|
ديوان الشاعر عبدالله عتيق الحنيني
بسمك يا العزيز البـاري=شيدة المعنـى للقـاري على ذوقـي و إختيـاري=وكلش بأمـرك ياجبـار ياكريـم ويـا معـبـود=من جودك كلـن يجـود والخيـر بشكـرك يـزود=تعلـم خفايـا الاسـرار بأمر ك يا غفـار الزلـه=يا مبـري ثقيـل العلـه عالم دق الوقت و جلـه =فـي دبرتـك وماتختـار يامجري بالبحـر الفلـك=لوتجهلنـا مـا تجهلـك جـل وتعالـى منـزلـك =يــارواف ويـاسـتـار يـا لطيـف وياخبـيـر=يا عالـم مـا بالضميـر تهدينـا لـدروب الخيـر=مع درب الناس الاخيـار انا عبـدك يـا ايلاهـي =وانت الامر وانت الناهـي وانا الغافل وانـا اللاهـي =يا تـواب ويـا غفـار يـا ايلاهـي يـا قيـوم =اجعلنـي عبـدٍ مرحـوم ودخلني مع باب الصـوم =و إقنـي عـذاب النـار يـا الله ترحـم والــدي=الميـت منهـم والحـي يا من لك رفعـت يـدي =تنزلهـم مـع الابــرار و اغفر زلات اهل الديـن=الاحـيـا والميـتـيـن والمسلم يقول آميـن=على الدعوا باختصـار يا من امرك كن ويكـون= بين الكاف وبين النـون اغرقت الطاغي فرعـون=في لج امـواج الابحـار ياعزيـزن فـي قدرتـك=تفتك با المستهزي فتـك وتورينـا بـه قـدرتـك=يصبح للكل اعتبـار يا الله يا مولانـا نـص =علـى الدنمركـي خـص عـذاب منهـم يقـتـص=لا تبقـي منهـم ديــار نصره لرسـول الهـادي=صفوة خلقـك والعبـادي حسن السيره والمبـادي=ختـام الرسـل الاخيـار صلى الله عليـه وسلـم =حقـه علـى مـن تكلـم من نهجه مـن لا تعلـم =ويله مـن عـذاب النـار نـورن يستـدل بنـوره= والناس بدربـه ماجـوره ومن خالف معصين شوره= مالـه شـور ولا مقـدار والمسلم عدوانـه ضــده=والـكـوارث مستبده من غششنا غرقت جـده= شجعنـا أكاديـم أستـار كثـر الخنـا والطغيـان= باالـدلايـل والبـرهـان وبين الطاعه والعصيان=لحقت فتوانا المزمار نسـئـل الله السـلامـه=عن شين شـك بحرامـه قـل العالـم والعـلامـه =وجانـا زواج المسفـار والمشايـخ ماهـم قلـه=مار الفتوى تبغـا ادلـه ومفتين المذهب والملـه =أعلم منـا مهمـا صـار الله يرزقـنـا الهـدايـه=ويبلغنـا حسـن الغايـه وعلمنا مرفوع الرايـه=عـز وهيبـه للـحـرار خيـر الكـلام ابمـا قـل =والله يرفـع عنـا الـذل حتـى نـردع كلبـن زل =يبـي للامـه مـشـوار |
لله در أللي سعى بالتلاقي=في ملتقا حرب الكرام التقينا وانا هنا يبقا مقر أشتياقي=هنا مقر الذوق والمبدعينا طرحن يلوق بذايقة كل راقي=يلفت نظرنا غالبا" ماقرينا لازال باقي مجمل الطرح باقي=مهما نقدم هاهنا ما وفينا عزمن لغير اهل العزم مايطاقي=دون الصروح الشامخه ماانثنينا لو ياصل المجهود حد التراقي=كم قمة" في معتلاها رقينا ولانهتني با الهون مر المذاقي=با لهون لا والفين لا ما رضينا من دون خصمي ما انثا عضم ساقي=حرب وعلى هذا الا ساس أبتدينا من نجد زحنا خصمنا للعراقي=نكسر ونظفر با السعد لاغزينا على النقا ما با الصحيح ادراقي=نفخر بما حاشت سواعد يدينا وعطينا ابوتركي عهد واتفاقي=والسلم حل وبا السلام أقتدينا والصف منا مايجيه انشقاقي=ماينقض العهد الموثق حدينا وافخر بحرب وحرب لي درع واقي=وحرب الحضور سلالة الاولينا |
والـريـح ريـحـة زعـفـران وزبـــاده
قصيده موجهه لوالدي اطال الله عمره على الطاعه وعمر القاري والسامع يطول ومناسبتها ان أ سمي ابني على اسمه عتيق علنا واخواننا المسلمين عتقا من النار آمين يارب العالمين
ياسعـودسـجـل مـاتـوريـت يـاسـعـود=باالبـوك سـج اللـي مــن الحـبـر زاده مـن ضامـري قـاف(ن) منضـم ومشـدود=زمرد وياقوت لؤالؤ قلاده واحـلا مـن اللـي مستـوي فـوق عنقـود=والـريـح ريـحـة زعـفـران وزبـــاده يلفي علـى عضـد(ن) يعضّـد لـه عضـود=أبــوي بسـمـه مايبـيـلـي شـهــاده فطـاحـل الشعارقبـلـي لــه اشـهــود=وعبدالعـزيـز حـمـود منـهـم قـيــاده شاعربـذكـره ينجـلـي كــل مـنـقـود=يثـنـي وخـصـمـه لاتـــولاه بـــاده بحرولاله لا شـواطــي ولاحـــدود=واللـي تـعـرض للبـحـر بــه قــراده وشعـارغـيـره مـاتــورّوه مــاكــود=تمـجـيـد بـالـواقـع بـلـيـا زيـــاده حيـثـه يـفـز بـمـن تنـصـاه ملـهـود=والـلـي نصاأبوخلـيـف حـصـل مــراده يكـود فـي عزمـه علـى العسـر والكـود=ولياحضرفـتـنـه تــعــود رمــــاده مـن شبّتـه حبلـه علـى الجـود مـمـدود=عنـده علـى كـسـب المـراجـل جــلاده فعلـه جعـل لإسمـه مكـانـه بـهـا زود=سـاق الجـواء حلـيـاه عـنـد الحـمـاده هـذا وأنـا لـيّـه ورى الـخـط مقـصـود=الضّيـف بإسمـك يابيـض الـوجـه نــاده قـل تـم تكفـى يــاذرا كــل مضـهـود=اسمـك علـى صـدره وســام وشـهـاده مانـي علـى اسـم افـلان وفـلان محـدود=مــادام جـدالـورع يـقــدح زنـــاده وأمــرك منـفّـذ دون لاطــم ومــردود=غصبـن علـى خشمـي عـلـي اعتـمـاده الّــروح لوتـامـر علـيـهـا بـعـبـرود=فـدوه علـى شـانـك مـهـف الـجـراده الله موصـيـنـا عـلــى الأم والـعــود=ولـيـا عصينـاهـم وبـــال ونـقــاده وزرع(ن) لنـا فيهـم مـع الوقـت موجـود=بعيالـنـا نـلـقـا نـتـايـج حـصــاده وختامـهـا صـلـو عــدد ذاري الـنـود=علـى رسـول أمـره مــن الله إسـنـاده محمـد اللـي زعــزع الكـفـر بجـهـود=وبيّـن طريـق الحـق وأرســى عـمـاده |
ماصمموه الا لشبه الجزيره
هني من شغل قبل فجة النور= من ديرته ناوي يصبح بديره ماهو على ممشاه مكره ومجبور= يسج رجله عل باالأمر خيره ما حدره الا لكززٍ تقل بلور= جيبٍ يتل القلب تل أبمسيره ماييقض بسلفه من النوم عصفور= وسرع من الي منطلق من ذخيره وطبلون مركوب الترف تقل ناضور= ناضور بندق في مقام الشعيره يكشف لك الي متقي عنك مستور= مع منعطفات الطريق الخطيره وكشنه من الداخل تقل ملمس أزهور= ديباج مخمل فايحً في عبيره وسطه تشوف الجو غايم و ممطور= لو إن حر القيض ماطار طيره راعيه ما يرضا له الظغط والجور= ماكنه الا موترن مستعيره كنه يعامل مرهف أحساس وشعور= يتبع به الضل الطويل ويديره فخامته بدي وغماره وماطور= وشوفه يكحل للبنادم نظيره كامل مقاييسه مميز ومحصور= ماصمموه الا لشبه الجزيره لا قام غيره ينبث الرمل ويدور= راع الدبل بطاه تعشيق قيره يفج عرقٍ كاثب الرمل بزور = لادستله مثل أم سالم صفيره أمن الفخامه يرغبه كل هامور= ويخاشر بحبه خطاة العشيره بنتٍ خذت نبذه بسيطه من الحور= يعني على الخفرات هي الأميره ام اشقرن ضافي على المتن منثور= المترفه والفاتنه والمثيره في زينها تهمش من البيض طابور= ترجح بزين النايفه والقصيره مزيونتاً مع مستوا الكزز أتبور= الكزز الأول وهي الأخيره غالي ولكن مغلي السعر معذور = ومجربه يقول ماهي كثيره لوحل مبطى ابايكت كل معسور= يومين والثالث مصيره مصيره مايستقر بضل عابر وميسور= والسيف ماهو ناشدٍ عن جفيره والي يحسب السيف شامان ساطور= يمناه ماهي للمهند جديره ورجال مايرجع له الرأي والشور= ماني برد الرأي له وأستشيره والكل بأمر الله مدبر ومامور= ومن لا قداه الله تفاخت مسيره الي سعى لله بالسعي ماجور= وإلي سعى للناس محدٍ يجيره واكيد راع الخير بالخير مذكور= يثني عليه أهل الوجيه السفيره نثني على أهل الطيب وأبليس مدحور= ولا نحد فالدنين حد الشطيره ورفيقي الطيب مقدر ومذخور= للا زمه والكايده والعسيره [table1="width:70%;background-color:darkred;border:4px solid green;"] | [/table1]وسلامتكم |
بشجاعه وسق أشداده بعيره
بسم الله الرحمن الحيم السلام عليكم ورحمة الله وبركاته مشاركه عل وعسا ان تحوز على رضاكم وستحسانكم جميعن ومرضي الناس كايد
بالحقيقه لاحياه لمن تنادي=مابقى للدم ياأهل الدم غيره و ســ ـــلامــ ــــتكـــ ـــمصار ذبح ألمسلم أتلى الوقت عادي=عندجزاره مثل كبش الحضيره والدليل المعتبر يوم العيادي=شيعو للكارثه موكب مسيره تلتلو صدام نجسين الايادي=طالت أيديهم ويادينا قصيره حالف الشيعي خبييثين المبادي=وتحد شمل الهمل من كل ديره وباغتونا با الصباح وبا الهجادي=شرهم زاد ورحاهم مستديره والعرب بركانهم لازال هادي=يحترون أبن المثنى والمغيره مايهز أشعورهم شنق القيادي=مر ماحرك والا كبر الشعيره أمة المليار عمدان الجرادي=أدعولصدام عل الله يجيره مومن وحد على أسموع العبادي=نور وجهه باالدلايل هوبشيره من هل التوحيد والسنه وكادي=وكل سنين على عزه خشيره له ثلاث أعقود بعلو الشدادي =بشجاعه وسق أشداده بعيره صامل و ساطي على قدح الزنادي=بصمته يشهد لها جنب الذخيره ماعقب شعبن جفوه الا النكادي=والا أذكرو عقبه نهارن فيه خيره ولا بقا لرافدين الا الحدادي=والله أن تبطي جفول ومستذيره دام ياطاها مروجت الفسادي=تصبح وتمسي عبوس و قمطريره ما يطهر خدها غير الجهادي=في نهار العز لا ذعذع عبيره والسعد و والعز في رايت بلادي=رايت التوحيد مع صقرالجزيره حاكمن حكم شريعة خير هادي=له مع أهل العلم والتوحيد سيره سيف عدل وعقب سيوفن حدادي=من يخالف رايهم مانستشيره والختام أزكا صلاه لخير هادي=يا الله المعبود عفوك والستيره |
من صد عني ماتقصا أخباره
النفس دايم للخطايا اماره=محدن عن الزلات بمزكيها أحيان اجاهدها واصد الغاره=واكثر مرار اطيعها وارضيها اكره خطا نفسي واحب انكاره=مابرهن الزله وكابرفيها وابليس متقن فالغرور ادواره=على أدم أبو ابنادم امشيها يسوقنا للذنب تاره تاره=كم نفس ملعون الثوا مغويها لسدل على قبح الذنوب ستاره=شين الذنوب ومرها يحليها ونفسن تطيعه باالدجا منهاره=تباعته مع سكته مخزيها بوار والدنيا معه بواره=ماتلحق أولها والاتاليها كم واحدن فيها معمر داره=قفا وداره ماتمتع فيها أمسا جنازه في يد القباره=روحن خذاها الله وهو واليها يومن به المولى العزيز اختاره=والروح لاجا الموت من يذريها مابين جنات الاله وناره=من قدم الحسنه يبايلاقيها ماهي غنات التاجر وفكساره=ياراعي الحسنه تجود فيها كلن حسب زرعه يحوش ثمار=واللي غرس له غرستن يجنيها على السراط اروحنا مراره=والنار حسب اعمالنا نعديها عساي مع من خاتمت مشواره=من خاتمتها خير من ماضيها لجا نهارالميمنه ويساره=بيضن صحايفنا نماري فيها ياراحم المخلوق بالكفاره=عوراتنا بثيابنا موريها عناثقيل الذنب حط اوزاره=وعظم الذنوب برحمتك ترميها وسقنا على دربن تشع انواره=ونفسن تضل بقدرتك تهديها عبدن رجا الله واحتما بجواره=والناس لاخايف والاراجيها من صد عني ماتقصا أخباره =والناس عز أنفوسهامغنيها مخلوق من ما مهين أطواره=له قوتن حكم الدهر يفنيها وكلن بها الدنياوله مقداره=بصدورنا تبقا ولا نطريها وبعض الصدور قبور للحفاره=وصدورلوتبحث بدا خافيها ماتتعب العساس والسباره=شفافتن يطمع بها قاريها يفرح بها الي والمن منشاره=بالكذب دايم ذمته مهفيها طيرن يحوش الشر في منقاره=على وخام الغيبه مضريها أن هامه السربوت نط أجداره=وان جاته الضيفان مايقريها قبيض قرشه مايفوت أصراره=مشفوح بالأولى وماياليها تاجر وناره ميته بوجاره=بدري عساه يروح ويخليها يفنا وراع الطيب تبقا أذكاره=سوالف اهل الطيب مع راويها والفرق في سبك الذهب وعياره=والا التنك ماونست شاريها والوقت هذا من يشق غباره=كلن يقول القوس انا باريها وعند الولي خاف الزمن واسراره=هو موجد العله وهومبريها |
رغم البشع رغم الحسد رغم الانذال=الملتقى نجم يشعشع بنوره على جهود مكرس الجهد لازال=الي يشرفنا نباه وحضوره اليا حضر يبقا حضوره على البال=يبادل الحضار غالي شعوره يشيد ويشارك على جزل الاقوال=وتبقى لمساته على كل صوره له في صدور الكل قدرن ومنزال=ماهو متغطلس قضيفه اشبوره ولاهو بمتحيز من القول موال=اللي بليس يشوته تقل كوره ما ورده حبل الجشع عذب وزلال=للجم لو يارد على الجم غوره يغور لو يلطم من الجال للجال=لو بيره بجال الفرات محفوره ويكرم جناب الكل عن ضرب الامثال=وناسن تشكك با الكلام مخصوره لطيب وهل الطيب با القول مدهال=ومن لا يشجع ماحسبنا مروره تنضيم ابوفياض في كل الاحوال=مع سالم البشري بجهده ودوره والعوفي حميدان للصعب حلال=ولاهان مجهود اللهيبي وشوره والحب ابو نواف ما بمدحه جدال=قرمن به الاقسام شبه مغموره مع الزغيبي غازي الملتقى عال=اليا دعا العملاق داعي سروره ولمراقبين الملتقا قدر وجلال=مافاح غال العود وغلا عطوره والكيف بترتيب فنجال فنجال=اللي خذا بنه مع الهيل فوره في مجلسن ما به من الكبر مثقال=بسما خيار الدار شبه معموره وليا سقط سهون ركن وسم رجال=اسمه سقط عفون لقلت حضوره يحول دون اسمه مدا عشرة اقفال=ومشاركات اسمك تشكل ضروره مطلوب رايك بي شكل من الاشكال=والادمي شيطان لا غط نوره والقول روس اقلام ماهو بتفصال=ومن لا ثنا لهل الثنا فيه بوره عل وعسا مابه على القول مدخال=والله يجنبنا محامل غروره |
يامرحبا ترحيبة تزود نور النور نور
قصيده بمناسبة افتتاح صاحب السموالملكي الامير//فيصل بن بندر بن عبدالعزيز آل سعود امير القصيم للاسكان الخيريه
يامرحبا ترحيبة تزود نور النور نور=بحضور حضار يشرف يا الحضور حضورها نجل الامام مؤسس الدوله على عزم الامور=شبه الجزيره ما تريح لين روض كورها صقر الجزيره من مقر وماكر خيار الصقور=با السيف ابو حدين عدوانه وقف بنحورها مجد" بناه وشيده باالباس والعزم الصبور=لله در الي بنا الامجاد واسس سورها الله يعز آل السعود بكل وقت وكل دور=عز البلد واهل البلد بآل السعود ودورها ياسيدي فيصل هلا مليون من عمق الصدور=عداد ما تنبض قلوب الناس وسط اصدورها حضرة سموك سيدي فخر الديار الي تزور=اكبر شرف للديره الي آل السعود تزورها تشريفكم قدر ومقام ومدحكم ماهو بزور=وافين يا نسل الحرار النادره بصقورها مجد يشيب كل قاف"مايشيب ولا يبور=ماينحصر مجد السعود بقافها وشطورها عز" مسيس ساس ماهو عز عابر ومحصور=صرح" مشيد مايهزنه طوال عصورها حكام شرع الله على حكم الولي مافيه جور=ملوك عدل" شعبها مايشتكي من جورها أفضالهم بعد الولي ما غطها عبد" شكور=والرايه الخضراء بركن الدين شعشع نورها ياشجرة آل سعود يا اطيب من شجر عود البخور=الشجره الي من خلقها الله تفوح عطورها يمنى تجود وجودها ماهو على الشعب محكور=مدت جميع المعسرين ببرها وبحورها كم ساندت محتاج مع مر الليالي والعصور=مواقف" تجبر عظام" صعب جبر كسورها ياسيدي فيصل تعداك الملامه والقصور=عداك يا مير القصيم اللايمه وقصورها يامحقق احلام وطموح اللي من الوقت معسور=لفته لمن شح الزمان بمدها ومقدورها وحضرت لجل تشارك الافراح وتشوف السرور=بعيون من شوفك يزيد افراحها وسرورها ااجروثواب المحسنين مضاعف بيوم النشور=يا الله عسا التيسير لهل الجود في ميسورها للي سعى واللي بذل بأمر الولي عتق وطهور=مع من صحايفهم يشرفهم بياض سطورها الله كريم بقدرته ذنب المخاليق مغفور=وبقدرته يفسح لبيضان الوجيه قبورها عل وعسا منزالهم في جنة الخلد معمور=في جاه من لجله عباده قدمت مذخورها |
عــز الـبـلادالـي علـيـهـا ربـيـنـا
بسم الله الرحمن الرحيم
قصيده شاركت فيها بعهد خادم الحرمين الشريفين المغفور له بئذن الله الملك//فهد ابن عبد العزيز آل سعود طيب الله ثراه 0 عند ما أقيم حفل تجديد الولا والطاعه لولات الامر ونبذ الارهاب و جرايم الفئه الضاله ,, عسا ان اكون قد وفقت بما يحوز على رضاكم
ســلام لضـيـوف الحـفـل والمعـازيـب=تـحـيـة الاســـلام فـيـهـا بـديـنـا يـــاالله يامعبـوديـاعـالـم الـغـيــب=انــك عـلـى خيـرالـكـلام اتهـديـنـا فـي حضـرة الــي ينـقـدون اللواعـيـب=بعـنـا بـجـزلات الثـمـيـن وشـريـنـا نـوادرنـرسـل وراهـــن مـنـاديــب=وبسـعـرهـن وبـقـدرهـن ماغـويـنـا نزفـهـن بـسـم الحنـيـنـي تـراحـيـب=ترحيبـتـن تضـفـي عـلـى الحاضريـنـا مضمونهاوهـدافـهـابـزرق الـطــيــب=وعـلــى الولاءوالعـزنـرفـع يـديـنـا لملـوكـنـا ال سـعـودلاشـك لاريـــب=ومــن عـاهـدوه اجدادنـالـه وفـيـنـا عهدالوفـانـشـب عـلـيـه ونـشـيــب=نـوفــي مـواثـيــق سندهامـتـيـنـا منالبـوتـركـي عـطـيـب المـضـاريـب=الــي شـمـخ باالمـجـد دنـيـا وديـنـا مـاروض العـسـرات بـمـزارق الطـيـب=ردالنقـابـشـلـفـاه ذرب الـيـمـيـنــا وعـقـب حــرار ماعليـهـم عـذاريــب=مافـيـه شـكــن يـمـهـم يعتـريـنـا ونرفـع ولانـا للفـهـد منـبـع الطـيـب=وغــلاه باقـصـا قلـوبـنـا محتـويـنـا قـايـد مسيرتـنـا مضـالـه تـجـاريـب=عـقـديــن تـوجـهــن بعقدثـمـيـنـا مـع قـوة السطـوه ملـك رايـن مصـيـب=وبسياستـه لاعـلـى الحـضـاره رقيـنـا اولــي عـهـده باالمهـمـات مايـغـيـب=عـبـدالله الــي باالـمـواقـف يبـيـنـا الياحضـرتـركـد جـمـيـع المـشـاريـب=صلـب وصليـب الــراي عـنـده يليـنـا وسلـطـان لازم نـايـبـات المـواجـيـب=مـقــدام بـاالـشـده وعضـدوعـويـنـا لـه هقـوة باعلـى الرفيـعـات ماتخـيـب=سلطان وسم الخير لسمه قرينا ونـايـف تعـلـى عالـيـات المـراقـيـب=وبسيـفـه الـبـتـار قـطــع الوتـيـنـا زمــام الامــن مـجـوده باالمقاضـيـب=وحـنـا بسـيـفـه نـــردع العابثـيـنـا لجـل الوطـن نـبـذل جمـيـع الاسالـيـب=وحـب الوطـن واجـب وفــرض عليـنـا نطهـره مــن كــل عـابـث وتخـريـب=كــل النشـامـى للـعـبـث منكـريـنـا الـديـن والاســلام حكـمـه وترغـيـب=وحنـا علـى نـهـج الشريـعـه مشيـنـا والــي مناهجـهـم جـرايـم وتـرهـيـب=زمــره تـولاهــا بـلـيـس العـيـنـا عقولهـم فيـهـا مــن الـسـم تركـيـب=وكـثـر مضرتـهـم عـلـى المسلميـنـا غلـث الكـلاب الــي تـحـد المخالـيـب=نـبـي نـطــق اخشـومـهـا لابلـيـنـا شـرذمـة مـامـن وراهــا مكـاسـيـب=عـضــوبــلاه الله بـاالـغـرغـريـنـا ادواه بـتـره باالـسـيـوف المـحـاديـب=ماللعـبـث غـيـر الـفـنـا باالجبـيـنـا كـم كم عابـث خلـى العبـث شمسـه تغـيـب=حتـفـه يـبـي يلـقـاه علـمـاً يقـيـنـا مـن لاحكـم عقلـه غـدا فــار تجـريـب=يـمـوت مايـخـتـل صـــرح بنـيـنـا ويبقـا الـولا لاهـل الـوفـا والمواجـيـب=عــز الـبـلادالـي علـيـهـا ربـيـنـا |
والي بنيتوها يموت اطلق شنب ماهدها
بسم الله الرحمن الرحيم قصيده بصاحب السمو الملكي الامير// فيصل بن مشعل آًل سعود وكيل أمارة القصيم حفظه الله ورعاه
يامير ياطير السعد يامير ياحزام اللزوم=المحزم الي لاتحيزم للوازم قدها عزن المن رب الملا بمره نوا حظه يقوم=اسلات ملوك البلاد اللي عريبن جدها آل السعود الي تعلا نجمهم كل النجوم=يشيب قاف القافيه بمجادهم ماعدها حكامنا الي في ذراهم ماش برد ولا سموم=حكام شرع الله على حكم الشريعه حدها ياسيدي فيصل نهار اليوم مبرك منه يوم=اسمك يشرف للقصيد ومن قصدها وعدها دمتم مقر العلم ماعنكم يموم ولا يموم=والي بنيتوها يموت اطلق شنب ماهدها انتم هل العلم الاخير الي تقر ابه العلوم=حرار هدتها تنومس با السطر من هدها بسيوفكم طاح العرام الي على روس الخشوم=عدوانكم ياآل السعود مخيب الله سدها عزومكم بعد اللولي ماهي مثل باق العزوم=أعزوم ماتردي وتردي من تحيزم ضدها من عاش حدر ضلالكم ماهو من العز محروم=يا اهل المكارم با اليمين الي سخين مدها يا اهل المكارم ياعزيزين العوايد والسلوم=عز" لنا ماض ومستقبل بلدنا لغدها واكب حضارات الامم دارن با السعود محكوم=وارقى البلاد الناميه فينا العيون تلدها الله يعز آل السعود وعزهم عله يدوم=غصبن على العدون والي با الملا ماودها حضرت سموك سيدي ذخري وذخرن للعموم=سيف" من سيوف" يبرهن با المواقف حدها الماقف الي تاقفه ماياقفه غير القروم=جبال لاجتها الرياح العاتيات تصدها ميقاف يجلا الهم عن من يشتكي ثقل الهموم=مايرهقك ياسيدي جزر البحور ومدها دمتم لنا ياسيدي وحضوضنا فيكم تقوم=والي علينا كايده حضرت سموك قدها |
السلام عليكم ورحمة الله وبركاته قصيده بمناسبة شفاء وعودة ولي عهد المملكه صاحب السمو الملكي سلطان ابن عبدالعزيز آل سعود حفظه الله ورعاه
فزي وغني ورقصي يا اغلا الاوطان=بحضور حضرت سيدي با السلامه حل الفرح والهم ولا والاحزان=بوجود من مدات جوده غمامه راع الوفا والطيب والخير سلطان=طلق الحجاج وراعي الا بتسامه لا باس واجر وعافيه يا كحيلان=يا شامخ الهامه على كل هامه يا كوكبٍٍ عالي مقامه وله شان=الله رفع قدره وعلا مقامه ولي عهد المملكه عهد الاخوان=نايب مليك المملكه با الزعامه قايد سلاح الجيش جنده والاركان=ولافيه مجدٍ ماتعلا سنامه حرٍ مجرب له مواقف وبرهان=وخصمٍ خصيمه ماتشيله عظامه له با الكرم صرحٍ مشيد وبنيان=مضرب مثل مع لابسين العمامه وله في قلوب الشعب مدهل ومسكان=وحبه يزود وطيبته وحترامه واكبر دواعي للمشاعر والالحان=قومت سموك سيدي با السلامه |
مجارلقصيدة سمو الأمير الشاعر//عبدالعزيز ابن سعود السامراه
بسم الله الرحمن الرحيم قصيده مجارلقصيدة سمو الأمير الشاعر//عبدالعزيز ابن سعود السامراه عسا ان تحوز على أستحسان الجميع
سقاء الله روضة التنهاه روضة كاسب الطولات=بسيلٍ في عروض العرق الأعلى بانت حـدوده ابدعي وادع يالسامر بدعوا صـادق الدعـوات=لعل الله يسقيها بفضلـه مـن وسـع جـوده الا يالله تجعلها على طـول الزمـن مكشـات=مصيف يقصـر العنـوه بجـوٍ كنـه السـوده ابيها كـل ماتطـرق نظـرك تمتـع النظـرات=ربيـعٍ مزهـرٍ طـول السنـه ماتذبـل وروده اغثها ياكريم ارضٍ مشو فيها هـل الخيـرات=حكومتنا مساعيهـم بفعـل الخيـر مشهـوده شرف واكبر شرف تحضين به ياروضة التنهات=تعلقتي بسـم وانتـي جمـاد فيـه محسـوده بسم صقر الجزيره راعي الصولات والجـولات=ملكنا اللي بسيفـه رد ملـك ابـوه وجـدوده عبدالعزيز ابو تركي على التاريخ له بصمـات=وفاء ورد النقا وسجل لـه التاريـخ مجهـوده وحدها بسيفه الاملح مع الحكمه وقوى الـذات=بعد ماماتت الدولـه بعزمـه جـات مولـوده شعاره راية خضراء اميزهـا عـن الرايـات=بركن الدين وعز الدين هو همـه ومقصـوده الا يالله تغفر له ومن عقب مـا عـده مـات=اسدٍ وساد من سـاده وسادتنـا هـم اسـوده على حكم العداله ساده مـن خيـرة السـادات=مناهجهم مـن القـران والتوحيـد مسنـوده مايخطون ولا يرضون الخطاء والميل والزلات=حـرارٍ تعشـق العليـا وبالعليـا لهـا زوده اهل شيمه واهل نخوه ومعروفيـن باللقـوات=سيوف في نحور الشـر والعـدوان مجـروده على مطلعك يالسامر نضمنا وابـرك الحـزات=قوافي بذهب والمـاس منضومـه ومعقـوده |
وهقواتنا دايم على محمل الطيب
ماعاد باقي با العمر كثر ماراح=لوكان ماندري ولا نعلم الغيب
اعمارنا بيدين خلاق الارواح=والي ماشاب اليوم بكره يبا يشيب والمر تقفاه الحلاوه والا فراح = لفتر دولاب الدهر بالدواليب وخسارة الدنيا تلاديها الارباح=وهقواتنا دايم على محمل الطيب والضيق له عندي من الصبرمفتاح=اليا لجاء ماقلت دور معازيب الله من همٍ بصدري لجا وراح=لو حل في صدر الجبل جاوب الذيب لا تشتكي همك على الناس وارتاح=لو بان لك بصدور غيرك تراحيب سدك ولا تبديد سدك با الا فصاح=مالك لزوم بدورت الشك والريب جنب طريقٍٍ فيه مقطار مفساح=ترا ركاك الماء هوات الدغاليب كم واحدٍ حول حدر فك تمساح=وتمازره من حدر فكه مخاليب من السعه لضيق جا يجنح وطاح=على ضحاح مكدرين المشاريب وحبل الرهاوي مغرقٍ كم سباح= جساس جندل بالرها الفارس كليب كم درب خليناه صده ومسناح=لو زبرقوه اهل الطمع والمكاسيب كم نادرٍ جابه من الجو ملواح=طرح الشبك صاد الوحش بالمقاضيب برقٍ مجنب ما نخيله اليا لاح=من يبني اماله على المقفي تخيب الواقع المعقول للعاقل وشاح=لو مايحقق غير ربع المطاليب والمال وقت اليوم لبنادم سلاح=عزي لمن يمسي وهو خالي الجيب الفقر ماهو للمواجيب نطاح=يحول قل المال دون المواجيب والمرجله ماهي اوماين بمسباح=مسراح طلعت شمس لين انها تغيب |
اسمع العلم الصحيح
زبدة العلم الصحيح اسمع العلم الصحيح=والنصيحه هي ثمرت العلوم وجلها دام راسك حي اوصيك سدك لايبيح=الصدور المغلقه محدن يا صلها خل سدك وسط صدرك وريح وستريح=سبحتك جود خرز سبحتك لا تهلها لا تقول افلان من بدت العالم نصيح=ثم تجيك امر وادها العلوم بحلها ما حصل لمبيح السد قدامك مديح =لا تلوم صدور غيرك وصدرك ملها ابرك الحزات دامك على سدك شحيح=اعقد العقده متى ما بغيت وحلها ما كلاها مفلفله في زمنا الا الصريح=عيفوه مصارحات الاودم كلها والمثل قال اقفل الباب قبل يجيب ريح=وسلامه من بعض ناس ناس احسلها لايغرك حالي(ن) يتبعه حنظل وشيح =ناس تستدرج بساليب ما يفطلها والله اعلم طيبين الاوادم والقبيح=ضاهر العربان لك والخفايا خلها لا تنبش عن بلا خافي القلب الجريح=هم خلق الله حوال الاوادم سلها كـل شغمـومً يبي يدلي الـدلـو ويمـيـح=واليدين اللي تلقا الدلي تقلها ونتبه حذراك حذرا تخطرا لك طريح=لا تخطرا الناس دام الدروب اتزلها جنب الدرب الضيق دور الدرب الفسيح=زبدت العلم النصيحه والدروب ادلها والتجارب علمتنا علم زبده ما يسيح=العزيز يعز نفسه والذليل يذ لها |
خادم البيتين با العز عبدالله
يا وطنا دام آل سعود حكامك=محتمينك ما بها شك بعد الله تنكس الاعلام وترفرف اعلامك=راية التوحيد والدين والمله كلنا يامهبط الوحي خدامك=وخادم البيتين با العز عبدالله والدروع الشعب خلفك وقدامك=للوطن مانقبل الهون والزله كم عدو لحقه الضيم ماضامك=ومن عقد عقد الوفا مات ماحله باالبواسل شد يا دارنا حزامك=واحتزم بقلوب ما تعرف الذله ماينوش اللاش با الغدر هندامك=والشجاعه والوفا طبع وجبله لبسو انواط الشرف لبسو اوسامك=جندنا الي في نحور العدو عله عاش راسك يابطل عاشت ايامك=سل سيفك في نحورالعدا سله والشهاده والنصر غايت احلامك=والشهيد ايظله الله تحت ظله موعدك رب الثقلين بكرامك=مع خيار الخلق موقعك تاصله والمهونة والمذلة لمن لامك=لايمك للمهزله والردا خله شامخ" ثابت محد زحزح اقدامك=وفي ثباتك موتت الخصم في غله وعاش شبلك ياوطنا وضرغامك=وكل قلبٍ حي غلاك محتله مانبيعك با الجواهر لمن سامك=رملك اغلى من الذهب دقه اوجله |
خاطر رفيقك لا تكدر تكدر
السيل عانه من علوه تحدر=وان ما مكنت السيل خطير يمكنك يا العبد مالك غير شيٍٍ مقدر=وطبع الزمن يفرحك واحيان يحزنك دربك خضر ما ني بقايل مودر=صحيح ما كلٍ تحطه على ايمنك خاطر رفيقك لا تكدر تكدر=ماني بدايم دايمن لك و افطنك كم واردن لا صمل العلم صدر=تطق حنكانك وترقل فراسنك يوم البروق تلوح وانته مخدر=جربوع لوينبث دميناه يدفنك لو ان عسرات المواقف تقدر=كان اقرب الموجود عندك يفرمنك ياليت فرقا مثل شرواك بدر=وتشوف ركض ايسرك بالدرب وايمنك ما تكسب المحار واللول والدر =مخدوم والمحار الاول ماهو منك راسك عليه اكبر ختوم المسدر=وتاخذ من القطب الجنوبي بمعدنك حرار وقفو في نحر كل ندر=ما جبت ربع المستوى في تضامنك لو تلحس اذنك كان يمكن تصدر=صدارتن ضمانها مثل ضامنك عينك بها سود الغطاريس غدر=لا صار ماتدرا العواقب اطمنك |
ترا خط السعه ماهو مثل ميقاف خط النار=على حمر الخطوط الملح والبارود و الصالي وكلٍ له من الدنيا من المتر لثلاث امتار=من ارخص خام يذرع ذرع داخل سوقنا الحالي هذا الواقع وهذا اللي من الواقع مافيه احوار=حياة الحي قافيها الفنا ما با الفنا جدالي وخواتيم الاوادم للاوادم حاصل الاثمار=يبي يرحل فقارا الخلق مع تجار الاموالي انا ماحب انا وانا انا الشاعر وانا البيطار=خصوصٍ في مجال النضم نضم الجوهر الغالي مديح الذات يهل الذات ماهو ميزت الاخيار= يجي قلت ثقه والا يجي مع كل متعالي تقدم وترك الباقي على اهل الذوق والشعار=وساع المعرفه يستطعمون المر والحالي كثير اللي يبي ميه من الميه وجاب اصفار=عسا ما فال راع الصفر يهل المعرفه فالي ولا لشعر في تقييم مقدار الرجال عيار=حسب عرفي وما يمليه عرفي ما يورالي وكلٍ له مع العالم مقام وقيمه ومقدار=وطبع المحترم له في صدور الناس منزالي ومن يذخر مشاكيل النشاما ذخر ما يحتار=يسرونه اليا شح الزمان براي وريالي وراع الطيب حطه عن يمينك والنقيض ايسار=ترا راع الوفا والطيب قدره با الوفا عالي ترا الطيب بحزات اللزوم اطيب من الفكسار=قوي عزوم لا دقر ضعيف العزم با الجالي يعديك الدروب اللي خطرها به تروح اعمار=حزام اقسا المهالك والمدارك واشهب الالي وردي العزم مثل اردا المواتر عزم با المشوار=يضربك المهاميه ويكبك با الخلا الخالي ولا به شك كلش با الزمن بامر الولي بقدار=ولا عند العباد بعلم خاف الغيب مثقالي ما عند الناس لاقطمير مايقسم والاقنطار=وقسم الناس عنهم ما يرده كل محتالي خشينا الله ولانخشا سونامي الوقت و الاعصار=على الله لا توكلنا كفانا شر الاهوالي عظيم الشان ومغيث العباد من السماء مدرار=كفيل ارزاق خلقه رازق الاول مع التالي سبحان الله وبحمده سبحانه واحدٍ قهار=عظيم الشان من يحيي الهشيم الديدم البالي وختام القول شكر الله وذكر الله مع التكرار= وثمرت القول قول الله وقوله خير الاقوالي |
قا لو سلمت وقلت ماني والسلام
تفهم وغيرك ناس تفهم با الكلام=والجوهر الاخلاق والباقي شله الغيض كنه قبل يلحقك الملام=مال الثقيل من الحمول الا جمله في وسط صدرك كن للكل احترام =شوري عليك الحقد من صدرك زله ترا الكريم يعيش بعيون الكرام=والا الردي يقصر بشوفه وعمله قاري وتدري با الحلال وبا الحرام=والناس تربطها علاقات وصله حسبي على الي طيرو سرب الحمام=لين الحمام الريعبي راح اقبله قا لو سلمت وقلت ماني والسلام=اعطبني المذهوب والقلب ادخله ارسل اسهوم الموت مع جنح الضلام=لينه برا حالي بسهمه ونخله صحيح ماهو هجس حروه وتهام=واشيب عيني كان ما الله اعقله القلب مع دربه بعال الجو حام=عزي القلبن ناعم العود ادهله روح مراح اللي مجزيه الخطام=عمان وسط السلطنه حروت هله من شوفته خفاق قلبي مستقام=يلي تود العلم لا جيته قله عله يحن ويولي الامر اهتمام=ويروف في قلبن هواالحب اقتله |
السلام عليكم ورحمة الله وبركاته موضوعها قيادة المره
سميت بسم الله صدوق المواعيد=من هاجس جزل الفرايد نضمها عقدن تلآلآ في نحر تلعت الجيد=كنك تخيل صورته لا رسمها هجسن تساما عن جميع المناقيد=ويسمو بعال الذايقات وقيمها على مشد المرشدي للاناشيد=والرايه الخضراء يرفرف علمها ما حرك الشامخ كلام الحواسيد =لله در الدار والي حكمها لو حاول العدوان شتا المقاصيد=ما فرطت بنت البلاد بشيمها والشر يلقى من هل الشر تأييد=ناس تدوس اعراضها في قدمها وتكرم لحاكم يا النشا ما الصناديد=من حل في سرج الكحيله لزمها اقيادة المرأه ردا كل تأكيد=مال المرة منهاج دون محرمها نذود عنها في خشوم البواريد=وعن كل ميدان الرجال انخدمها ماعندنا أغلا من شرف جوهر الغيد=دون الشرف حوض المنايا اغتنمها ياما تعزوا با البنات الاواليد=وهن عطفت الفريس في ملتحمها والام مايحتاج بحقوقها اشيد =الدين اشاد بحقها ماهضمها وسمح العقيده منهجن عنه ما حيد=وتبقا المره في بيتها وا حترمها |
الجميله بالنظر تبقا جميله
السلام عليكم ورحمة الله وبركاته
فك و الا صك بيبا ن المجامل= الجميله بالنظر تبقا جميله أحسن ا سلوب التفاهم والتعامل=وخل رايك مختصر ما فيك حيله لاتقول فلان وإلا فلان كامل=الله الكامل وباالمصحف دليله ما تجاهل واحدٍ للمسك حامل=غير مخلوق" عسا ربك يشيله و سد مقبلت الليالي با المحامل=لا تبنا لك علومٍ مستحيله جل من فرق بصامات الانامل=بين اصابعك القصيره والطويله كافل ارزاق اليتاما والارامل=وكل رزقٍ ربك الخالق كفيله والاوادم بين متحرك وخامل=وكل حيٍ في هواه وفي سبيله ياوسيع المعرفه والعرف شامل=كل أناء بمحتوا ينضح صميله الجبل ما زحزحه من كان صامل=لو مقامه با النظر يسوا قبيله والمذمه تنتحي بلسان هامل=وكل وافي با الوفا يوفي عميله |
من يفتل وينقض بغير الجزاله=بعد السما عنه السنع مايباريه المفتري قوله قصيره حباله=ومجامل المخطي خطانن يجريه بكره يطبلها على من حداله=واتفه سبب واحد من اثنين يغريه الصبر حده ماتعدا احتماله=ولاهو ضروري كل جاهل نقريه والحلم اخير من الجهل والضلاله=مايلحق الجهال لوم ومشاريه والله من خبل(ن) رفينا خماله=ترا السكوت احسن دوا للمسافيه ولا كل من يكتب قرينا مقاله= ولا كل رجال" تشدك طواريه مخبلك يا اللي تنصحه عن خباله=لاصار خبل وبيناتن مواريه يصد لا صديت ماهي طواله=ويكيل مرجلته حراوي شواريه ما ني خوين له بدربه لحاله=وعن السكانه منهو اللي مبريه مسكين ما فال اهل العرف فاله=لاني مجامل له ولاني مداريه شتان مابين الوفا والفساله=وكلن يسدك منطقه عن تحريه الطيب ماهو ملك واحد لحاله= ياطيبن طيبك تبيعه وتشريه قصراللغا عن السفيه وجداله=عل وعسى رب المخاليق يبريه وصلوا على ذكر الرسول بمجاله=عداد من صلى وسلم بطاريه |
ماكل شاعر يضبطه لو يسويه
نصيحه تخص اهل الألغاز
اللغز فن وذوق عرف ولباقه=ماكل شاعر يضبطه لو يسويه ألغاز واجد ماعليها شفاقه =و لغزٍ يجيك وصاحبه معتني فيه مافيه حشو ولا علومن دقاقه=يتعب عليه اللي بعيده مغازيه ولاهو بسرد عراق فنه ذواقه = كنك بتمر خلاص حلقك تحليه بيتين والثالث وكفكف رواقه=وموه بمفتاحه وحاول تغطيه يفك مرماعن لمرماع طاقه=ويبحث خفا لغزك لو انك مخفيه لابان جا من يشلعه من عماقه=لوكان عرفه طلعت الشمس يغديه والسالفه تشغيل مخ ولياقه=شف ومزاج ابداع كاتب لقاريه وبصدورنا موروثا له عشاقه=موروثنا الشعبي بـ, اخصه واسميه وقولي نصيحه ما لحد به علاقه=والكل منكم فوق كل المشاريه وجهت نظر معها من الورد باقه=وانتم لنا با العرف قدوه وتوجيه |
الشاعر المبدع با الابداع مسبوق=لا يحسبن الجزل والسوق سوقه [/quote]تخالف الاذواق والكل له ذوق=وكلن حسب شفه وعرفه وذوقه لوهو صحيح ان كل مطرود ملحوق=يمديك تطردلك سراب وتحوقه وصدرن تقرقع فيه هرجه ومخنوق=لولا الثقه متزعزعه وش يعوقه للغيظ فيض والاحاسيس صندوق=وبركان مبدا الادمي في عموقه عادي ولو ماهو بعادي ومرموق=وشر البنادم مستقر بخفوقه الحق حق ومن يبا يعطي احقوق=لاعاش راسن مايوفي حقوقه لو يتسع وسع الفضا يمكن يضوق=والناس من ضيق الصدور مخنوقه ماهو جدا كان الجدا الدمع والموق=يفقد احساس مسبل الدمع موقه ياتل قلبي تل معلوق معلوق=تلت نشيطن ما زعه من عروقه منها ينازع سكرت الموت ويفوق=لو كان نزع الروح ما منه فوقه على الغزل حديتني غصب يا شوق=وانا الذي ماقد تغزل بشوقه تستاهل السلسال والعقد والطوق=طوقن زهاك وزاهي الغير طوقه مدام بالي كل ماشافك يروق=وادخل معك جون تكاشف ابروقه جون موحد قلب عاشق ومعشوق=قلبين في قلب استحاله يبوقه قلبن مثل قلب الملوح وموثوق=مصفوط للي صافطن لي عذوقه اهيم به من قلب وعن وتوق=وكبدي على لاماه دايم شفوقه يا شهد يا غالي ولا نته بملعوق=ذمه ومانه يا الصباح و شروقه منصفك وصف المختصر والرمي فوق=الوصف ماياصفك وصفك يفوقه ربع الغلا اللي جاك برفوق برفوق=وكلن حسب شفه وعرفه وذوقه [b][center][size="5"][color="blue"] |
قصيده ردعلى مشاركه طرحتها الاخت الشبرميه وكانت اول مشاركه بملتقى حرب لها ورديت عليها بعتباري حربي والتوجيه للعموم دون تخصيص وجارانا الشاعر المعروف علي هليل وايليكم القصيده والردي
(((الشــــــــبرميه)))= من الشبرمية هاكـم اليـوم مرسـال=لو روس حرب اللي عليهـم كلامـي ياحـرب ياحرابـت القـوم الابطـال=أرسلت شعري مَعه وافـي إحترامـي أنتم لكـم بالطيـب بيـرق ومدهـال=وماأظن سب الغير طبـع الحشامـي وأنـا لفانـي منكـم هـروج جهـال=هرج (ن) يهز العرش ماهـو تمامـي لا ماهقيته يوم جتنـي مـن الخـال=وهو عارف (ن) طبعي وعارف نظامي والكلمـة اللـي أحرقتنـي وتجتـال=في صدر بنـت الشبرمـي ماتلامـي ياحرب شاعركم يهـدي مـع الجـال=السيـل جـارف مايعـرف الحرامـي وإن كان ماهدا فأنـا عنـدي رجـال=الـورع منهـم مايهـاب الزحامـي وأنا أساوي لي عـن ألفيـن رجـال=هـذا كـلام شيـوخ ماهـو كلامـي [[عـــــبــدالله عـــــــتـيـق الـــــحنـيـنـي]]= يامرحبا باللي لفـت واول الفال=امصافحتهـا للخـوال اتهامـي والعلم له وجه وله اقفاي واقبـال=يابنت قومن يحتمون الجهامـي مافيه عقده مالهـا راس حـلال=ان كان ماهو راس فكري ابهامـي نفتل وننقض فتل من كان فتـال=ونحسب احساب العاقبه والملامي ونفند الحجـه مـن الميـم والدال=ولكل نيشان من النـاس رامـي حرب العزيزه للمسمين مدهـال=احفاد من صلى وتصدق وصامي ميزانهم دايم على الحق ما مـال=وليا تعزووا يـاردن الضوامـي تاريخهم وافي على مر الاجيـال=بفعولهم سولف جنوبي وشامـي يا الشبرميه كان لك ربع مثقـال=عليك تحديد الهدف والاسامـي وان كان ما للهرج هرجه وتفصال=امشي بحسب المتبع والنظامـي وربعك وربعي قدرهم حي لازال=وشكري وتقديري ووافرسلامي (((الشــــــبرميه)))= أهلا هلا بك عد من صـال وإجتـال=يالشاعر البيطار وإمسـك سلامـي يأبن القروم اللي حمت كـل نـزال=حرب(ن) هلا العليا بوقت الزحامـي خوالي اللي بالرخـى حالهـم حـال=ووقت الشدايد خصمهـم مايلامـي تاريخهم مافيـه قيـل(ن) ولا قـال=وماجيت أشكـك بالخـوال بكلامـي وماجيت أنا لك بإتهامي ولا أختـال=ولا أعم أنا بهرجي رجال(ن) حشامي ولا جيت أشب الفتنه اللـي بتنقـال=هرجي صحيح(ن) والشواهد خصامي موقف حصلي والمواقف لها رجـال=وأنـا سلاحـي بالمواقـف كلامـي المشكله لاصار خصمي بـه هبـال=وعوُد(ن) كبير(ن) قال بيته ونامـي سني صغير وتجرحن كلمة أطفـال=وشلون هرج الظلم يأبـن الكرامـي الظلم هد أشنـاب وذوب لـه جبـال=يالله دخيلك عـن حـدود الحرامـي وهذا سلامي وصلـوا كـل خيـال=ولم الحنيني ومعْـهِ روس العمامـي [[عـبــدالله عـــــتـيـق الحنـيـنـي]] = دام البقابـك والوفـا فــال وعـقـال=والنـور جـلاي الكـدر والظلامـي يا بنت يـا كثـر الحواجـز والاقفـال=وانـا تـرا مانـي لخصمـك محامـي با الناس مابـه شـك طيـب ودجـال=الله خلـق والله فـرق بــا الانـامـي والخبـل مالـه بنظـري غيـر مـوال=باالمختصر لا جـاك هرجـه تسامـي وكان القضيـه شايبـن مكـرم اسبـال=الله مـن عـودن عـزيـز المقـامـي يرجح مقام العـود فـي كـل محتـال=قرنـاس ويعوضـك بفـرخ القطامـي وان كان حل الوضع بـا الجـاه والمـال=حـرب النشامـا بـا اللـوازم حزامـي حـزام قدمـه كايـد الامـر رحــال=هـذا الصحيـح الـي عليـه الكلامـي ولا شوف لي في غير ما قلت مدخـال=وان كـان عنـدك حـل غايـة مرامـي (((الشـــــبرميه)))= ياليتها بالمـال تنحـل يالخـال=الوضع كايد والمخاصم قطامـي عزي لقلبـي صـار للهم شيـال=أبوي غاب ومابقى لـي حزامـي خله على الله مانبي طولة جـدال=الخبل ماينفع معه هـرج سامـي مصيبة الرجال بالحيـل محتـال=في منصبة مغرور وهرجه حرامي وأنته حزام المرجلة عـز خيـال=يأبن الحنيني يارفيـع المقامـي صح الله لسانك عدد كل من قـال=وعداد ماطارت طيور الحمامـي [[علي هلــــــيل الحصني]]= حاولـت ادور بيـن الاثنيـن مدخـال=ولا لقيـت الـلـي يـبـرر مقـامـي الا انـي امـدح كـل الاثنيـن بالحـال=لـو كـان لا متهـم ولانـي محامـي بحدود ما للـذوق فـي كـل الاحـوال=فرايـدٍ مـا صادهـا كــل رامــي من هاجسٍ لاصال في صـدري وجـال=مـا ينـتـج الا عالـيـات المقـامـي احلى على اهل الطيب من روس الاموال=وعلى الدويني مثل ضـرب الحسامـي في حال والا حـال ماوفيـت مرسـال=ولاشفت مشهد فـي مسلسـل درامـي ترى الكلام يسمـج المجلـس ان طـال=ويصحـي اللـي غـارقٍ بالمنـامـي قلته وانا مانـي علـى الخلـق مشتـال=يادوب اجاهـد كـل ماصبـح دوامي [[عـبــــــــــــدالله عـتـيـق الحنـيـنـي]] = ياالشاعر المعـروف زلـزال زلـزال=ياشاعـرن ميسمـك باالنـار حامـي تدري بئنـي معجبـن فيـك مهتـال=ماتشيل خصمك يا الفهيـم العضامـي ويقطع ضرم راع الضرم كيف فنجال=لا صـار بدعـوا الهمـام لهمامـي ترا الجبل من جارف السيـل منهـال=و يفـداك متيـدم مـحـل اليـدامـي جم الرواء يلطم مـن الجـال للجـال=وصياف مدرسـة الشعـر والزلامـي اليا قدحت اقدح صخر وانحت اجبـال=واليا دحمت احرص تكـون الامامـي يسمج مديـح الـذات بجنيـه وريـال=مدح القبيلـه مهـو مشهـد غرامـي ما جاي من عقب الشحم غير الاوصال=وعلى الشحم والعود مسـك الختامـي [[علي هلــــــيل الحصني]]= يا مرحبا مـا طـاح بالقـاع همـال=وما لاح برقٍ فـي متـون الغمامـي من قلب ماهي من سواليـف دجـال=والا مـديـح مقلبـيـن الكـلامـي يالشاعـر اللـي للصعيبـات حـلال=حوز الجواهر منـك غايـة مرامـي لو مانت عندي بس موجات الارسال=توصلك اعجابـي وجـل اهتمامـي ما اقولهـا راجـي ولا اقولهـا ذال=مثلـك جديـر بفايـق الاحتـرامـي لعـل يفدونـك رديـيـن الافـعـال=اللي علـى الغـرات فيهـم هيامـي ترى القصيد ان طال وان طال ما طال=ليل الدجـى يجـلاه بـدر التمامـي هلت على الكيبورد من رايـق البـال=تحمـل تحياتـي وبصمـة بهامـي [[عــــــــــــــــبدالله عتيق الحنيني]]= دام البقابـك نصـو ماهوتخلخـال=عد الفقار الـي غطاهـا السنامـي اعداد قيضن شاحبـن وشهبـن لال=الي معه طـار الجـراد التهامـي ياشاعرن ماهس حملـه ولا مـال=والفرق في سبك الذهب و الجرامي زل الرمي ياعلي لو منتـه ابـزال=ابرآجك اوفـر والبـلاد امترامـي وزل الشهر وانته تحسب الشهر هال=وعلي على ماهو عليه وعصامـي ان ما لقا له بشـت تقوبـع اطفـال=رجلن تعـده لا استـوا وستقامـي والادمي مخلوق من طين صلصـال=ما يشيل من كبره يغيـر الاثامـي والي يدور زبـدت السيـل لاسـال=خله يفلي يـا علـي بـا الرمامـي الله من رجلن مـع النـاس تمثـال=يبي يجازيني على اتـلا استلامـي خل الجمل يرجع بحمله يـا جمـال=شعيـل خشمـه مايبيلـه اخطامـي |
خطاك يمكنه يعِِود خطايه
لا قلتلك غلطان يا طير شلوا=خطاك يمكنه يعِِود خطايه حقك على من لا يزنقك حلوا=حلاوتن لضعيف العرف غايه فرقاك عيد وشوف شرواك بلوا=بلوا على غيري وهذا بلايه يعل كسبن من حراويك يلوا=ماعدك الا سوستن في جمايه لقصاك لو اقصاك اعقبك سلوا=ترا الحميه ساس ماهي هوايه لوكان شرك ما يكافيه جلوا=حقك من القرآن موجود با يه جماجم اسنادك من المخ خلوا=وعقالهم ماهم من اهل الهدايه منته بمن يدلي على الجم دلوا=لو قلت بين الناس وش مستوايه القمه القمه عليك انت علوا=تموت وبدايتك مثل النهايه ماهو بعطف العطف مقرون با الوا=اقرا وخلك جاهزن للقرايه |
ياغافر أذنوب المخاليق توبه
نشجب ونستنكر على كل الافعال=ونكرر التصريح في كل نوبه وآمالنا تمسي وتصبح على آمال=والصامل اليا صملت خيروبه تركيزنا و أهدافنا حكي وجدال=والمحترف حول احترافه عدوبه تخالط الاشبال بأشباه الاشبال=تغير الشبل وتغير اسلوبه وزدنا وسمينا هل الكوره ابطال=خطرٍ يجينا من البطولات حوبه منصور يالإتي ومنصور ياهلال=واهل الزمالك وسط مصر اهتفوبه ندفع ملايين ابمثل حبة الخال=اللي من اول ياخذونه بثوبه شيٍّن نشوفه يسطح اكبود عقال=وإلا الكدش كل الحكي مادروبه اللي عروبتهم بها ثلث بنقال=الكل منهم ملتهي في قروبه احوالهم ياعل ماهي لنا فال=وتقديرهم مني ثمانين كوبه يادارنا ياللي بك الخير مازال=بعد الولي فيك الامال محسوبه دامو هل العوجا لنا عز وضلال=حكام شرع الله وحكمه رضوبه نبي نساندهم على كل الاحوال=والشعب كلن يلزمه ما يصوبه يارب تصلح حال الاسلام ياوآل=والعبد يا معبود كفر ذنوبه اسئلك يا خلاق من ضمن من سال=ياغافر أذنوب المخاليق توبه كان العروبه يا عرب هرج وقوال=الله يرحم جد جد العروبه |
راكـب اللـي سايقـه ماضـاق بـالـه
بسم الله الرحمن الرحيم قصيده موجهه لغازي ابن خشمان الحربي والقصيده لموضوع شخص يعز علي وقد بذل ابن خشمان مجهوده وزياده ولاقصر والتقصير عنه بعيد والفزعه ماهي على مثله غريبه
راكـب اللـي سايقـه ماضـاق بـالـه=ماشكـى هـم المسافـات البعـيـده وارد الـــيـــابـــان تــايــوتــاوكــالــه=جيـب لكسـز مـن مـديـلاتٍ جـديـده أطخـمٍ وجهـه يـسـرك فــي قبـالـه=فتنت الـعـشـاق مـاكـنـه حـديــده به شغف غرون مسكت في جماله=به زها الي زاهين عنقه وجيده جيب لاكن جيب عن غيره لحـالـه=يفرقه عنهن مزاياه الـفـريـده شـايـل أوســام التّمـيّـز والاصـالــه=كـم شـاعـر شـاهـدٍٍ لــه بالقصـيـده مـوتــر ٍ مـوثــوق وقـلـيّـل خـمـالــه=والـوكـاد ان قيمـتـه مـاهـي زهـيـده شـغـلـه ياسـايـقـه وأخذالـرسـالـه=برمج احداثيته والدرب سيده دوسله لين انه يسابق ضـلالـه=لاتـــــدرّى يـفــعــل الله مــايــريــده نـحــره تـــاج الـمـعـزه والـشـكـالـه=مـن ينومسني مزايـاه الحمـيـده وكان ماصادفك غط خطي عياله=لوهـواصـغـر ورع بـعـيـالـه ولــيــده لا تـوصـي فــرخ حــرٍ حـــي فـالــه=قـول دوك و عطـه ابــوك ولاتـزيـده ياصـل المكتـوب كـسـاب الجمـالـه=ياعـسـى دنـيـاه وأخـرتـه سعـيـده ذخرللـي زاد هـمـه وإشتـكـى لــه=كـايـد العـسـرات غـــازي ماتـكـيـده ابوعـايـش لرتـكـى للحـمـل شـالـه=سعـد منهـو بالشـدايـد هوعضـيـده مــن تـعـزوى فـيـه مــا دوّر بـدالــه=يـبـذل المجـهـود مايـتـرك شـريــده والوفا لهل الوفا طبع و سـلالـه=يدرج رمز الحميا مع وريده بـــه فـريــق ٍ صاحـبـلـه جامـجـالـه=والزوم يسد عن رد النشيده ودنــا يـسـوق جـاهـه ويعـنـى لــه=طالت الغربه عسـى ايامـك مديـده اربـع الي باقي ماهي اطواله=والفـريـق يطـولـهـا والـعـلـم بـيــده ولا على روس المشاكيل أستحاله=راس قوم ومن هل الاريا السديده وعاش راس الي يقدر من سعاله=نـمـدحــه بـالـبـاديـه والاالـجــريــده |
القصايد كلها للملتقى حصريه
القصايد كلها للملتقى حصريه= ملتقى اللي للقبيلة صفحته صخرها وقفت(ن) ماهي بلا سهله و لا منسيه = يوم من يملك مقر و صفحت(ن) سكرها ما يبي رد الهجـوم بصفحتـه موليـه=والرخامه ماتبـي توضيـح لمفسرهـا ولاهو الحاله تعذر نـاس واجـد زيـه=امس ما يمدي كثير من العرب ينكرهـا ما بقا الا الملتقا للخصـم نـاره حيـه=من قلم مفراص ماص المعتبر سطرها كل غاره با العدا يضهـر لهـا ماريـه=ساطين قـدام تبـرد سطوتـه كررهـا يردف الهجمه بهجمه هجمتـن معنيـه=علت نحور العدا يا طا علـى صابرهـا اسلـم الجنـي علـى يمنـاه والجنيـه=كل قلعه صمموها بصرحهـم دمرهـا يوم وقت الحرب حرب اديارها محميـه=ترتعد فراسن الفريس ما تنحرها ما تروح اعناد لوهي سحـت البرحيـه=وفي لزوم الطيب لا جا الطيب ما نذخرها لابتي هم تاج راسي في نهار الهيه =وروس ما فيها حميه لاهرجت اطمرها كان قلبـك والله انـه جاتـك البرقيـه=والحسد شر القلوب الي بهـا عاثرهـا والوفا والطيب لهل الطيب طبـع ونيـه=وهل الوقفات فرض وواجـب انقدرهـا تمت العشرين قصيـده هنـا حصريـه=بغير هذا الصرح لا تتعب والا تدورهـا ودام قوقل حي مابـه حاجتـن مخفيـه=لو يمر النت كلمـه عابـره يظهرهـا |
مجاره لشاعر سعدالمحمدي
اقتباس:
اسمحلي اجاريك من باب الاعجاب لما تكتب لله درك شاعر مميز بلا شك
بجاريك يا درعن به الدار ما يحتل= عسا الله يبدل مر الايام با الحالي لعل الكريم الي عليه الرجا لاعل=يزيل الهموم وكايد الحمل ينزالي همومك يزحزحها الفرح والفرح يقبل=يصير الفرح بقلوب الابطال مدهالي حرارن عليها العلم ما يقبلون الذل=رجال المواقف للوطن ترخص الغالي تضد العدا لين العدا قدمهم تختل=رجال الشجاعه تعطي الحوثي الصالي شقا الحوثي الحاضي من النار لين ايمل=مايشره عليها والتوالي لها والي يحقق طموحه ملي عينه للزم طل=عقيم وهشيمن ميتن ديدمن بالي وليا زالت الغمه عقود الحبال تحل=ولا فيه عقده ياسعد دون حلالي ترا المهتوي لوطال درب الهواء ماكل=يبي يلحق الي في هوا البال مايبالي نجاريك يا النشمي مجارا خفيف الضل=وعسا فالك التوفيق يا النشمي وفالي |
ميعاد صدفه بلا ميعاد
ميعاد صدفه بلا ميعاد=فرصه سعيده ومبروكه لحضة فرح جالها ميلاد=من غير ترتيب محبوكه اعدها ثالث الاعياد=احلا من السدر والشوكه يقبل لها خاطري منقاد=والروح لروح مملوكه لا غيمت حالت الارصاد=دعواه ما هي بمشكوكه ما طيع به خطر الحساد=لو يصبح الصبح متكوكه يقبل وانا اقبل هوا وعماد=وفتحله ابواب مصكوكه يميل ورد ويذوب اجماد=وغصانه الخضر ممسوكه بستان ماطبه الحصاد=محشوم وخشوم مفروكه بستان ما حافه الصياد=دونه عن الصيد با زوكه |
بدع لجالك فرصه انك اتبدع
بدع لجالك فرصه انك اتبدع=ورقا على روس الجبال الرفيعه وحسب حساب انك بيومن مودع=لو كنت بعروش الحصون المنيعه لو انت فوق الشامخات ا متربع=مدري تصون او ما تصون الوديعه كم واحدن لا شاف شاهوق صدع=تضيق به بران نجد الوسيعه يمسي ويصبح بالغموض امتشبع=ويعيش كاين حي وسط الطبيعه والفرق في طبع العرب والتطبع=بعض الطبوع اتزول باكر تبيعه نبع الزلال ازلال والله منبع=ولا رد قسم وقسمته باالطليعه طبع الزمن مدهر و نوبن مربع=والشكر للخلاق وشكر صنيعه الله يا سبع الليل هو المسبع =والناس بيبان الرجا والقطيعه يلزمك نوب اليا قريلك اتبع=وتبذل من التركيز ما تستطيعه |
وشتكون ان لزم العلم ريميه
وشتكون ان لزم العلم ريميه=راس مال الريم لصيد والرامي التقيد عن هل الدين ماريه=اهل التوحيد والمقصد السامي دربهم ماهو بدرب الهواويه=يا منكست البيارق والاعلامي ياعنود الصيد شف النداويه=وش طموحك في حياتك والاحلامي طول عمرك با المرابي خلاويه=في مقرن مذهبه عشرت اقسامي من ضلال ومترف العيش للفيه=لردا حدك مقامك والاثامي لا عتلاك ابليس يابنت معصيه=دونهم يابنت تاطاك القدامي عل قسمك لاهبن ينجض النيه=لك نصيب وقسم با المسهم الحامي وعل ماتبطين عجله ومضبيه=والله الصارم بتنفيذ الاحكامي زجك الي ما يبي فيك ماويه=وطال عمر اهل الشريعه والاسلامي |
وفيت لا هفيت يا نسل الاخيار=عن الزغيبي با النيابه قصدنا لك الثنا والشكر عن واف الاشبار=ويستاهل المجهود له لجتهدنا الي وقف عن حرب با الموقف الحار=مثل قبيلة حرب الا قصا والادنا يوم العدو من الخنا مدفعه ثار=على العدو لا صمل العلم زدنا ولا هان راس عضيب دواس الاخطار=لا خير فينا كان له ماشهدنا الي سمر راس 000بمسمار=قشع عمد بيته وثبت عمدنا عد الحقايق والوقايع بماصار=تاريخ مجد اجدادنا الي وردنا ويفدا النشاما من توخر ومن بار=وعلى سواعد حرب قامت بلدنا |
النفس لا طابت وقنعت من الشـي=صعبً يجي عقب القناعـه قناعـه لا والله الا هي ماهي ماهـي هـي=تسمـع الـي ماتـود استمـاعـه بعطيك زبدة قول ما قيـل وقـري=صريح طبعي ماا تصنع اصناعـه ما مد للي حاشـت ايدينـك ايـدي=الله يبـارك لـك بكـل البضاعـه رمز الكرم والجود مع حاتم اطـي=مقسوم له من جود مـدت ذراعـه مضرب مثل للجود يضرب مع الحي=حاتم سخا من قل وقـت ومجاعـه والا انت وش ينقصك تكرم وتهدي=بينك وبين الفقر حـروت مناعـه هامور قرش بقايمت درهـم ادبـي=والبورصه تدبل رصيـدك بساعـه ما عاد تدري وش نجيضك من الني=متخالط /ن/ محصول مدك وصاعه ياتيك ريع وجملت المال بـا الفـي=وبا العمر ما عانيت غير الاشاعـه كلش قدم عينـك مذهـب ومطلـي=مدلل ومتـرف بسـن الرضاعـه لكن منت بشي لـو منـت بشـوي=خوتك يا هامـور ماهـي طماعـه خوه بلا مضمون معنا مهـي لـي=ما تتفق مـع خاطـري ونطباعـه نفسي لها شانً من العـز مغـري=شف النفوس الي هواها الرفاعـه ومابيع با النفس العزيزه ولا اشري=وعطتني الدنيـا دروس وقناعـه |
علـــــــــى الاداره لا تغــــــبط الاداره=ترا المــــــــغثه والــــغثا لــــــلاداري ما تعادل الاربـاح ربع الــــــــخساره=دربن يحدك للخساره اجبـــــــــــاري ان كان ما جاملت في كــــــــل تاره=على الرضا منته بويا المـــــحاري تبي تصدا كــــليومن لغــــــــــــاره=مغتاض هذاوذاك شبه انتـــحاري طرحه حسب عرفه ينال الصداره=وليا نقدت الي طرح جاــك زاري من الزعل تقدح عيونه شــراره=وده يولعبك بعبرود نــــــــــــاري ومساء يكن الغيض ويشب ناره=والحقد في قلبه ضهر له مواري ونت ابغنا عنه بصحيح العباره=خلك عضو شاعر رفيقن مباري لا تدور لكسر المكــــــــــسرجباره=يشقيك رجالن على الكسر ضاري بعض العرب شاعر معرف شعاره=لاكن اليا دققت به خنفـــــــشاري يطلع مع الشعار ســـــواق طاره=ماله مع الشعار بشعر طــــــاري لو المعرف يلتزم با الجــــــداره=مافيه لا مجامل ولا به مـــداري انزاح عن بعض الرجال الستاره=الي على ما لون فيها يمــــــــاري اطرف حدث ملحوظ ينفض غباره=ويصير قدام المخاليق عــــــــاري والشعر مبلي مثل بلو الصــقاره=الي بها صار النوادر حــــــــباري من كثر ما هدن بخطو الــــخباره=ومن قل قصاصت جديد الاثاري الطير سكبه شايله با الــــغماره=والي يشيله ما يدان اـــلبراري ويكرم جناب الي مجود وقاره=اقدره وحفظ مقام وو قـــــاري ولا هان من سند علي اختياره=تقدير له لو المجال اختـــــياري ولو اني امصلي صلاة استخاره=ابديت له ما فيه شك اعتـــذاري وجنبت درب البلبله والاثــــــاره=واخيرمن قولي صحيح البخاري |
قل لي وش الراي قل يا حبنا الباقي=شور(ن) من المستشار امشي على شوره جفت جذور الشجر يبسن الاوراقي=والدوحه الي عليها العلم محذوره بضلالها عالم الهاي هاي والراقي=مخصصه باسم ناس وشبه محصوره لو كان ماني مخايل كل براقي=برقن على حروت العارض كشح نوره على حقوق البروق وهقوت الهاقي=قررت ادوس الخطر والنفس مسروره واقبلت واقفيت ما بليت الارماقي=وعلق جهاز الدماغ وثبت الصوره وتخلخلت كامل الصوره با الاعماقي=لو ما تمقلت تفاحه وبندوره من عينتن مالها عينه بالاسواقي=ماهي على كل حال تكون ميسوره الذوق منها اقتبس ذوقه للاذواقي=وتطق بصبع لريميه ومستوره قمه من الذوق وميز با الاخلاقي=تهتز كل المشاعر غصب لحضوره بدر الدجى اللي تعلى علو الا فاقي=شعاع بدر الدجا في شكل با جوره شعشع وشد النظر وهتز خفاقي=شين يخلي ابنادم يفقد اشعوره يسلب طبيعي بشوفه لب الاعماقي=ومشاعر القلب مع طاريه ماموره غموض جوه هو اللي حرك اشواقي=ابشرحه كيف والا كيف ابا زوره ويكفي من الورد ريح الورد با الساقي =يا ديرت الفل واليشموم ممطوره |
الي غلو با الدين فوق الزياده=هفو مهف امقيط من عند يدها طارو على ما قيل طيرت جراده=زمت قدم غر المزون وبردها مادامت الدنيا بمحو الاراده=كانك تقول الاوله وش بعدها كم راس طاح وطيحته من عناده=معدين نفسه حراوي جهدها ما تاب لين السيف جرد اغماده=وطوح بحده هامته عن جسدها تغايده حكم القضا والقراده=وبليس كم غرر بنفس وقردها تراء جهاد النفس لب العباده=ماجور من عانا وصارع كبدها شر القلوب انجا الصحيح البلاده=متبلدة من قل حروت سعدها تبي تذب الدرب حروه وعاده=على مناهج خطت الي مهدها غيرك لك ادروس وعبر وستفاده=الي بدرب السيل قشع عمدها الي طغا وفسد وداهم بلاده=وزعزع ركود الامنين ابلدها يجزم على الباطل وينوي هجاده=كم عين صبحها وعينن هجدها وحرم ذويه من الهنا والسعاده=امه من اسبابه عزت عن ولدها يبي بدم المسلمين الشهاده=شهادة الشيطان للي شهدها مخالفن درب الشريعه مراده=ونفسه على غير الهدايه عقدها على ضلال الضالين اعتقاده=مع منهج الكفار ومر ودها الذل حقه والردا والنقاده=من ساق نفسه للمهونه وجدها امن الوطن قدمه بصبر وجلاده=بيديهم احياظ المنايا وردها وعز الوطن شامخ بعز القياده=اهل العقيده مملكتنا سندها كبر تحت ضل السعود الوساده=عنك الثقال الكايدات اعتمدها وخل الهواء فوقك يذعع براده=لا تشتكي سهر اليال ونكدها كلن يقوم بواجبه وجتهاده=ويشكر كريم بنعمته ويحمدها |
الغرور من العطا با لله قل لي وش عطيت=ما عطيت ان جا الحقيقه لاكثير ولا قليل شخص عادي والا أقل اليا حسبتك كنبليت=مانت زيزوم المعالي مانت كساب الجميل الردا حد ومردك من رداك وماحتويت=لنشاما يا قليل المعرفه مانت ابزميل ادرق ادرق واحدٍ شرواك لا منك بغيت=من ترعرع با الدراقه ما تركها مستحيل طير ليل لوأتخفق لا ضوا الصبح اختفيت=لا تسما با الحرار الشقر وانته طير ليل نعرف البيت العزيز ونعرفك به ماربيت=حرب أهل شيمه وقيمه حرب مذريت الدخيل تاج راسٍ للقروم ولايشيل التاج هيت=من بحر جده منازلهم اليا بيضا نثيل روس قومٍ في بلدنا وروس قومٍ باالكويت=حرب حزات الوازم مرويت حد الصقيل عد راسك في ذراهم عد راسك لاحتميت=عد راسك في ذراهم با المواقف يا الحليل في ذرا سد الجبال الشامخه يوم أهتنيت=أشكر الله ثم قبيلة حرب باالشكر الجزيل لو تعدد فعلهم وافضالهم بك ما وفيت=قمة الامجاد حرب وحرب في راس الطويل لويوهقك البراد يموت راسك ما اغتنيت =لا يهقويك البراد الي قطع راع الصميل الحسايف قدم وجهك ماش قدمك غير ليت=راس تبع من تبوع المجتمع ماله دليل لا شماته لا غرابه كان ضعت ولا اهتديت=النقاده هي هواك وشف بالك ياالخبيل الرخيص الي تهده والرخيص الي بنيت=وش عليه ابنه وهد الي بنيته يا الهزيل من وسع وجهك تتوع الهرج توع ولا ستحيت=الجزيله من ردا شاربك باالجزله بخيل منت متعود على جزل الكلام ولاضريت=لا تسر ولا تضر ولا وراء جهدك حصيل النشاما طبعهم يجهلك لوبعت وشريت=لنشاما يا قليل المرجله مانت بعميل انتها حصر المعاني والقصايد بيت بيت=وللادب مافيه حصرٍ معتمد والا كفيل كم سمعت بساحة الاعلام شعر وكم قريت=وشاعر الجمهور شاعر يزعج الصوت ويشيل |
شاعر ولك قيمه وحشمه وتقدير=قدر الشحم والعود والشاذليه يا ملخص الاحداث صوره وتقرير=تحذير واقع واليالي مديه برحت عن خافي خفايا الخوابير=والدين وصا با التناصح وصيه من خافي صافي بياض الطباشير=اعلنت وبديت النصايح هديه وبينت نبع البير للي يبا البير=ولاعد به عله عليهم خفيه والخير منهاج الوجيه المسافير=واهل الردا هم ساس شر القضيه في قربهم جمرن مثل نافخ الكير=والمجتمع منهم ماهو واهنيه في جاه علام الخفا والمقادير=يخصهم با الشر والشمس حيه با العله الي الطب في وضعها يحير =من صابته حضر بحوض المنيه وبيوتهم تمشي عليها الجنازير=من شان لا يعدون باق البريه والا يهاديهم على نية الخير=والمسلمين اخوان في كل هيه |
كلش على ماقيل من قبل مقيول=ماعاد للشعار شين تقوله كم هاجسن وارد من القيل منقول=قامت تشابه به رموز العموله والرمز با التجديد لاباس معقول=وشين اليا جدد تغير قبوله هذا الهرم باقي كماهو وابا الهول=حضارة اسلاف وعناوين دوله رمسيس له ميزه وعبره ومدلول=وشعبيتة في خاطر اللي عنوله وحنا لنا ميدان عامر ومدهول=بالأوسمه والاحزمه والبطوله من موهبتنا شعبي الشعر مصقول=لو الفضا قامت تقارع طبوله جزل القرايح ما تبا دف وطبول=الكل بالميدان مسرج خيوله الدارج اللايق من الطرح مقبول=واشادة الابداع في كل جوله قاف القصيد وزبدة العلم مفتول=مشيدن مبني على حسب اصوله بابً عن اهل النقد مغلق ومقفول=نقادة الشعر الصحيح شهدوله ولا الشعر في ساحة الشعر مسؤل=ولو ينحكم كل العقود محلوله وزنٍ على اللي يجهل الوزن مجهول= با الموهبه من لا ادركه ما ينوله مستصنعه الابداع والشعر مبدول=اهل الغشش با المجتمع صفقوله اليا حضر قمه وليا راح بهلول=يستانسون اليا كبعتبه ذلوله جبلةٍ فيها اكثر الناس مجبول=ونفسه عليها باركه ومعقوله بالمجتمع منهم نموذج ومقلول=والاغلبيه شعر زايد رجوله يهد فكره هدت الصقر بالجول=قد قاله ابن افطيس قبلي واقوله مثمن المنطق حلا وبل هملول=وليا هرج كل الرجال انصتوله يطول التعبير ماهو بمملول=والشاعر الموهوب واضح ميوله ماهو مقيد هاجس الفكر مشلول=يوم ان هاجوس اكثر الناس هوله |
الساعة الآن 09:24 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir