لواااااااا خيرها انشالله ابغيرها |
صح السانك
نقول السد سد المياة |
اقتباس:
والرمعه مالك لوا |
صحت ابدانكم جميعا واشكركم على التواجد الرائع
واشكر ابو مشاري على المتابعه وأقول بيض الله وجهك وانا اخوك |
حياك الله ياوجودك وباعلمك بسالفه مع وكيلك اتصلت عليه بعد رمعه في لغزك اساله هل صحيحه
اوغير صحيحه سالني وش الرمعه علمته قال سكر الجوال الان حالن يجيك الخبرالمهم تخيلت ان الاجابه صحيحه وكنت انتضر صح لسانك ولاكن تفاجات واليا هو يقولي ابو هليل مالك لوا فحقيقه وكيلك هذا ماسك كلمة مالك لوا وهاالحين جابك الله وفكنا الله من وكيلك انت على الاقل تساعدنا رمعه قريبه رمعه بعيده لين الله يجيبه |
هلا بك يابو هليل وحياك ربي يالغالي والوكيل ليقيت ابو زياد موصية يقول لاتقرب يابو مشاري
وهالحين بقرب لكم ولكن بعد التقريب لازم الرمعه يكون معها شرح كامل على الابيات عشان أرتاح من الشرح بعد الجواب الصحيح وابشر بالتقريب يابو هليل انت والاخوان ولكن بشرط إذا رحت أنت وابومشاري وابوطلال تصيدون جرابيع تاخذوني معكم الجواب وانا اخوكم مذكور في القرآن الكريم والربط مذكور في القرآن بصريح العبارة شدوا حيلكم يالربع ابو هليل برسلك رسالة خاصة آخذ رايك بلغز ومثل ما قلت لك بأني استفدت منك كثير وفكرة اللغز أقتبستها منك ياستاذي القدير |
ابشر ياوجودك خوتك تنشرا انت وابو طلال وابو مشاري
|
حياك الله ياوجودك والموقع منور بوجودك
والحقيقة ماقصرت الله يجزاك خير قوله تعالى : { وأصبح فؤاد أم موسى فارغا إن كادت لتبدي به لولا أن ربطنا على قلبها لتكون من المؤمنين } . قوله : { فارغا } فيه ثلاثة أقوال : الأول : فارغا من كل شيء ، إلا من ذكر موسى عليه السلام . الثاني : فارغا من وحينا يعني بسببه . الثالث : فارغا من العقل ; قاله مالك ; يريد امتلأ ولها ، يروى أنها لما رمته في البحر جاءها الشيطان فقال لها : لو حبسته فذبح فتوليت دفنه ، وعرفت موضعه ، وأما الآن فقد قتلته أنت . وسمعت ذلك ، ففرغ فؤادها مما كان فيه من الوحي ، إلا أن الله ربط على قلبها بالصبر . |
منور بوجودك يابو زياد
صح لسانك يابو زياد وبيض الله وجهك وانا اخوك وجوابك صحيح الجواب هو قلب أم موسى قال تعالى : )واصبح فؤاد أم موسى فارغا" إن كادت لتبدي به لولا أن ربطنا على قلبها لتكون من المؤمنين( سورة القصص آية 10 الشرح انشدك عن رجل مربط وهو حي قلب ام موسى ربطه الله وهو على قيد الحياة والمعنى واضح من الايه ولو مانربط يمدية بانت علومه قال تعالى : )إن كادت لتبدي به( كادت ان تكشف سرها وسر موسى عليه السلام لو لا أن ربط الله على هذا القلب من كل شي فاضي ومليان من شي مذكور في الآيه أن القلب فارغ وقال العلماء في معنى فارغ أي فارغ من كل شي إلآ من موسى عليه السلام واصبح مربط والبشر ماتلومه واضح من الايه وبداية الشطر نفس بداية الآيه والمعنى واحد الشطر الاخير للتوضيح وتحديد ماهية الجواب المطلوب في داخله سايل ولايعرف المي=وإن كان تبغى العلم قد جاه يومه الدم في وسطه ولايعرف المي=وإن كان تبغى العلم قد جاه يومه هذا شطر كنت حاطه أول ماكتبت اللغز القلب بداخله دم وليس ماء وقلب ام موسى قد جاه يومه بيض الله وجهك يابو زياد ولآ هنت أنت وجميع الاخوان إللي شاركوا تحيتي وتقديري |
صح لسانك يابو زياد وصح لسانك ياوجودك وبيض الله وجيهكم والحقيقه اني ضحكت من رمعتي بالغز انا وين والغزوين مشكور ياوجودك التمعن في كتاب الله مطلب من كل مسلم وهذا توجرعليه الله لايحرمك الاجر
|
آمييين يارب العالمين
وصح بدنك يابوهليل وبيض الله وجهك وانا اخوك |
صحة السنتكم جميعا
ومثل ماقالواالربع انشهدن الملتقى ابكامله امّنور ابو جودك ياوجودك يكفي اخ غالي وعزيز ومثلك ينشفق على وجوده تقبل مني كل ود وحترام وتقدير وتستاهل |
منور بوجودك يابومشاري واشكرك على مشاعرك الطيبه وبيض الله وجهك وانا اخوك
تحيتي وتقديري |
الساعة الآن 04:58 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir