|
تهمنــــي أرائكم
السلام عليــــكم ورحمة الله وبركاتة أخــــواني الأعزاء وتاج راسي حرررررب جتني قصيــــدة من زميل عزيز من قبيلة عتيبة ورديـــت عليــــها ويهمني رأيكم فيما كتبتة وهل هي بالمستوى المطلوب القصيدة الموجهة لــــــي .. سلام يانسل الرجال الكريمين راع الوفا والطيب راع الحميه .... حرن ولد حر كفخ بالجناحين طار وتعلا مع طيورن عليه .... قرم ٍ كريم ون رجالٍ مسمين من لابتن يوم اللقا صيرميه .... مرحوم ياعود ٍعلى العز والدين رباك تربية الاسود الابيه .... واللي على دربك خلافك بعيدين حتيش لو ارخو حبال المطيه .... وتبقى على طول الزمن توفي الدين ولا الردي دايم يبور بخويه ..... جيت أتشكوالك جفا كامل الزين نجل العيون اللي خدوده نديه .... مثله على وجه الدهر مابه إثنين يبقى لحله كاسبله مزيه ..... قفت لها سبعن وسبعن ويمين ومن قبلها كانت تغلا عليه ..... ولا فدني حبي لها يالميامين وتحسب على بالحب هذي خطيه ..... واليوم نبغا الحل شفقا وعجلين والوضع مزري ياحميد السجيه .... وسلمت ودمت ياطويل الذراعين وهذا لك مني سلام وتحيه ــــــــــــــــــــــــــــــــــــــــــــــــــ ـــــــــــــــــــــــــــ وهذا ردي عليها تعداد مالبا حجيج ٍ ملبين وتعداد من كبر بعيد الضحيه ..... وتعداد ماصلى جموع المصلين بالمسجد الاقصى ومسجد نبيه ..... يامرحبا يالوافي إبن الوفيّــن يامرحبا باللي لهم مقدريه .... يامرحبا بالصاحب اللي له سنين غلاه يزود بكل صبح وعشيه .... ترحبتن ماتصرف إلا لغالين يامرحبا ترحيبتن ""حجرفيــــه"" .... أزكى من زهور النفل والبساتين واحلى من الصافي بوسط الخليه ..... أرسلت لي ألماس غالي مثامين منقوش فوقة ختم "راعي ضريه" ..... البارحه قلبي غدى بين همين هم الصحيب وهم روحن شقيه ..... ياقلب خل هموم روحك لبعدين خل الفكر لفكاره العالميــــه .... خله يجيب حسابها بالموازين يرسم طريق الصح ميه بميه .... لعيون أبو هزاع تكفين تكفين يافكار نبغا حلولك الجوهريه .... واليوم هذا يومك إن كان توحين فزعتك ليه كان عندك حميه .... ثم قامت وحطت يسار بيمين وصدت وقفت ثم ردت عليـــه ..... "مادامها ماهي قضيه فلسطين نلقا لأبن هزاع حل القضيه" ... يمكن دلعها حاس كل القوانين ويمكن ظروف الوقت ماهي صريه .... حاول بها مره ومره وثنتين لابد تلقا قلوب الاحباب حيــــه .... وإن كانها قفت مع اللي مقفين ماضنتي خاطرك يرضى بذيه أتمنـــــى أن تعطوني رأيكم بكل شفافية فأرائكم تعني لي الكثــــير |
صح لسانك مليون على القصيده
والله يـعـطـيـك الـعـافيـــــــــــة بيض الله وجهك |
رد وافي من رجال وافي صح لسانك وبيض الله وجهك وتقبل مروري .. |
صح لسانك يالعمري الحربي و صح لسانك العتيبي
و بانتظار جديدك |
لاهنت يالعمري
وبيض الله وجهك لي عوده |
تسلم وبيض الله وجهك والسامعين عزالله انك رديت رد شافي وكافي
|
صح لسانك يالعمري الحربي و صح لسانك العتيبي
و بانتظار جديدك |
طلبت الراي وهذا رايي
قصيده ترقى الى مستوى جيد وليس عليها اي ملاحظة جوهريه واقول صح لسان تمام عليك |
العمري
صح لساانك وبيض الله وجهك على هذه الجزاااله ولاهنت على هذه الرااائعه لست نااقد ولكن قصيده رااائعه وجميله ننتظر جديد ابدااعااتك ومشااركااااتك وياهلا بك ويامرحباااا ملايين |
اقتباس:
الحب الباقي ..صح بدنك يابن العم وشرفني مرورك |
اقتباس:
الله يسلمــــك ياعبدالله وصح بدنك شرفني مرووووورك |
اقتباس:
صح بدنك ياحميدان وأبشر طلباتك أوامر شرفني مرورك |
اقتباس:
الله لايهينك يالعوووفي وبيض الله وجهك وأنتظر عودتك مجدداً شرفني مرورك |
اقتباس:
القلب الأبيض : الله يسلمك من عذاب النار أميـــــن شرفني مرورك |
اقتباس:
صح بدنك يالحنيني شرفني مرووورك |
اقتباس:
يامرحبا فيك وفي راااايك ويعلم الله إني أريـــــد النقد الهااااادف ويسعدنـــي ذاااالك يابو خاااااالد أبو خاااااد سُعدت براااايك |
اقتباس:
صح بدنك والله يسلمك من عذاب النار ياناهس شرفني مرورك |
صح السانك وبيض الله وجهك
ردك وافي ونت وافي وصح السان الشاعر العتيبي وبيض الله اوجيهكم جميعا تقبلا تحياتي |
اقتباس:
الوافي أنت يابن رجاء شكراً لمرورك وتعليقك |
صح لسانك وفيت وكفيت
ياعمري |
اقتباس:
صح بدنك ياخوي سعد شرفنـــي مرورك |
اخوي الغالي العمري حربي صح لسانك ولسان العتيبي وبيض الله وجيهكم ادام الله عليك الصحة والعافيه وتقبل تقديري واحترامي |
اخر بيت بالقصيده الاولى مكسور
والمبنى عادي والمعنى تقليدي اما القصيده الثانيه فهي اقوى وبها ومضات شعريه ممتازه وخاليه من الكسور وصح لسانكم جميع |
الساعة الآن 01:09 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir