|
امشي بحد اديار حرب الصناديد = واقول انا بديارهم ماعليه
السلام عليكم ورحمة الله وبركاته هذي ابيات كتبتها وبدايتها اتصل علي رفيق لي من الجماعه اول ايام العيد قال انت وراك ماجيت مع حامد ومزيد وهذولا من الجماعه معي بالعمل للديره والجماعه كلهم موجودين وحبيت اشارك معكم والعذر لاما جازت لكم
عني مشو واستاحش الصدر ياعبيد=والدار بعد الي سكنها خليه حامد مشى عني وخلاني مزيد=وانااستلم ضابط خفر بالسريه و اجازتي يومين من ثالث العيد =ماتكفي المشوار روحه وجيه نويت اغيب وخايف من المناقيد =وبغيت اوكل ماربار بيديه والا حرام اني عن الربع ماحيد =وربيع قلبي شوفة اهل الحميه وربيع قلبي شوف وضحً كما الحيد =ترعى ديارً بالفعول محميه حامينها من قبل غزوات ابو زيد =ومن قبل لاتفرض علينا الهويه حامينهايومنها بالبواريد= يوم العزاوي تحتمي كل هيه ياغطرفة مياسة القد والجيد =لعيونها طبو بسوق المنيه لذل في يوم الوغا كل رعديد =مابالحروب الي عزومه رديه اشوش لا طبيت في وادي قديد=واطنخ شجاعه يوم اناضر طميه امشي بحد اديار حرب الصناديد = واقول انا بديارهم ماعليه اشم ريحة هيلهم بالبغاديد = والعود الازرق ما خلط جاونيه واسمع سوالفهم علوم وتناشيد =على الوجار الي به النار حيه لا ياعوض من جيته بالمواعيد =من قبل مسياره يزكن عليه يحدد الموعد ويعطيك تحديد = واليا جلس كنه عى ناب حيه هذي علومي لاتنشدت ياعبيد =واقبل من الغشام اجمل تحيه |
اقتباس:
صح السانك وسلم بيانك جزلة يا طويل العمر كفاية انها تحمل اسم حرب تقبل مروري |
بيض الله وجهك وصح لسانك جزلة من شاعر جزلة |
|
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح الله لسانك اوفيت وكفيت |
الشاعر / غشام....
صح لسانك و بيض الله وجهك على هذه القصيدة الجزلة.... و الجزالة لاتستغرب من اهلها .... و بانتظار جديدكـ |
حامد مشى عني وخلانـي مزيـد
وانااستلم ضابط خفـر بالسريـه صح السانك |
صح السانك ياغشام وبيض الله وجهك
دمت بحفظ الله تعالى |
حامينها من قبل غزوات ابو زيـد
ومن قبل لاتفرض علينـا الهويـه كفو وصح السانك يا غشام ومن لا يتذوق هذا الابداع يسمحلي اقول لاذائقه له بمعنى اصح ما يستطعم مليون صح السانك يا غشام |
الاخ الشاعر غشام
صح لسانك وسلمت ودمت وتقبل تحياتي |
لذل في يوم الوغـا كـل رعديـد
مابالحروب الـي عزومـه رديـه اشوش لا طبيت فـي وادي قديـد واطنخ شجاعه يوم اناضر طميـه امشي بحد اديار حـرب الصناديـد واقـول انـا بديارهـم ماعلـيـه اشـم ريحـة هيلهـم بالبغـاديـد والعود الازرق ما خلـط جاونيـه صح لسانك ياغشام قصيدة جزلة الله يبيض وجهك وانت نوماس وعلمك غانم |
صح لسانك اخوي غشام وبيض الله وجهك
وننتظر المزيد من الابداع تقبل مروري |
.. . غشام صح لسانك ملايين شاعر تسبك وتحبك حبكة معلم ياغشام سلم فكرك وبنانك على هذه الباذخه لاهنت يالطيب . .. |
صح لسانك عز الله انك وافي ومجمل وقصيده فيها من الفخر والطناخه الشي الكثير وحنا ياحرب ساس الفخر .. بيض الله وجهك مليوووون ..
|
صح لسانك والله يعينك على العسكرية
|
الشاعر / غشام....
صح لسانك و بيض الله وجهك على هذه القصيدة الجزلة.... و الجزالة لاتستغرب من اهلها .... و بانتظار جديدكـ |
اقتباس:
|
اقتباس:
بخيتان البشري الله يجزاك خير ولي الشرف بتواجدك |
اقتباس:
الله يجزاك خير ولي الشرف بتواجدك |
اقتباس:
الله يجزاك خير ولي الشرف بتواجدك |
الله الله
صح الله لسااانك يا الغالي جزله وسجل اعجااابي تقبل مروري وودي |
اقتباس:
البدراني الله يجزاك خير ولي الشرف بتواجدك |
صح لسانك والله اللي مشو وخلوك لحالك يستاهلون الجزاء
بيض الله وجهك قصيده جميله من شاعر اجمل |
اقتباس:
الاخ حميدان العوفي بارك الله فيه وجزاك الله خير |
اقتباس:
بيض الله وجهك وجزاك الله خير |
اقتباس:
حياك الله يابعيد الشوح تؤمن بالله ان كنت خايف من سكوتك ومرورك مرور الكرام صح بدنك وجزاك الله خير |
الساعة الآن 12:09 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir