يامذاخير الحمية كل ساعة وكل يـوم= يافخر للديرة اللـي تفتخـر بعيالهـا
والله أنـي ... مانظمـت الشعـر زوم=ولا تحاقرت الرجال ولا أذم أفعالهـا
من بنات الفكر أبني واتلمح بالنجـوم=واتعزوى في القبيلة وأفتخر برجالهـا
جيت البِّي في طلبهن بعد جنِّي يالقروم=واحتسيت الدلة اللي كايـفٍ فنجالهـا
ساقها الله شاذلية يوم رميات السهـوم=ومن تجيه الشاذلية كيف يلطـم فالهـا
ويشهد الله إني ماحسبت حساب بُـوم=بُومةٍ تغدي وترجع ما أحدٍ يصحالهـا
لكن أحْسِب للنشاما يامعاقيـل العلـوم=الرجال اللي تحل ولا تعَقْـد حبالهـا
والبحور الدودمية من سبرها مايعـوم=شالت اللي بالحمولة وشالت اللي شالها
وفي البداية والنهاية غير ربي مايدوم=والسحــابة اللي سديدة تستهـــلِّ خيالها

بوح جميل صح لسانك