وين أنت يامصلح لك أيـام وشهـور=بالمنتدى مالـك مـع النـاس جـره
وانته يابن بـراك رجـال مشهـور=بالشعـر عالـم يابـن الاجـواد ذره
أغيابكـم ياصاحبـي شـي منكـور=وحضوركـم صاحبـك جـدأ يسـره
مادام راعي كـور لاتتـرك الكـور=الوقـت لايشقيـك بــرده وحــره
أنا ادري أن العبـد منهـي ومأمـور=مأكـل وقتـه يازميـلـي مـسـره
أيـام فيهـا دالـه البـال مـسـرور=وأيـام خيـره ماكفـى عنـه شـره
هذا نداء عاجل كتبتـه علـى الفـور=يمكـن يابـن بـراك صدفـه تمـره
وان صار مانع يا ابيض الوجه معذور=معـذور يامصلـح ثمانيـن مــره
عبر البواسل جاكـم العلـم منشـور=من واحدأ مبدى على النـاس سـره
مسلم مسالم ماوطـا شـي محـذور=يصد لأحصـل علـى النـاس غـره
تمت فداك من البشـر كـل مغـرور=اللـي لهـم بالعيـب كـره وفــره

يامرحباترحيب جهـري ومستـور=
= باللي حضـوري فالبواسـل يسـره
سعدبن دومـان بالطيـب مذكـور=
= لـه خوة"ترفعـك فـوق المـجـرة
حقي على اللي مروالقاف منشـور=
= لوردلـي بالحـال قافـك نـمـره
وإن كان تسـأل كلنابخيروسـرور=
= عسـى سنينـك يالبناخـي مسـرة
من حقـل لاحايـل لخيبروهالـدور=
= لاما وصـل راع الحجـاز لمقـره
في دار من ياسم علـى الخدباكـور=
= لامـن آمــان ولاكسبنامـجـره
سود الوجيه مخاويـة كـل مثبـور=
= ودي عليهم بالـف كـرة وكـرّة!!
والقاف ياذيبـان لـك فيـه بابـور=
= يرسـي معـك واليابغيتـه تجـره
تغوص فيه بحور وتجفّـف بحـور=
= وتطلـع لـنـا بالفـيـن درة ودرّة
ولاصرت في سدة بني حرب ناطور=
= نرقدبأمـان ولانخـاف المـغـرة
وصلاة ربي عد ما شعشـع النـور=
= على الرسول اللـي غمرنـا فبـرّه

المشاركة الأصلية كتبت بواسطة صائب الرأي (المشاركة 583129) صح لسانك و لسانه .. كلكم مبدعين ,,,

المشاركة الأصلية كتبت بواسطة ابو صقر الحربي (المشاركة 583144) صح السنتكم مددا بلا عدد وبيض الله وجيهكم الاخ سعد المحمدي قصيده رائعه جدا ورد اكثر من رائع سلمت ودمت اينما كنت

المشاركة الأصلية كتبت بواسطة عبدالله الفريدي (المشاركة 583155) الشاعر الوفي / سعد المحمدي صح لسانك وبيض الله وجهك ولاهو غريب الوفا منك وسؤالك عن اخيك أو صديقك دليل على نبل اخلاقك تشرفت بأطلاعي على هذه المساجلة الاخوية النبيلة

المشاركة الأصلية كتبت بواسطة فهد الغانمي (المشاركة 583158) صحــت السنتكــم دمتم برعاية الله وحفظة

المشاركة الأصلية كتبت بواسطة الفرسني (المشاركة 583170) سعد المحمدي والله ابداع بيض الله وجهك ورد جميل من مصلح

المشاركة الأصلية كتبت بواسطة البارق الوسمي (المشاركة 583207) صحت السنت شعراءنا مبدعين جميعكم قصائد أكثر من رائعه والله ونعم بالمحاميد جيعهم وسعد منهي لابته تقبل مروري المتواضع تحيتي وتقديري

المشاركة الأصلية كتبت بواسطة نافع الحربي (المشاركة 583212) الأخ الشاعر الكبير المبدع سعد المحمدي صح لسانك وبيض الله وجهك على هذه الدرر الثمينة وهذه المساجلة بينك وبين الشاعر مصلح لقد استمتعنا في تلك القصيدتين الله يعطيك العافية ودمت بكل خير :

المشاركة الأصلية كتبت بواسطة صقر المراقيب (المشاركة 583333) صح لسانك ياسعد وهذا يدل على وفاك وصح لسان مصلح والله استمتعت بقراءة البدع والرد

المشاركة الأصلية كتبت بواسطة خالد الحصني (المشاركة 583616) صح الساانك يا سعد المحمدي وصح السان مصلح المحمدي كلكم شعراء متمكنين ماشالله عليكم

المشاركة الأصلية كتبت بواسطة ابوخالد الفريدي (المشاركة 583645) سعد المحمدي قصيده رائعه ورد رائع بيض الله وجهك وصح لسانك ولسان اللي رد

المشاركة الأصلية كتبت بواسطة وليف الشوق (المشاركة 583869) الاخ القديرالشاعرسعدالمحمدي صح السانك واعتلا شانك وبيض الله ورفع قدرك تسلم ياالذيب على هذي القصيده الجزله والرائعه بروعة حضورك الله يعطيك الصحه والعافيه وايضا صح السان الشاعر على الرد الجميل وبيض الله وجه تقبل تحياتي وتقديري