لو اقـول اللـي اقولـه مايكفـي=في ذراء موجة عذابي ويش اقول
الكـلام يضيـع فينـي بالتشفـي=ويحترق في ظرف لحظه مايطول
وكل كلمه ضايعه فينـي تطفـي=شمعت ايام الامل في كل حـول
ولانطفى نورالامل فينـي وكفـي=ابتداء مشوار حزنـي بالفصـول
فصلـه الاول عـذاب مايخفـي=يعصف بريح الخواطر للذهـول
ويستهب الفكر فيهـا ويستخفـي=لين يوصل مرحله فيهـا يـزول
وثم يبداء فصلها الثانـي يهفـي=في معاليق الحشاء ينزل نـزول
يبتدي برد الامانـي و يستلفـي=في عيوني لين تلجـاء للهطـول
و لا لجت لدمع عينـي ماتكفـي=دمعهـا ياليـن توصـل للذبـول
يستزيد البرد في جوفـي وكفـي=ثم يبداء فصلها الثالـث يجـول
واجمع اعـواد القوافـي لتدفـي=و اشعل النيران فيها و لا اقـول
غير بالله ياعذاب الوقـت ذفـي=و مالك بدنياي يـا همـي قبـول
مابقاء الافصلهـا الرابـع يوفـي=باقي افصول العناءويدور حـول
يبتدي لاشاف دمع العيـن جفـي=يبتدي بفكار في بعـض الحلـول
كل فكره تسهـره ليـل وترفـي=لين يكمل للعنى بالجـوف حـول
ثم ترجع من جديد وبـي تلفـي=واخذ اللفـه معهـا لجـل اقـول
و تبتدي لفـت شقاهـا بالتشفـي=والنهايه برضهـا ليـل الحلـول
يعني كل القـول كلـه مايكفـي=بالعذاب وموجته ومهمـا نقـول

المشاركة الأصلية كتبت بواسطة سعد المحمدي (المشاركة 561579) شاعر بني عمر صح لسانك

المشاركة الأصلية كتبت بواسطة الحب الباقي (المشاركة 561604) ياليت نتعرف على اسمك الكريم وصح لسانك مليون على القصيده والله يـعـطـيـك الـعـافيـــــــــــة بيض الله وجهك

المشاركة الأصلية كتبت بواسطة الجرح (المشاركة 561973) لاهنت وصح السانك تقبل التقدير والاحترام وفقك الله

المشاركة الأصلية كتبت بواسطة حمود الغيداني (المشاركة 562098) شاعر مـــن بني عـمر صح لسانك

المشاركة الأصلية كتبت بواسطة بخيتان البشري (المشاركة 562101) صح لسانك وبيض الله وجهك واتمم جزالة هذه القصائد بجزالة اسمك

المشاركة الأصلية كتبت بواسطة بن فرهود الحربي (المشاركة 562421) صح الله لسانك ولاهنت وسلم فكرك وبنانك دمت برعاية الله وحفظة

المشاركة الأصلية كتبت بواسطة ناهس الشعيفاني (المشاركة 564682) الشاعر الراااائع محسن بن سند بن هليل الرويثي صح لسانك لله درك يابن العم قصيده حملت كل معاني الابداااع والجمال قصيده راااائعه بيض الله وجهك يابن العم على هذه الجزاااله ننتظر جديد مشاركاتك .......