سلام يانومـاس راسـي وتاجـه=سيفي يابو مشعل ياعلـي الهليـل
يقولها اللي فيك وصفـة علاجـه=من واقع المعقـول ماهـو تخيـل
وجهك يبشـر بالسعـد بالمواجـه=على النقى ماهـو بزيـف وتحيـل
اليا جيت له مرفوق يضحك حجاجه=كلمة هـلا والعـود قـدم المهيـل
تدري وش اللي لك على أقل حاجه؟=بعيونـي الثنتيـن ماأنتـه قلـيـل
واللي يبي يرفع علـي إحتجاجـه=اقـول عـرق الراك ياعـرق ثيـل
بعض المجامل يابو مشعل سماجه=ماأخيـل بـرقٍ ناوتـه ماتسيـل
والصاحب اللي أدراه مثل الزجاجه=لابد مـن يـومٍ يجيـب الحصيـل
قلبي على فرقاه ماأعلـن خلاجـه=جعله ثلاث إميه جنـوب السليـل
بجوٍ خلى بس يتصافـق عجاجـه=يمسي ويصبح مثل غـزوة عقيـل

زيد مبشر الحصني

يا مرحبا يا موت راع العواجه=درة بحر راع العقال المميل
اعداد ما صفَق ثعول الزراجه=ودان هملول السحاب المسيل
او عد ما يرعف على الطرس زاجه=ما لاح نوضه من دواة المخيل
يابو فهد توجتني ما نتاجه=تشريف حاكم نجد لابن سبيل
من عقلك الراجح ونفس هجاجه=شعر باسم زيد المبشر تذيل
شعرك يعوض المستمع باللجاجه=ومادك مع الشعار ما ينتكيل
واللي لها مده حبيسة دراجه=ينوَج شذاها كل ما جى يقيل
لاشاف تاليها تعكر مزاجه=وان شاهد اولها تقول يتويل
بعني بسوق ما يخارج خراجه=بالشمس والاَ في براد الظليل
ما فيه ضيق الاَ يجيه انفراجه=لو قيل لي بعض الصدور متتيل

المشاركة الأصلية كتبت بواسطة ابن هليل (المشاركة 701895) شعراء كبار ومعاني يطرب لها البال تحياتي لكم ولما تكتبون

المشاركة الأصلية كتبت بواسطة عيسى العوفي (المشاركة 701968) قلبي على فرقاه ماأعلـن خلاجـه جعله ثلاث إميـه جنـوب السليـل لاوالله اللي قلع سربه هههههههههه صح لسان الشاعر زيد مبشر . شاعر كبير وانا اشهد انه اسند على شاعركبير ماقول الا صح لسانك يابو مشعل لين ترضى ولاتطول علينا بجديدك أنت... شعرك يعوض المستمـع باللجاجـه ومادك مـع الشعـار مـا ينتكيـل

المشاركة الأصلية كتبت بواسطة مرسى الثقال (المشاركة 702232) صحت السنتكم جميع الشعارقصيدتين جزلات

المشاركة الأصلية كتبت بواسطة نداء الغيداني (المشاركة 702286) صح لسان الشاعر الكبير زيد على هالقصيده الجزله الجميله ولاهي غريبه منه لانه شاعر متمكن وقد اسندها على شاعربنفس الحجم وقد ردعليها بنفس القوه الصراحه مثل هولاء شعار كبار ومتمكنين بانتظار جديدهما الممتع دائما0 تحيتي

[table1="width:95%;"]