يانجم ياللي بالسما تلهب إلهاب=نورك رغم طول المسافه وصلي
عالي ومتعلي على كل مرقاب=دايم على كل البسيطه مطلي
سبحان من خلاك باهر وجذاب=تخزي بليس وللمسافر تدلي
يانجم أنا باسألك دام إننا أصحاب=عشاق ليل من السهر مانملي
ماشفت ماعينتلي زين الاهداب=اللي أخذ عقلي وقلبي وكلي
الجادل اللي ولع القلب ثم غاب=اللي يتل علاقة الزول تللي
هذاك خلي سيد تلعات الارقاب=سبحان من سواه عز وجلي
هو الذي غير مضامين الاعراب=من السكون لحكم ليت وعلي
من أول(ن) للود ماحسب حساب=داله وعن درب الموده مولي
مااعرف سهر الليل ولاعندي أتعاب= مطوع(ن) في الوقت صايم مصلي
واليوم من عقبه غدى القلب منصاب=ودموع عيني فوق خدي تهلي
أفرح ليا شفته وازعل ليا غاب=ولاأهنى بطعم الزاد من دون خلي
الله يكافينا البلاوي والاسباب=طيفه يضيع خشعتي يوم أصلي
لامر في عيني أضمه بالاهداب=وأرحل معه في كوكب(ن)مستقلي
ليه وله لغيرنا مافتح باب=مافيه مخلوق(ن) لقاله محلي
عشاق في عالم محبين واحباب=واغلى ترانيم الهوى تستهلي
طيفه يسليني وكلي به إعجاب=ولوكثرو العربان مالي مسلي
مع العرب جالس بلا مخ واعصاب=مع العرب ماغير جسمي وظلي
ياويل قلبي من هوى الزين ماطاب=ولافيه أحد يوصل حبالي بخلي
دقيت لجل الوصل جميع الابواب=لكن وصل حبيبي ماحصلي
مدري متى بيجتمع شمل الاحباب=والهم والغربال عنا يولي

المشاركة الأصلية كتبت بواسطة محمد بن صالح بن حصيّن (المشاركة 660247) [type=771460]صح الساك وبيض الله وجهك دمت بحفظ الله ورعايته........تقبل مروري[/type]

المشاركة الأصلية كتبت بواسطة وليف الشوق (المشاركة 660894) الاخ القديرالشاعرسامي البلادي صح السانك ودام الله عزك وبيض الله وجهك نسلم على هذي القصيده الجزله بجزالة صاحبها الله يعطيك العافيه تقبل تحياتي وتقديري

المشاركة الأصلية كتبت بواسطة عبدالله عتيق الحنيني (المشاركة 660971) صـــح الســانك مليــون صــــح الســـانـــــــك قصيده ثمينه ومعانيها جزله تحياتي

[table1="width:95%;"]

[/table1]

---

المشاركة الأصلية كتبت بواسطة شوق نجد (المشاركة 663407) [table1="width:95%;"]

سا مي البلا دي صح السا نك وبيض الله وجهك

شاعرنا القدير
سامي البلادي
صح لسانك وبيض الله وجهك
قصيده رائعه بروعة حظورك المميز
بنتظار جديدك الرائع لك التحيه والتقدير