قم يانديبي واخذ جل الرساله = وصّل سموه من تعابير وانشاد
وهل القصيد اللي من اجله بداله = وخلك بصوتك ذرب ياقرم الاولاد
وصّل سلام الله سلامٍ عناله = ومن واحدٍ لخبار سلطان نشاد
يامرحبا كبرالجنوب وشماله = ترحيبةٍٍ من صادق القلب تنعاد
تحيةٍٍ للي وفيّ ٍ خصاله = ريح الخزامى بين نفحاتها زاد
وان كان قول الشعر قصّر مجاله = لابارك الله فيه مابيله افياد
لاصار مايبدع لراع الجماله = يحرم علي القاف بدعه والاعداد
ابي لبو خالد ينومس مقاله = يبدع لحرٍ تفتخر فيه الاحفاد
اليوم طاب الكيف توه نقاله = لكن جودي ياقصيدي بالاجداد
وشاشت وقالت كيف لك قلب داله = ثم قلت ماوالله تهنيت برقاد
من يوم سافر كل نبضٍ غداله = وانا احمد الله يوم رده للبلاد
لكن جوديلي بزين الجزاله = جزل القصيد اللي لسلطان قصاد
ارويني ابشهده لحد اكتماله = مثل مايروي بارد الماء للاكباد
واصفي بغيّن صافين وان صفاله = صفي القلوب اللي لسلطان تزداد
ولفي مثل صفرٍ على اللعب تاله = ترقص طرب لفعول حيي والاجداد
ربعي حمول الخيل واهل الشكاله =من حرب حرب الروم بالسيف وزناد
افخر بهم فخر البدو بالاصاله = وفخر الملوك اللي على الطيب تنقاد
واشكرك ياربي عزيز الجلاله = انك شفيته وانته الخير وعماد
استبشري يادارنا في كماله = يومٍٍ حظر به كنه العيد واعياد
رجع علينا اللي حسينن قباله = اللي كمل بالشكل واخلاق وامجاد
يالله عسى الصحه تدفق بحاله = تضفي على جسمه ويهنابه الزاد
سلطان سلطان الوفا والعداله = جاد بيمينه يوم لطيب معتاد
ينفق على الاطفال من حر ماله = رحوم يرحم من تبلّته الاضهاد
متواضعٍ لناس ياطول باله = متبسّم ٍ يفداه رديان واحساد
حكيم راين لاتصعّب جداله = يرسي كما اجبالٍ طويلات ٍ اشداد
زعيم لاكن بالزعامه بساله = خطل اليمين اللي على روس الاشهاد
وريث مجد العود فعل ونفاله = غيثٍ لمن حبه وضدٍ للاضداد
يعطي ولاتدري يمينه شماله = اثر الكرم خصله على بعض العباد
واختم جواب اللي بعيدٍ اماله = مدام روح العبد تاليه الانفاد
يصعب عليه ولاتحقق مناله = لكن على الله والولي خير الاسناد