|
رقم(804)ابو عزام اقرب=محلول الاكسجين والهيدروجين = من ابوعزام بيض الله وجهه وصح لسانه
ابو عزام والكلام للجميع اهلا وسهلا وهذا لغز جا ينتقم للثنين اللي
ذبحهم ابو عزام مع بعض نقول وعمر السامعين يطول:.
انا سوالي عن ارجال مهمين = متناقضين بفعلهم عن بعضهم فيهم حياة وموت فيهم غريبين=ولافيه من يقدر يجيك بعوضهم انواعهم متعدده يالفهيمين= وليا مرضوا كل مرض من مرضهم في وقتنا الحاضر بعضهم مساجين = والبعض شفته للتجاره عرضهم لكنهم في كل حاله مفيدين = حتى مع المرضى يفيد بمرضهم |
صح لسانك يابوخالد
لغز جزل الله يعطيك العافية |
الله يعافيك يا بوزياد لكن ساعد ابو عزام
|
صح لسانك يابو خالد الجزل عاداتك
|
صح يدنك يابو هليل ماعليك زود
|
صح السانك يا ابوخالد هاذا نقل ثقيل
جاري التفكير |
صح لسانك يا ابو خالد ويستاهل ابو عزااااام وش تقول طال عمرك ومن يقراء في ( الخلاياء او الأعضاء )
بيع اعضاء الجسد |
صح بدنك ياسامي ومالك لوى
|
اقتباس:
وشرايك في السنان |
اقتباس:
صح بدنك يا بوهاني ابو عزام الليله جلد الالغاز ومشى الله يستر عليه لكن كلما ماجاء ابا نطحه بلغز لين يقول بس ويقضي الفشق من عنده |
ليا صاب عقب الرمح ما خطا سنانه مالك لوى ياراع السنان
|
ابو خالد عندي رمعة كانها ما قلشت هي جابته وش رايك في ( بعض مشايخنا في هذا الزمان فتاواهم متفاخته ـ
وبعضهم يجون بالقنوات لأجل المادة ( طبعا بعضهم ليس كلهم ) |
والله انه لغز ايحير كل ماقلت رمعة والى البيت الثاي مايركب عليها
لكن وش رايك بكريات الدم |
سامي الفكر
عبدالله الفريدي الرمي سما واللغز حتى غبرة العباريد ماشافها |
اقتباس:
أبو خالد الفريدي ..بيض الله وجهك على هاللغز ...وأنا قلت لك لياهبت هواك أذر ..وأنا البارح هابة هواي ..ولكن ماكل يوم ٍ لنشاما عيد ... اللغز طيب وتوي دخلت .. وش رايك بأسلاك الكهرباء الزايد والناقص |
الله يجعل هواك هابّت دايم وعزك دايم والرمعه ماصابت
هذالغز مجود ومحصن ومغلف ومربط من الالغاز المكوبعه اللي يشره عليها الرجلي وتتعب الخيال |
اقتباس:
أبوخالد الله يجزاك خير الجزاء على الدعاء ولايحرمك منه. وهذي رمعة إن شاالله ماتخيب ...وش رايك بالغازات الموجودة بالجوا مثل الاكسجين والهيدروجين والنيتروجين وغيرهم. |
والله يابو عزام ان هالغز اشغلني البارح ولالقيت الرمعه الي تركب لاكن رمعتك الاخيره عزالله انها فالصميم وانا معك في هالرمعه والعلم عند ابو خالد
|
صح السانك
يا ابو خالد والله يعينك يا ابو عزام |
السلام عليكم جميعاً
ابو خالد صح السانك وبيض الله وجهك والله اني ماني اطيب من الربع اللي ارمعو باللغز لاكن اللغز رمعه مثل ماقيل وعندي رمعتين الاولى ويش رايك في الفتأمينات بانواعها والثانيه وشرايك بالدم وفصايله لو ان الفصايل مؤنث لاكن على الله وسلامتك |
اقتباس:
أنا البارح سلطني الله على ألغاز أبو خالد من قرادتي .. ولادريت إنه محتسيني البارح طلعت الساعة 10 واليوم الظهر لقيت الرجال مقلطني على مثل ماتشوف عينك لغز مسكرة ٍ بيبانه عليه معونة من الله. والله يعطيه ويعطيك ويعطي أبوخالد الحنيني ويعطينا جميعا ً العون . |
لايهمك يابوعزام ان كان رمعتك ماذبحته بشايت الله غير نذبحه بس بعد مانسمع ردابو خالد
|
صح لسانك يابوخالد
هذا والله العلم يالربع يابا الله يجيب حله يابو عزااام لو حصنه ابو خالد ومنع عنه الهوى وننتظر رد ابو خالد على رمعتك الاخيره وإن شاء الله مايقول بقشت جااااري التفكير وفيه شطر يخليني اقول اعضاء الانسان أو البطين الايمن والبطين الايسر والاذين الايمن والاذين الايسر أو الشريان والصمام |
اقول مافيك حيله يابو عزام كسرت التحصينات كلها
رمعتك صح يالذيب واللغز مات وانت عجزت عنك مار ابا اعود وادور غيرك خص هاللي تنادوا على لغزي |
صح لسان الأرطبون ابوعزاااام ماشاء الله عليه
وصح لسانك يابو خالد |
ايوالله صح السانك
يا ابوخالد وصح السانك يا ابوعزام وافين لاهنتم |
اقتباس:
والله أنا أقول صح لسانك يابوخالد الفريدي على هالحبك والسبك وضبط الوسط والزوايا واختراع فكرة اللغز ورسم الكروكي للتصميم والإنتاج الذي تميز به إبداع أبوخالد المميز ...والحمدلله إن ماحله غيري دام عنوان اللغز يخصني أبوعزام اقرب..والله يعافي الجميع ويعافيك يابوخالد وجيب غيره ونحله.. |
اقتباس:
صح بدنك أخوي وجودك يكفي ولاعليك زود ياملك الحلول. لكن حبيت أسألك ماذا تعني (الأرطبون)؟ |
صحت السنتكم وبارك الله فيكم يالنشاما
والحقيقة لغز قوي لكن ماشاء الله عليك يابوعزاام |
سألتني يابوعزااام عن معنى كلمة الارطبون وبما إن اللغز محلول فحبيت اطرح قصة قصيرة لأرطبون العرب عمر بن العاص رضي الله عنه
الارطبون معناها الداهيه القصة بإختصار وماودي أطول عليكم: عندما وصل عمرو بن العاص الى الرملة في بلاد الشام وجد عندها جمعآ من الروم عليهم الأرطبون ) والمقصود بالأرطبون عندهم الداهيه( وكان أدهى الروم وأبعدها غورآ وأنكاها فعلآ ، فكتب عمرو بن العاص إلى عمر بن الخطاب بالخبر ، فلما جاءه كتاب عمرو بن العاص قال أمير المؤمنين: قد رمينا أرطبون الروم بأرطبون العرب فانظروا عما تنفرج. وكانت الروم في حصن منيع وجيش المسلمين محيط بهم فبعث عمرو بن العاص الرسل إلى الأرطبون ولكن لم تأتي بشي يشفيه فتولى عمرو بن العاص الأمر بنفسه فدخل على الأرطبون كأنه رسول فأبلغه مايريد وسمع كلامه وتأمل حصونه حتى عرف ماأراد، وقال الأرطبون في نفسه: والله إن هذا لعمرو بن العاص أو إنه الذي يأخذ عمرو برأيه، وماكنت لأصيب القوم بأمر هو أعظم من قتله، ))لأنه أعجب بعمرو بن العاص كثيرآ(( فدعا أحد الحراس فخالاه وقال إذهب في مكان كذا وكذا فإذا مر بك فاقتله. ففطن عمرو بن العاص ، فقال للأرطبون: أيها الأمير ، إني قد سمعت كلامك وسمعت كلامي وإني واحد من عشرة بعثنا عمر بن الخطاب لنكون مع هذا الوالي لنشهد أموره وقد أحببت أن آتيك بهم ليسمعوا كلامك ويروا مارأيت. فقال الأرطبون : نعم ، فاذهب فأتني بهم ))لكي يقتل العشرة(( ودعا الأرطبون رجلآ فخالاه وقال إذهب إلى فلان وقل له لا تقتله فقام عمرو بن العاص فذهب إلى جيشه ثم تحقق الأرطبون أن الرسول الذي كان عنده هو عمرو بن العاص فقال : خدعني الرجل هذا والله أدهى العرب وبلغت عمر بن الخطاب هذه القصة فقال: لله در عمرو بن العاص |
الساعة الآن 08:09 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir