بخيتان البشري=
سلام من صادق إحساسي=يرقى معك للمعالي فوق
ياللي لكم قيس وقياسي=ومطوقين المعاني طوق
أحمد العمودي=
ترحيب وانته علي راسي=ياللي لكم في ضميري شوق
اناسوات الجبل راسي=منك انتظر جيد المنطوق
بخيتان البشري=
شرواك له قدر نوماسي=عسى البقا يارفيع وذوق
أنا كما الصاعقة باسي=اشكي عليكم أسى وحروق
أحمد العمودي=
أسمك مسجل في كراسي=والبيع والمشتري فالسوق
مادام ملبوسك اللاسي=وش هو سبب قلبك المحروق
بخيتان البشري=
اسمي علم كان متناسي=عاتق شرى بيعته معتوق
مشغول فكري وهوجاسي=القلب عاشق فقد معشوق
أحمد العمودي=
لاتسلم القلب للآسي=اللي تناساك يامخلوق
انساه مادام هوناسي=ترى لقلبك عليك حقوق
بخيتان البشري=
ماكان في يوم لي قاسي=اخذ المسائل معي برفوق
ياستاذ مغصوب من ناسي=يسعون في دربنا بفروق
أحمد العمودي=
بفتيك من واقع مراسي=وماأملكه من خبر موثوق
مادامت الأمر متواسي=والود مابينكم مرموق
لوأصبح الوضع حساسي=مايصبحون العوازل عوق
خليك صبار وسياسي=وكل شي بعد الصبر ملحوق

المشاركة الأصلية كتبت بواسطة خالداللهيبي (المشاركة 576908) صحت السنتكما محاوره راقيه بين شاعرين متمكنين الشاعر احمد العمودي والشاعر بخيتان محاوره مميزه وتحياتي لكما

المشاركة الأصلية كتبت بواسطة الحب الباقي (المشاركة 576967) صحت السنتكم والله يـعـطـيـكم الـعـافيـــــــــــة بيض الله وجيهكم

المشاركة الأصلية كتبت بواسطة الجرح (المشاركة 577057) لاهنتم وصح الله السنتكم تقبلو التقدير والاحترام وفقكم الله

المشاركة الأصلية كتبت بواسطة العبيدي (المشاركة 577199) الشآعرآن.. بخيتآن البشري & احمد العآمودي ابدآع ولايستغرب من ناسه واهله.. صحت السنتكم.. وبيض الله وجهيكمآ.. بدع ورد من اروع واجمل مآيكوـن.. لكمآ خالص الود والتقدير.. اخوـكم ومحبكم.. العبيدي..

المشاركة الأصلية كتبت بواسطة بندرالبلادي (المشاركة 577727) لا هنتم ،،،،،،،،،،،،،،،،،،،،،،،،، وبيض الله وجهيكم ويعطيكم العافيه

المشاركة الأصلية كتبت بواسطة أبن وازن (المشاركة 590237) الاخوان ابو محمد..ابوعمر ابداع من شعار كبار فالساحه الله يعطيكم العافيه وصحت السنتكم