|
(807) اقرب وانا بنشدك ياذيب الالغاز محلول (حبل ممسد) من سعد ووجودك يكفي
كتبته اليوم وان شاء الله يحوز على رضاكم ياعشاق الالغاز
واللغز للجميع يقول:
اقرب وانا بنشدك ياذيب الالغاز=وعطني خبر رجال مشهور ذكره من فوق عنق البنت ماهوب منحاز=والبنت لرجال ياذيب تكره كل السبب من فعلها يوم ماجاز=وصارت لكل الناس قصه وعبره والبنت اروى رجلها العود مافاز=طول الدهر خاسر ولو طال عمره |
صح السانك
وسلم فكرك وبنانك |
صح بدنك يابو خالد ولآ هنت يالغالي
|
صح السانك ياوجودك يكفي وبيض الله وجهك
جزل ودايم تجيب الجزل يراع الجزاله اشكرك على عطائك المتواصل 00 ياملك الحلول 0 وتستحق ذالك اللقب ونشكر ابو هليل على اعطائك ذالك اللقب والشاهد كثرة حلولك للغاز ولايهونون الربع وجااااااري التفكير |
صح بدنك يابو مشاري وبيض الله وجهك وماعليك زود وانا اخوك
وشهادتك وشهادة ابوهليل وسام على الصدر واللقلب يعلم الله إنه على القلب غالي لانه من الغالي ابوهليل وكل الاخوان غالين وعسى تواجدنا يبيض الوجه ويرضيكم ويليق بمستواكم الراقي والمميز جااااري الانتظار يابومشاري |
الاخ : وجودك شرف لنا
صح السانك على بناء هالغز الجزل ويش رايك ( بالوسم على المطيه ) |
هلاااابك ياذيب المضيح الغالي
وصح بدنك وانا اخوك والرمعه مالك لوا... |
صح لسانك ياملك الحلول وبيض الله وجهك وهذا وزنه ثقيل الله يعين عليه
|
صح بدنك يابوهليل وبيض الله وجهك يالغالي
وبإنتظار رمعتك الذابحه وانا اخوك |
شكراً على بني هالغز الجذاب الذي دعاني واقفاً محتار
ولاكن مارايك ( بشعر راس مرة ايوب يومنها باعته وصدر امر الاهي بضربها بموجب طلب زوجها ومن هنا حلل ضربهن ولاكن بحاجه لاتضرهن ) تــــــحــــــــــــيـــــــــــــــاتـــــــي |
اشكرك ياذيب المضيح الاول وشهادتك وسام على الصدر
واتمنى يرقى لذائقتكم والرمعه مالك لوا ياذيب المضيح الغالي |
صح السانك على هلغز
وشرايك في بعض انسا يصير في وجهها شعر |
صح بدنك يابو هاني
والرمعه مالك لوا .. وانا اخوك |
ياوجودك والله ان اكثر وقتي على لغزك لاكن يعلم الله مالقيت الرمعه الي اشوف انها قريبه وانا متاكد من لغزك ان حله وارد الف بالميه بس ياليت شرح الشطر الاول من البيت الرابع ولاعليك امروسوال اخير هل القصه والعبره بالقران
|
ابو هليل انت تأمر أمر وانا اخوك
وبالنسبه لشطر الاول من البيت الرابع يابو هليل لو أشرحه ينتهي اللغز وثق ثقه تامه إن شرحي له يعتبر حل للغز وإذا ودك يالاستاذ اشرحه قلي وانا حاضر وبالنسبه لجواب اللغز يابوهليل معروف اسمه لدى الجميع ولا يجهله أحد ابدآ بإنتظار ردك يابو هليل عشان تعطيني التعليمات وتصدر الاوامر هل أشرح ؟ أو ما أشرح؟ |
الشرح الي يفضح الغز مابيه ويبي الله يعين عليه
|
اقتباس:
وبإذن الله تتوصلون لحله وترى الجواب معروف لدى الجميع |
صح لسانك يا ملك الحلول وخي وجودك يكفي وش تقول في ( الرحاله وصواع الملك ) طبعا قصة اخوة يوسف
عليه السلام |
اقتباس:
وجودك يكفي الله يعطيك العافية ...عندي رمعة ٍ شاطحة وش رايك ( بالوكاء للقربة) والمثل يقول يداك أوكتاه وفوك نفخ |
اقتباس:
والرمعه مالك لوا.. وانا اخوك |
اقتباس:
والرمعه مالك لوا.. وانا اخوك |
صاحب الغز الصياغه سليمه صح لسانك
التعليق بعد الحل تقبل تحيات راع الذود |
اقتباس:
صح بدنك ياراع الذود والله يحييك أنت وتعليقك قبل الحل وبعد الحل والنقد الهادف والبناء استقبله بكل صدر رحب وهلا بك في أي وقت يالغالي |
ياملك الحلول وشرايك المصباح والزجاجه يقول الله سبحانه وتعالى اعوذبالله من الشيطان الرجيم الله نور السموات والارض مثل نوره كمشكوة فيهامصباح المصباح في زجاجه الزجاجه كانها كوكب دري يوقد من شجرة مباركه الى اخر الايه صدق الله العضيم
|
اقتباس:
رجال على عنق البنت ومخصص لها دون غيرها والبنت تكره الرجال والسبب في جيته على عنقها لأنها فعلت اشياء ماتجوز والبنت صارت لكل الناس قصة وعبره والكل يعرفها والبنت اروى رجلها العود مافاز = طول الدهر خاسر ولو طال عمره |
الأخ وجودك يكفي ...الله يعطيك العافية نخلت مخنا نخل راحت خلايا المخ مثل لقاط الحب
وش رايك بختم السابقة (السوابق ) على السيرة الذاتيه وصور أصحاب السوابق |
اقتباس:
أروى وانتم تعرفونها وتعرفون رجالها الخاسر والخايب وتعرفون الرجال إللي على عنقها الحين عرفتوا اسم البنت ابغا اسم الرجل إللي على عنقها وبما إني أحبكم وماودي يصير لخلايا المخ شي يثر عليها وعشان ما ألحس عقولكم الليلة في آخر الليل إذا ماتوصلتوا لحل اللغز بحط الحل لكم وأجاوب على اللغز اهم شي اخوياي ماتضرب فيوزاتهم ههههه تغشيش بدون ما أحد يدري ترى الجواب موجود في سورة من سور القرآن القصيره وكل واحد منكم حافظ السوره تراني ماقلت شي !! |
هي أروى بنت حرب ابن أمية أخت أبي سفيان بن حرب، ولقد عرفت بكونها عوراء وكنيتها "أم جميل" وهي زوجة عدوّ الله أبي لهب وشريكته في الحملة الشرسة التي استهدفت رسول الله صلى الله عليه وسلم، والتي لم تتوانَ فيها "أم جميل" عن استخدام كل الوسائل الممكنة للتنفيث عن حقدها الدفين وبُغضها للإسلام والمسلمين؛ لذلك يمكننا القول: إنّ شخصيتها يمكن أن يستمدّ منها الدروس والعِبَر التي يجب أن تستفيد منها كل امرأة لا سيما نساء اليوم حتى لا يكون حالهنّ ومصيرهن شبيهاً بحال ومصير أم جميل التي بسبب نفورها من الإسلام وإعراضها عن كتاب الله أضحت:
الزوج ابو لهب عليه لعنت الله |
صح لسانك وبيض الله وجهك يابومشاري
اقرب وانا بنشدك ياذيب الالغاز=وعطني خبر رجال مشهور ذكره من فوق عنق البنت ماهوب منحاز=والبنت لرجال ياذيب تكره كل السبب من فعلها يوم ماجاز=وصارت لكل الناس قصه وعبره والبنت اروى رجلها العود مافاز=طول الدهر خاسر ولو طال عمره قال تعالى : )وامرأته حمالة الحطب ¤ في جيدها حبل من مسد( الرجل المطلوب هو ))حبل من مسد(( على جييد وعنق أروى بنت حرب ابن اميه أمرأة ابولهب العود الخاسر والخايب والحبل مخصص لها وليس لغيرها وأروى تكره الحبل لأنه من مسد جهنم كل السبب من فعلها يوم ماجاز لأنها كانت تؤذي الرسول صلى الله عليه وسلم وتضع الشوك في طريقه وتعين زوجها على التصدي لدعوة الرسول صلوات الله وسلامه عليه وأمرأة ابولهب قصتها معروفه لدى الجميع واصبحت عبره للناس ولمشركين قريش الذين كانوا يؤذون الرسول صلى الله عليه وسلم البيت الأخير مايحتاج شرح لأنه شارح نفسه كل الشكر للأخوان إللي شاركوا واقول الله يعطيكم العافيه ولكم ودي واحترامي ودمتم كما تحبون |
صح بدنك وصح السانك وبيض الله وجهك
مبدع يابن ثابت دائما وجزل ولايجي منك الا الجزل يراع الجزاله ونا طالبك طلب ودري اني عندك غالي ماتقول لا اللغز اللي حله انت بلا شك ولا ريب وبكتبه باسمك 0 لانك انت اللي حليته انا متئكد انك قلت تم |
انت غالي بلا شك أو ريب ولكن وين يروح جوابك
الجواب بأسمك ومافيها جدال وانا اخوك |
الاخ وجودك يكفي اشهد شهادت حق ان الغز هذا وارد ولاعليه مدخال من كل النواحي واي شخص يعارضني يطبق الحل الي هو حبل المسد على ابيات الغز من اول بيت حتى اخر بيت وسيجد انك ابدعت بالوصف الشطر الاول من البيت الرابع فاضح الغز كما قلت لي عندم سالتك عنه ولاكن الفكر عجز عن ادراكه ياوجودك انت مبدع دايمن وكلامي هذا ليس مجامله لشخصك لانني لاعرفك شخصيا عرفتك من خلال ماتكتب تقبل شكري وتقديري على هذا الابداع اخيرا سلمت من كل مكروه وطول الله عمرك على طاعته
|
بيض الله وجهك يابوهليل وشهادتك أرفع راسي بها عسى عمرك طويل وربي يحفظك ويسعدك في الدنيا والآخرة
احترامي |
اقتباس:
أخوي وجودك يكفي ..أشكرك على المعلومة أولاً ..والله إنني أول مرة أدري إن إسمها أروى وهذه معلومة من فوائد اللألغاز ..وصح لسانك ولسان أبو رجاء الحصني على إكمال المعلومة |
الساعة الآن 11:39 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir