|
نقصها من زودها بحمولها واسباب يدها
السلام عليكم جميعا ورحمة الله وبركاته
وكل عام وانتم بخير وصحة وسلامة طاروق معايدة لشعار اذا فيه شعار الليلة
مرحبا ترحيب وافي عد براق الرعودي= كلما خيلت وحده جاتك اللي من بعدها
والجمال اللي تشيل الحمل به نقصن وزودي= نقصها من زودها بحمولها واسباب يدها (smok)(good)(good)(good)(good)(good) |
يا المرحب قوم سلم خلها حسب الجدودي = سنة محمد ترانا مانغيير في سندها
الجمل وان طب ديره يمكن انه مايعودي = في ديار القوم ماتبنى بيوت بلا عمدها (good)(good)(good)(good)(good)(smok) |
الله 00000الله بيض الله وجيهكم شاعرنا ورقان وشاعرنا الفرسني ومتابعين عسانا نتعلم منكم واكيد اكيد إن شاء الله الجميع منكم ومن إبداعكم يستفيد |
الاخ بخيتان البشري
بيض الله وجهك على هذا الكلام الجميل وبالنسبه لي انا بالعكس انا اتعلم منكم وليس انتم الذي تعلمون مني لكن هذا تواضع منكم |
ارررررحب يالفرسني وصح السانك
مانغير سنة الاسلام نوفي بالعهودي= وردها فالدين واجب قرها والا جحدها
من نزل في ديرة الاجواد من طبعه يجودي= ومن نزل في ديرة الحساد يبلش في حسدها (good)(good)(good)(good)(good) |
مرقبنا بخيتان البشري
صح بدنك والابداع في حضورك العطر والاستفادة متبادلة طال عمرك ومن مثلك وشرواك اكثر |
سرها مسرى الذيابه لين تاصل للحدودي = خلها من شافها بالليل ينهض ويعمدها
خلها تجلس لهلها وانت عنها بالسنودي = ويش تبغى في ديارٍ ماتنومس من قصدها (good)(good)(good)(good)(good) |
الزم اشداد المطيه دام قايدها يقودي = تتبع ادروب الجمل وتسوقها والا تقدها
ولا تعدا في حدودك لجل ما تعدا حدودي = كان تبغا حلوها وتعيش برا عن نكدها (good)(good)(good)(good)(good) |
من نزل في ديرة الاجود من طبعه يجودي==ومن نزل في ديرة الحساد يبلش في حسدها سرها مسرى الذيابه لين تاصل للحـدودي==خلها من شافها باليـل ينهـض ويعمدهـا الله الله قاف قادح ياورقان صح السانكم شعارنا ورقان والفرسني شعراء متمكنين لاهنتم ابدااع في ابدااع واصلوووو وانا تراي جمهور شدو حيلكم النار تكفون نبي نستمتع بهالطاروق والغالب والمغلوب في الاخير كلهم اخوان |
اقتباس:
شاعرنا طامي صح بدنك والله لا يهينك على الحضور المشرف متابعتك تشريف وتزيد النار حطب والمقصد كله التسليه والاستفادة من بعضنا البعض وكلنا ابنا عمومه ولا شك كل الشكر والتقدير |
كم شاعر يا جبل ورقان يغث الكبودي = والعدود اطوال مايشرب ماها من وردها
المزون مخيله لكن مانسمع رعودي = يوم شفت خيالها قلت المطر يسبق رعدها (good)(good)(good)(good)(good) |
بيض الله وجهك يا طامي شرفت
|
ياوجودك يالمعنى وجد ما مثله وجودي= وجد من يتبع له حاجه ثم عود ماوجدها
و لا توخر ياجملنا يوم ورت العدودي = طابت اكبود العرب والا تعافه من كمدها (good)(good)(good)(good)(good) |
الله يعز مقـدارك اخوي ورقااان عزالله انـك وافي ومن شعراءنا اللي نفتخر فيهم باخلاقه وروحه الطيبه وبجزالت شعره ونضف معناه والشرف لي والله راحت مزارق طيب هههههههههه خلاص انااااااااااا بصفـك |
اقتباس:
ما عليك زود يالطيب ووجودك بصفي شرف كبير لي |
اخوي الفرسني تشرفت باللعب معك
اسف على الخروج الان للضرورة ونلتقى وقت اخر ان شاء الله |
خلاص بكره الووووعـد معوض خير بالليله يالفرسني |
ورقان والفرسني صح الله لسانيكما وقاف قادح على قول طامي محاورة ممتعة منكما شاعرينا بارك الله فيكما مبنى ومعنى سعدت بمروري وتصفحي وكل عام والجميع بخير تقبلا وي واحترامي |
السلام عليكم ورحمة الله وبركاته
وكل عام وانتم بخير جميعاً صح لسانك يا الأخ العزيز والشاعر القدير ورقان وصح لسانك يالشاعر القدير الفرسني محاوره رائعه وراقيه بمعانيها ومحتواها باركـ الله فيكم وسدد على طريق الخير خطاكم لكم جزيل التحية والتقدير والأحترام والى الأمام |
الاخوان سالم البشري ورفيع المقام مروركم شرف بيض الله وجيهكم
|
[table1="width:85%;background-image:url('http://www.alhroob.com/vb/mwaextraedit2/backgrounds/200.gif');background-color:darkblue;border:6px groove sandybrown;"] | [/table1]شاعرنا الجزل والمبدع ورقان وشاعرنا الجزل والمبدع الفرسني صحت السنتكم لاهنتم محاوره جزله وابداع وتميز من الطرفين وهذا ماتعودنا عليه من شعراء ملتقى قبيلة حرب الشامخ اسجل اعجابي اللامحدود بهذه المحاوره وبكل حرف تخطه اناملكم سلمتم ودمتم وادام الله لكم هذا الابداع والتميز |
اخوي مضحي تشرفت بمرورك وانا ليس قد الكلام الذي كتبته لكن هذا تواضع منك ولايسعني الا اقدم شكري لك عني ونياباً عن اخوي ورقان ولايفوتني ان اشكرك على التنسيق الجميل ولاهو غريب الطيب من راع الطيب
|
الاخوان الاعزاء
سالم البشري رفيع المقام مضحي بن جمران كل الشكر والتقدير على تفضلكم بالمرور وكل الشكر والتقدير على تشريفي بكلماتكم التي تعكس رقي اخلاقكم وتواضعكم |
الساعة الآن 05:06 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir