|
اللغز(712)بنت ٍ لها عينين^^الغز مرفوع ^^
تحياتي لكم جميعاً ... وأطرح لكم هذا اللغز لعلكم تطرحونه
ياويش بنتٍ لها عينين=بعيونها يمشي الرجال عين ٍ لراس الرجل تمكين=وعين ٍ لباقي الجسم مدهال البنت تقسي على القاسين=وتلين باللين ياحلال |
صح لسانك يابو عزام اغدي الله يجيبه قدام يجون البوارديه
|
صح السانك ورمعه علي الطاير
وش رايك بعيون كمرة الجوال |
صح لسانك يابو عزام
رمعه مبدئية ولي عوده السياره وشمعاتها الثنتين أو النظاره الطبيه وعدساتها الثنتين |
وشرايك طال عمرك بالحذيان والا الكنادر تكرم ويكرم المشاهد
|
صح لسان يابوعزام
والله يحييك ويبارك فيك شرفتنا بوجودك الله يزيدك تشريف نشكرك على اللغز الجزل وياهلا |
الأخوان المشاركين الله يصبحكم بالخير جميعا ً ولي الشرف مشاركتم بالمنتدى وبالنسبة لرمعاتكم : جريح الفرقاء -عيون كمرة الجوال مالك لوى وجودك يكفي -السيارة والنضارة مالك لوى أبوهليل- الحذيان كرمتم مالك لوى عبد الله الفريدي الشرف لي كما ذكرت سابقا ونتشرف بوجودكم جميعاً |
عين البصيرة
|
الأخت الكحيلة شكرأ على حظورك ...والرمعة مالك لوا |
1-العدسة المكبرة الي ستخدمها الصاغة وخبرا المجوهرات 2- عدسة البصمات الجنائية 3- عدسة التلسكوب 4-عدسة المنظارالمجهري |
اقتباس:
الأخت الكحيلة أشكرك على مشاركتك الفعالة بملتقى اللألغاز ... وبالنسبة لرمعات مالك لوا |
صح لسانك يابو عزام.. وعندي مريميع بيني وبينك لاحد يدري عنه.. وش رايك في كــاشف الأللغام..اللي يستخدمونه عند البوابات العسكرية.. |
فرز الوغى ... حياك الله وأهلاًبك ومرحبا.... والعلم مثل ماقلت بيني وبينك .. كاشف اللألغام مالك لوا وخيرها بغيرها |
ابوعزااام
وش تقول وانا اخوك في الشرطة او الدوريه أو البدله العكسرية لها عينين عين على اليمين والعين الثانيه على اليسار عباره عن شعار الامن العام والشرطه تقسى على المخالف وتفزع للي يمشي حسب النظام وهذي صورة وحده من العينين http://www.dohaup.com/up/2010-03-02/...2143388188.jpg |
الاخ : ابو عزااام
مسيت بالخير انت والاخوان جميع صح السانك على الغز الجزل ولي عودهـ ان شاء الله |
أهلاً وسهلاً بالجميع ..ويأسفني أخوي وجودك يكفي أن أقول مالك لوا ...وكذلك أختي الكحيلة آسف مالك لوا.. وتقريباً بانت أمامك الرؤيا من بعيد ...وأسعدني مشاركتكم أخوي ذيب المضيح الاول بإنتظار رمعتك ونتشرف بوجودك وصح بدنك |
وش رايك في منظار البندق
|
الكحيلة منظار البندق مالك لوا |
سماعة التلفون لها عينين يمشي بها الصوت
|
والله وجودك يكفي أما الرمعه مالك لوا |
المحالة
بكرة الونش |
صح السانك يا ابو عزام والاهنت على هذا اللغز الجزل ياراع الجزل وارا من وجهت نظري ان الي ما يقول صح السانك على الاقل اوالسلام عليكم يحق لصاحب الغز ان يتجاهل مرماعه لكي يظطر ان يلتزم بها والراي لكم يا الاخوان وانا منكم اتعلم اقصد اول دخول يعني اول مرماع يشارك فيه ماهو لازم كل رد |
وشرايك
بخرزت السبحه والخيط |
الكحيلة ...بكرة الونش مالك لوا أخي أبوخالد ..أولاً الخرزة والخيط مالك عقيد وثانياً: أسعد الله صباحك وأسعد الله مساك ... وكما تعلم من بين الأحباب يسقط الآداب.. وأسعدنا مرورك ... |
على رايك
يا ابو عزام تامر امر |
نداء نداء.... إلى أبو خالد عبدالله عتيق .. الله يصبحك بالخير . دام الموضوع تامر أمر إستلم الأمر ونفذ الله لايهينك .. إستلم كنترول على لغزي ورد على الإخوان .. |
ابشر بغيابك
عندي بحضورك عندك |
اخوي ابو عزااام
والله إني أحس اجابة اللغز قريبه لكن عسى الله يجيبها على البال وانا اخوك ولي عوده بإذن الله إذا صفى الفكر ولقينا رمعه تناسب اللغز وإذا فاتت إجابة اللغز يبقى لنا شرف المشاركة فيه لأن المشاركة معك يابو عزااام بحد ذاتها شرف ومكسب اخوي عبدالله الحنيني بالنسبه لتعليقك على الواجب في أول مشاركة وكلمة صح لسانك أو البداية بالسلام كلامك صحيح وهذا هو المفروض ولكن وانا اخوك إذا صار العكس وش تقول!! يعني إذا أنا كتبت في أول مشاركه صح لسانك وبيض الله وجهك وكان رد صاحب اللغز على مشاركتي ))مالك لو(( حاف وإذا قال إللي بعدي صح لسانك رد صاحب اللغز وقال صح بدنك والله يحييك ورحب وهلااااا سؤالي وانا اخوك هل في الحاله هذي يفضل إن الواحد يقول صح لسانك أو الافضل إنه يكتفي بالرمعه عشان يكون الرد من صاحب اللغز مناسب للمشاركة احترامي |
أخي الغالي وجودك يكفي .. مشاركتك شرف لنا .وبإنتظار الرمعة الصائبة ان شأالله .. وأشكرك على تعليقك على بعض الردود من المشاركين عند ما نقول صح لسانك وأنا ليس صاحب اللغز وأوافقك الرأي تماماً . وأنا من المنتقدين وغصب جاريناهم وقلنا صح لسانك لصاحب اللغز.مع أن المفروض السلام والرمعة وصح لسانك يقولها صاحب اللغز لنميز السؤال من الجواب.وأكرر شكري. |
الاخ : ابو عزااام
صباح الخير واسعدت مساء عذراً لل لله الخيار ثم لك انني اثناء مازهمتني بنداي ان الكومبيوتر يقوله ابني الصغير عطلان ومثلته بالبعير الحرون اخذته على المبرمج والان االوقت الذي اشتغل فيه واستجابتن لاخي ابو عزام ارسل هذه الرمعه ولو انني على استعجال ويش راي اخوي ( بالكلبشه الي لرجلين ) اعاذناء الله وياكم وممكن تكون هذه الصنعه متطوره بكميرات لاعرفهاء سوف اوصل بشيئة الله تحياتي |
اقتباس:
السلام عليكم طرت لي رمعه بس لاتضحكون عليها(فتحات الكبك بكم الثوب) |
أسعد الله مساءكم بكل خير... وآسف على تأخير الرد عليكم ولكن لظروف العمل ... أخواني الأفاضل ذيب المضيح حياك الله والحمدلله على سلامة الجهاز وعودا حميدا.. وبالنسبة لرمعة يؤسفني مالك لوا الأخ الفاضل أبوخالد ... أشكرك على مشاركتك والرمعة مالك لوى لكن تفكير طيب وبإنتضار القادم.. |
اخوي ابو عزااام
عندي رمعه وأظنها سماوية والله يجيب الرمعه اللي أملآ يدي منها واجيك ابها الخيط والأبره تمكنه من فتحتين الزرار او من فتحاتها عند الخياطه الرمعه الثانيه فتحتين توصيلة الكهرب والرجل إللي يمشي بها هو الفيش أو الكهرب |
الاخ : ابو عزااام
اسعد الله مساك وصباحك وعدتكم بمواصلة الرمعات وانشغلة كما تعرف مع الاخوان برمع الالغاز المستفزع عليها ولاكن استلم مني هذه الرمعات عسى ان تصيب واحدهـ منها ويش رايك ( بالشهادتين شهادة الاسلام والشهاده المدرسيه او الصلاه على النبي و صلاة الفرض او المعرفه الذهنيه والمعرفه الارضيه او الذهانه والصحه ) واسمح لي على كثرت الرمعات ولو كانت تدل على ضعف الرامع |
عذراً على التأخير الله يسعد صباحكم والمساء وجودك يكفي : الإبرة والخيط مالك لوا وتفكير طيب ... فيش الكهرباء مالك لوا ذيب المضيح: الشهادتين والمعرفة مالك لوا البنت محسوسة ملموسة وأشكر لكم مشاركتكم |
طيب وانا اخوك
وش تقول في ميل الكحل والعين |
وجودك يكفي : يؤسفني أقول مالك لوا |
|
الساعة الآن 12:59 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
