|
انت.....وانا.....والكلام...ابداع
السلام عليكم ورحمه الله وبركاته
انت وانا والكلام ابداع = والقيل يحي ليالينا اما انتكلم عن الاوضاع = واللاء انتكلم بما فينا |
صح لسانك كسرة رائعه والله يـعـطـيـك الـعـافيـــــــــــة بيض الله وجهك |
اقتباس:
وعليكم السلام ورحمة الله وبركاته
اثنيننا فالبحر له باع=نسري على النجم للمينا والسوق ما حيّر البيّاع=وللمشتري حق يا اخينا |
اقتباس:
ابحر بمركب بدون شراع = فالوقت ضيع امانينا ودام الهوى فالقلوب اقناع = لا وين الود يعضينا |
ماشاء الله خفت الصخونة هههههه فالك العافية بدع رائع يابو معاذ ورد اروع من هزيم سهرة إبداعية مع مبدعان متابعين لهذا الأبداع |
اقتباس:
صح بدنك يالغالي وجهك ابيض وشرفنا مرورك |
اقتباس:
اللوم ما يجبر الملتاع=اللي من الوجد ناصينا بحر الهوى نعرفه خدّاع=لكنه الشوق يرمينا |
اقتباس:
الله يعافيك يا شمات هههههه وشرفنا مرورك العطر يابو محمد |
اقتباس:
اثنينهم فالبلد صناع = البخت وهذا البحر زينا شوقي غدا يطرب السماع = لمكحل العين يازينا |
ابو معاذ - ابو سلمان
ابداع - ابداع متابع الفن الراقي تحياتي لكم |
اشكر كل من مر هنا وإن شاء الله نكون عند حسن الظن
اقتباس:
اللي انكتب هل عليه إجماع؟=لا وين تبغى توديينا الزرع في سرّة الزّراع=نزرع ليا سال وادينا |
اقتباس:
مرورك ومتابعتك يالغالي |
ابو سلمان دقة الساعه
وعندي دوام ولي عوده |
الزرع فـي سـرّة الـزّراع = نـزرع ليـا سـال وادينـا
نعم - نعم صح لسانك يابو سلمان تحياتي |
حياك يا ابو ياسر وشرفتنا
الله يسهل امرك يا ابو معاذ نلتقي على خير وتواقين للقاءك |
اقتباس:
الله 000الله اللي انكتب هل عليه إجماع؟ اللي انكتب هل عليه إجماع؟ مطلع للختام عالي المستوى ================= نزرع ليا سال وادينا نزرع ليا سال وادينا نزرع ليا سال وادينا وقفلة ختامية كااااايفة واللحن كامل لاينقص مستوى محاورة كبار كبار وابو ياسر أيد ذلك بنعم نعم ولا اخلفه الرأي |
يسلااااااام يسلاااااااام
ابو معاذ - ابو سلمان ابداع - ابداع متابع الفن الراقي تحياتي لكم ولازال للابداع بقيه |
اقتباس:
ومرورك المشرف ابو سلمان يشرفني محاورة شاعر بحجمك
تاجر معاني فقدله صاع = ان يوزن القول يوفينا؟ ترسل لنا حرها بشعاع = الشمس. وعدنان مع لينا |
ابن وازن = انت وانا والكلام ابداع = والقيل يحـي ليالينـا اما انتكلم عن الاوضاع = واللاء انتكلم بما فينـا هزم الرعد = اثنيننا فالبحر له بـاع = نسري على النجم للمينا والسوق ما حيّر البيّاع = وللمشتري حق يا اخينا ابن وازن = ابحر بمركب بدون شراع = فالوقـت ضيـع امانينـا ودام الهوى فالقلوب اقناع = لا ويـن الـود يعضينـا هزيم الرعد = اللوم ما يجبر الملتـاع = اللي من الوجد ناصينا بحر الهوى نعرفه خدّاع = لكنه الشـوق يرمينـا ابن وازن = اثنينهم فالبلـد صنـاع = البخت وهذا البحر زينا شوقي قد يطرب السماع = لمكحل العيـن يازينـا هزيم الرعد = اللي انكتب هل عليه إجماع؟ = لا ويـن تبغـى تودييـنـا الزرع فـي سـرّة الـزّراع = نـزرع ليـا سـال وادينـا ابن وازن = تاجر معاني فقدله صاع = ان يوزن القول يوفينـا؟ ترسل لنا حرها بشعـاع = الشمس. وعدنان مع لينا |
الشاعر الفذ بخيتان البشري تشرفنا بتواجدك وتعليقك اللطيف والجميل الغالي والشاعر ابو مبارك تواجدك نفتخر به ونسعد بهذا اقتباس:
ما عليك زود يا ابو معاذ وانا من يتشرف بك
خوفي حسد بيّن الأطباع=يحميك ربي ويحمينا والدرة اللي فبطن القاع=ما اظن تعرف اسامينا |
الساعة الآن 06:33 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir