|
اللغز (229 ) عن الفتاه اللي على الكود صابره0=محلول= لوحات الطرق0من سعود
الله يحيي الجميع وكالعادة لغز سهل بالحيل اتمنى له اقامة سعيدة ولكم المتعة والمرح
وش الفتاة اللي على الكود صابره=بالطيب معروفة ودايم مثابره ماتلبس الملثم عن اللي يشوفها=في خدها علم عن الخد شابره ياقوم نجم الجدي مع طيب فعلها=وكل النجوم اللي على الارض سابره |
عبد الله صح لسانك وبيض الله وجهك على اللغز الثمين خلينا نستفتح الرمعات ولواني عارف انها طايشه وش رايك بالشمس او الخريطه |
صح لسانك يابو زياد وخله يتساوى في موقعه وانا له
|
حياك الله يابو يزيد
وبيض الله وجهك على هاللغز السمين 00 |
اللغز يابو زياد قطت دابره = ابا اكسر كراعه ولاانته بجابره البنت كل علومها بالاشاره = مثل الدليل اللي يحدد مشاربه دايم شمال مركزه باتجاهها = معروف واجبها من اعصور غابره |
اقتباس:
صح بدنك يابو عادل وياهلا ويامرحبابك ومالك لواء يالغالي |
اقتباس:
الله يحيي نباك ياخالد ووجهك ابيض واتمنى ان اشوف لك رمعات في جميع الالغاز ونتشرف واتنمنى ان يتوقف دورك عند الاشراف فقط انا متأكد ان ثلاثة الارباع من الالغاز عارفها ونبيها توخر عنا تكفى يابو احمد |
اقتباس:
عزالله ان الحل ياعلي نابره=والبنت لازالت عليكم مكابره البوصلة ياسيدي هات غيرها=رمعتك راحت مع هكا الحزم عابره |
ههههههههههه
شطر البيت الثاني للي يحدد معابره بس مادام ماله سنع بكيفه هالحين وشرايك بالنار والله انها رمعة خبله لكن وصلتك |
اقتباس:
حياك الله يابو خالد النار بالعكس رمعة طيبة ويهتدي بها الناس لكن في الظلام فقط اللغز سهل لكن الله وقاه منك |
شد حيلك يابو خالد
|
اقتباس:
مرحبابك يابو زياد لغز ياوي لغز يبيلة جلسة وش رايك في ( جهة الشمال \ أو جهة الجنوب اللي يكثر المطر فيها \ أو نجمة الثرياء ) |
ابو خالد وابو بدر يسدون
واللغز في خطر |
عبد الله اسمحلي عند ي استفسار كلمة شابره - قياس او ايه == ياقوم - المقصود يقوم او قوم لك كل الشكر |
اقتباس:
ابوزياد وشرايك ب(((((شاشة الصراف او لوحة الطريق او لوحة الدعايات))))) |
للجميع تحياتي ووافر امتناني وصح لسانك ياسعود نعم الحل لوحة الطريق _________________ والاخ ابوعادل المقصود بـ شابره أي بالشبر المعروف كناية عن قياس الطول وياقوم تستخدم للتقليل من اهمية الشئ |
الرمعه من سعود وهي لوحات الطرق
|
الساعة الآن 02:06 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir