خلو الشاعر يباري للنسايم = اكثر التحطيم يذبح للقريحه
والزعل يوجد مع الشعار دايم = واكثر الشعار نيتهم صريحه
شاعرن يزعل ويحرق بالعمايم = وشاعرن يزعل وترضيه بذبيحه
وشاعرن شغله متابعت الولايم = ومن نساه يقول يالله لا تبيحه
يدحم الشعار وعلومه صتايم = مايميز وش مليحه من قبيحه
مايميز بالوسوم وبالوسايم = لاسمعته خير من شعره قحيحه
شغله الترديد لبيوت قدايم = ملو الحضار من حمضه وشيحه
وشاعرن يدعم جهوده بالعزايم = طيب المنهاج وعلومه فليحه
لانفاق ولا غرور ولا نمايم = ولو يطيح الشعر يزعل من مطيحه
لا يعيل ولا يفطر كل صايم = ولا يمد الناس بالكف الشحيحه

المشاركة الأصلية كتبت بواسطة عيسى العوفي (المشاركة 695587) والزعل يوجد مع الشعـار دايـم واكثر الشعـار نيتهـم صريحـه انا انشالله نيتي صريحه لكن لو زعلت ترى الذبيحه ترضيني ههههههههههه صح لسانك يابو فارس انت شاعر جزل ومدرسة للشعر وشاعر محاوره معروف لكن حنا ياهل تبوك زعلانين عليك لأنك ماتجي في تبوك زي اول مادري وش السبب؟؟؟

اكثـر التحطيـم يذبـح للقريحـه

صح لسانك يابوفارس

تشرفت بطلاعي على هذه الابيات الرائعة

وتقبل تحياتي واحترامي

المشاركة الأصلية كتبت بواسطة عبدالله عتيق الحنيني (المشاركة 695804) قصيده جزله ووافيه صح بدنك على ما نظمت يا شاعرنا علي الحصني اقولها بدون مجامله

[marq]
صح لسانك

مليووووووووووووووووووووووون

مدري وش اقتبس كلها مليانه

اولها شعر واوسطها جزاله واخرها ابداع

مودتي
[/marq]

صح لسانك على القصيدة الرائعة

وصف جميل وباسلوب رائع