|
ابيات لها مغزى
بسم الااله المنفرد في صفاته = اللي خلق دنيا تجدد عبرهــا ابدا كلام عارف سابقـــاته = وأوآخره عند المقرر خبرها ابا اشرحه في سيته واحسناته = من غير ذكر امور الله سترها واسند على نايف واخصّه بذاته =آخذ معه واعطي بامور يخبرها يابوطلال العلم فيه التفــاته = راجع حساباتك وعدّل صورها يا لطيب اللي ماتزعزع ثباته = ترى العقول اليوم تسبق نظرها العلم خلّه في محلّه وهاته = وليا حضرت المشكله لاتحضرها ولا تأخذ الدنيا بعنف وشماته = اليا كسرها فلان ربك جبــرها وان شفت رجال تلحف عباته = خلّه ونفسك عزّها لاتحشــرها ومن دار لك ظهره وغير مباته= لاتناقشه مادام رجله قصرهـا الرجل يالطيّب عيونه مراته = اشياءتجيك بضر جنّب ضررها وترى المصلي ماتفيدك صلاته= لوحاول ان الطايله يحتكرهــا وكم طيب بعض المواضيع فاتـه= الله يعمر الدار واللي عمــرها |
صح السانك يا بو خالد ولي عوده ان شالله
|
صـــح لسانكـ يبو خالد قصيـــدهـ رائعه وجزله وان كان فيه رد ياليت تجيبه لاهنـــت وبيض الله وجهكـ تقديــــــــري واحترامــــــــي |
وان شفت رجال تلحف عباتـه= =خلّه ونفسك عزّهـا لاتحشرهـا ومن دار لك ظهره وغير مباته= = لاتناقشه مادام رجلـه قصرهـا بيض الله وجهك يابو خالد على هذه الدرة الجميلة لقد تضمنت من معاني الحكمة الكثير لاهنت يابو خالد على هذا الأبداع المتدفق : |
صح لسانك
كلماتك غايه في الروعه أحييك على هذا البوح المتميز دمت ودام شعرك وبوحك |
بسم الااله المنفرد في صفاته = اللي خلق دنيا تجدد عبرهــا ابدا كلام عارف سابقـــاته = وأوآخره عند المقرر خبرها ابا اشرحه في سيته واحسناته = من غير ذكر امور الله سترها واسند على نايف واخصّه بذاته =آخذ معه واعطي بامور يخبرها يابوطلال العلم فيه التفــاته = راجع حساباتك وعدّل صورها يا لطيب اللي ماتزعزع ثباته = ترى العقول اليوم تسبق نظرها العلم خلّه في محلّه وهاته = وليا حضرت المشكله لاتحضرها ولا تأخذ الدنيا بعنف وشماته = اليا كسرها فلان ربك جبــرها وان شفت رجال تلحف عباته = خلّه ونفسك عزّها لاتحشــرها ومن دار لك ظهره وغير مباته= لاتناقشه مادام رجله قصرهـا الرجل يالطيّب عيونه مراته = اشياءتجيك بضر جنّب ضررها وترى المصلي ماتفيدك صلاته= لوحاول ان الطايله يحتكرهــا وكم طيب بعض المواضيع فاتـه= الله يعمر الدار واللي عمــرها الرجل تعرف سيرته من سماته = ولاتقيّم وجيه الرجال بشعـرها كل رضي ممشاه ومواصفاته = والناس في بعض الامور تعذرها الا الذي يهوي عليك بحصاته = ذا عقّبه يمناه لين تعسرها والشي دايم لذته في طــرا ته= واهل العقول اليوم تاخذ حذرها وصات من هو مخلص في وصاته= فكّربامورك والدروب اختبرها |
هذا رد نايف اجربوع الطريسي
ــــــــــــــــــــــــــــــــــــــــــــــــــ ــــــــــــــــــــــــــــــــــ
حي الجواب اللي طلع نايفاته = ما قهقره طول الجبال ووعرها والله ان فيه بيوت تزيد على الخمسه ضاعت مني واعتذر من الشاعرمن شاعر مارس وعصر حياته = خطط ووصط غايته واختصرها من عند ابو خالد لفت مرسلاته = بشذى الزهور اللي شذاها غمرها مغيب القاموس من معجزاته = وعنده لغة كشف المواهب ذخرها كلام وافي محكمه مبهماته = وضرب على حساسها مع وترها حلحيل حل المستحيل امنياته = لين الجزيله بالصقيله نحرها وطلب احساباته وهن واصلاته = واقفال محروس الخزينه كسرها وانا رصيدي فيه عندي ثباته = واخشى الخساره واتحاشى خطرها واما الخبر جمعت باقي رفاته = وميزة بطن السالفه من ظهرها وخليت اخو مره ضحية خواته = خايف على نفوس الكرام يغدرها يطرد مجاهيمه على صافناته = وماجاز له من سود نوده عقرها وترى الحديث وصحته من رواته = والذاهبه تلفى على راس اثرها وكم عاقل حاول يثبت براته = وادان نفسه مادرى انه عثرها وكم ميت مات وبقت ذكرياته = وكم حي ضحى بالحياه وهجرها والرجل حي ليا حفظ واجباته = ويبكي على جثمانها من قبرها نايف ومن القراء الكرام. |
خالد الحصني
الفارس نافع الجربي ابو مشعاب اشكر لكم حضوركم الذي يشرفني ويشرفني ايضا قراءتكم لقصيدتي ونزولا عند طلب اخينا الفارس الحقت الرد واكملت في القصيده مانقص منها وهي ثلاث ابيات وقصيدة نايف فيها ابيات ناقصه نسيتها |
الاخ ابوخاد صح لسانك وسلم بنانك وصح لسان نايف جربوع الطريسي تقبل تحياتي |
|
, الاخ ابوخالد والاخ نايف جربوع الطريسي , صحت السنتكم وبيض الله وجيهكم مع التحيه |
اقتباس:
صح لسانك يابو خالد لك مني اجمل تحية |
راجح الغيداني
فهد الغانمي ابوفياض النويمي عبدالله الفريدي اشكر لكم حضوركم وتاييدكم فلي في ذلك شرف ومروكم وسام لاهنتم يالوجيه الغانمه |
الاخ ابو خالد صح لسانك ولسان الشاعر نايف
الله يبيض وجيهكم قصايد قيمه من شعار كبار |
سلمت ودمت ياسعد مثلك شهادته وسام الله يطول عمرك على طاعته
|
صح الله لسانك يابو خالد
راعي فكر وأدب ومعرفة وجزالة وحكمة وصح لسان الشاعر نايف |
الاخ القديرالشاعرابوخالدالفريدي صح السانك مليووون وبيض الله وجهك ملالالاييين تسلم على هذي القصيده الرائعه والجزله بجزالتك ياراعي الفكر والادب والحكمه والمعرفه الله يعطيك الصحه والعافيه اسجل مروري واعجابي على هذي القصيده الجزله وايضا صح السان نايف وبيض الله وجه تقبل تحياتي وتقديري |
أخي العزيز / وليف الشوق
هذا الاطراء منك شرف لي ومروك تكريم كلماتك تدل على ذوق رفيع اشكرك ياطيب ولك مني خالص التحيه |
الساعة الآن 08:08 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
