|
اللغز (432 ) يزرع كثير الخوف بقلوب اهلها= محلول الجدري= من عبدالله الفريدي
لغز قديم
انشدك عن رجال ياوي رجال== اليا رحل عن ديرتن مانزلها وليا نزل في ديرتن جاله افعال == يزرع كثير الخوف بقلوب اهلها الغز منقول وقديم عمره حول عمر لغز ابوزياد |
يامرحبا يابو مشاري
ولاهنت طال عمرك على اللغز الثمين |
مرحبا اخوي سعد وصح لسانك وش رايك في المرماع ( طلق البندق( القفش) والرصاص اللي فيه ))
وشكرا لك على اللغز الجزل وصح لسانك ولسان قايله والله يمتع بعمره كانه حي ويرحمة كانه متوفى |
هلا ومرحبا ياسامي وصح بدنك وراع الغز انا معرفه لاكن الله يقبل دعوتك اما المرماع مالك لوا
|
طيب اخوي سعد وش تقول في ( السيف وجرابه أو السحاب والمطر)
|
الرمعه مالك لوا ياسامي الفكر
|
لاتروح بعيد ياسعد
وش رايك بالجراد ابا الثريا يالغزي |
لغزك ذبحته باول رمعه ولغزي اللي جبت فكه الله منك بالرمعه الاوله والثانيه الله وعلم انه يسيل دمه منك ولا من غيرك
|
السيل
والله يجيب الخير ويجعل فيه بركه |
الذاري الله سبحانه والله اني ماحسبته ياخذ كل هالوقت والرمعه الثانيه مالك لوا
|
سبحانه البارئ
طيب الضد للمطر والسيل العجاج الله يبعده عنا |
لاتنسى الرمعه الثالثه مالك لـــــــــــــــــــــــــــــــــوا والضاهر اني ابمتحنكم باللغاز القديمه
|
تصبح على خير
|
اخوي سعد وش تقول في ((( القلب والدم )))
|
اخوي سامي مالك لوا
|
اقتباس:
مرحبابك ياسعد وصباحك ورد وياسمين وش رايك في المسيح الدجال |
فيك المهلا ياراعي هلا والله ايمسيك ابكل خير اما الرمعه مالك لوا
|
حياك الله ياسعدوشرايك بالملك الجاير اوالسكر اوالغضب
|
اخوي سعد وش رايك في صاروخ اسكود
|
حياكم الله جميع والرمعات مالكم لوا
|
ياسعد الله يمسيك بالخير
وشرايك با الاستعمار او الاحتلال |
الله ايمسيك بكل خير والرمعه مالك لوا
|
انا رمعتي الداب او الضرس
|
مالـــــــــــــــــــــك لوا
|
السلام عليكم ورحمة الله وبركاته
ومساكم الله بالخير الجميع وعيدكم مبارك وكل عام وانتم بخير لو كان متاخر ابو مشاري لاهنت على هذا النقل الجزل وصح لسان صاحب اللغز الرمعه وش رايك ((الايمان)) وهو اللي يزرع مخافة الله في قلب صاحبه ورمعه ثانيه احتياط(( الحياء)) |
وعليكم السلام ورحمة الله وبركاته
وكل عام ونت بخير وصحه ويالله حيه اما الرمعات مالك لوا |
وش رايك بالنجم اذا هوى
|
الله يمسيك بالخير يابو مشاري
لق يمي جاي طال عمرك والرمعة (( الجدري )) |
نبراس حرب مالك لو
|
يابو زياد لقية يمك وقرية رمعتك وين انت عنها من هالمده صح السانك الجدري من اول يخوف الفريق كله اذا حل بهم ولا هالحين ابنعمه الحمدلله عليها
|
وش رايك يابو مشاري ((بالسيل )) العارم اللي يجي من بعيد
|
سعد الله يعطيك العافيه وش رايك با الدهر اللي يحل بعد جفاف الارض
اومرض الجدري 0 او العنقز |
يابن جمران الغز حله الجدري والغز ماهو لي لاكن حسب عرفي ونت ابخص انه مليان لان السيل يجي امرار ومرار لاكن الجدري اليا صاب احد نجى بذن الله منه واليا جا الفريق خافو منه خوفن شديد لانه قليل الي ينجي منه والبيت ايقول يزرع كثير الخوف بقلوب اهلها وتقبل تحياتي انت ومن يسمع ويقرى
|
بيض الله اوجيهكم يالربع
وياجماعة الخير اللغز انحل وحله وارد وهو الجدري |
مرحبا بك اخوي وش تقول( بالسيل المحجوز بالسد والسد عندما ينفجر )
|
بعد كتابه الرمعة السابقه جت ببالي رمعة ثانية وهي ((( البركان ))
|
اقتباس:
المعذره لم ارى الحل إلا بعد كتابه الرمعة هذه والتي تليها وشكرا |
لغز مليان
بيض الله وجه راعيه وجه اللي حله ووجه من شارك فيه |
الساعة الآن 05:30 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir