متى العرب تصنع الصاروخ والذره=ويرجع للإسلام من عز العرب دوره
وترجع فلسطين لعيون العرب قره=و الشر نمحاه ونهزم امبراطـوره
ونأخذ بثأر الشهيد محمـد الـدره=القصة اللي بتاريخ العرب عـورة
ويبرد بكبدي لهيب ما بـرد حـره=يشتب مع نشرة الأخبـار تنـوره
الظلم من شلة االشـارون يامـره=اعصابة الكفر تلعب بالعرب كـوره
مذابـح مثلهـا التاريـخ مامـره=لا في حديثه ولا في غابر عصوره
يوم نعيشـه كفانـا خالقـه شـره=به كل ساعه تمر توضح الصـوره
ضر العرب وأمة الإسلام من جـره=تبقى الإجابه ورى الأهداف مبتوره
ناس تصب العسل والسم بالجـره=شراذم من يهود الشـرق موتـوره
وناس تبي عزة الإسـلام وتضـره=جهادها عنـه يوقعهـا بمحـذوره
تفتي بقتـل البـري والله ماقـره=لا بالأحاديث و لا به نـزل سـوره
وناس بها تقتدي عن جهل مغتـره=اتنفذ مخطـط الأرهـاب مغـروره
افكارهم مضلله والـروس مفتـره=على شيوخ الضلالات درسـو دوره
يفتيهم مسيلمه وابـو لهـب مـره=وزعيمهم يصدر النشرات من غوره
وثرثاربقبن عليه الدور اخو مـره=والله ان ينشب لسانه وسط حنجوره
يحيا ملكنا وتبقى المملكـه حـره=والفئه الضالمه تمـوت مقهـوره
حنا حروب لنا يوم الوغـى كـره=وقفاتنا مع ولات الأمـر مشهـوره